Thursday, June 20, 2024
- Advertisement -
- Advertisement -

ዜናበዘጠኝ ወራት ከትራፊክ ቅጣት 1.1 ቢሊዮን ብር ገቢ መገኘቱ ተሰማ

በዘጠኝ ወራት ከትራፊክ ቅጣት 1.1 ቢሊዮን ብር ገቢ መገኘቱ ተሰማ

ቀን:

  • 100 ሺሕ ተሽከርካሪዎች ከነዳጅ ድጎማ መታገዳቸው ተገልጿል

በአገር አቀፍ ደረጃ የትራፊክ ሕጎች ተፈጻሚነት ላይ በተደረገ ክትትልና ቁጥጥር ከተቀጡ አሽከርካሪዎች፣ 1.1 ቢሊዮን ብር ገቢ መገኘቱን የትራንስፖርትና ሎጂስቲክስ ሚኒስቴር አስታወቀ፡፡

የሚኒስቴሩ የሥራ ኃላፊዎች የተቋማቸውን የዘጠኝ ወራት ዕቅድ አፈጻጸም ሪፖርት ትናንት ግንቦት 27 ቀን 2016 ዓ.ም. ለሕዝብ ተወካዮች ምክር ቤት ሲያቀርቡ ነው ይህ የተገለጸው፡፡

የትራንስፖርትና ሎጂስቲክስ ሚኒስትር ዓለሙ ስሜ (ዶ/ር) ባቀረቡት ሪፖርት በዘጠኝ ወራት ውስጥ በአሽከርካሪና ተሽከርካሪዎች ላይ በመደበኛና በድንገተኛ የቴክኒክ  ቁጥጥር በድግግሞሽ በ9.7 ሚሊዮን ተሽከርካሪዎች፣ እንዲሁም በ103 ሺሕ ተሽከርካሪዎች ላይ በተደረገ የራዳርና የአልኮል መጠጥ ቁጥጥር ከሁለት ሚሊዮን በላይ ተሽከርካሪዎች ተቀጥተው 1.129 ቢሊዮን ብር ገቢ መገኘቱን አስረድተዋል፡፡

- Advertisement -

የትራፊክ አደጋ መቀነስ እንዳልታየበት የተናገሩት ሚኒስትሩ የችግሩ፣ መንስዔ ብቃት የሌሎች አሽከርካሪዎች መብዛትና ብቃት እያላቸው ሕግ የሚጥሱ አሽከርካሪዎች ቁጥር መጨመር መሆኑን ተናግረዋል፡፡

በተጨማሪም ኃላፊነታቸውን በአግባብ ያልተወጡ የመንግሥት ሠራተኞች በአንድ የትራንስፖርት ተቋም ሰባት፣ በሌላ ተመሳሳይ ተቋም ደግሞ ስድስት ሰዎች በብልሹ ድርጊታቸው ታስረው ለሕግ ቀርበዋል ብለዋል፡፡

የነዳጅ ድጎማን በተመለከተ በሰጡት ማብራሪያ በሱፐርቪዥን፣ በውስጥ ኦዲትና፣ በደረሰ ጥቆማ መሠረት በሕገወጥ ድርጊት ከመቶ ሺሕ በላይ ተሽከርካሪዎች ታግደው ያለ አላግባብ የወሰዱትን ነዳጅና ገንዘብ እንዲመልሱ እየተደረገ መሆኑን፣ ድርጊቱን እንዲፈጽሙ ያደረገው የመንግሥት አካል ደግሞ ተጠያቂ እንዲሆን እየተደረገ መሆኑን ተናግረዋል፡፡

በዘጠኝ ወራት ለነዳጅ ግብይት 86.6 ቢሊዮን ብር መውጣቱን፣ ከዚህ ውስጥ ለተሽከርካሪዎች ድጎማ 29.2 ቢሊዮን ብር መዋሉን ሚኒስትሩ አስረድተዋል፡፡

አቶ ካሊድ አባሜጫ የተባሉ የምክር ቤት አባል በድጎማ ከውጭ የገባው ነዳጅ ከሕዝብ ጠቃሚነት ይልቅ ለጥቂት ባለሀብቶች መበልፀጊያ እየሆነ ነው ብለዋል፡፡ በአንዳንድ ከተሞች የሚገኙ ማደያዎች በቀን ተሽከርካሪዎችን በማሠለፍ በማሽን ብልሽትና ማሽን ሞቀ በሚል ሰበብ ነዳጅ እንደማይቀዱ፣ ነገር ግን ሌሊት በበርሜልና በጄሪካን ለሕገወጥ ነጋዴዎች በተጨማሪ ዋጋ እየሸጡ ነው ብለዋል፡፡  

ባለተሽከርካሪው ከሕጋዊ ማደያ ያጣውን ነዳጅ ከሕገወጥ ነጋዴው በውድ ዋጋ እየገዛ ተጠቃሚው ላይ ዋጋ ስለሚጨምር የሕዝብ እሮሮ መነሻ መሆኑን፣ ይህ ሕገወጥነት ሕዝቡን ለኑሮ ውድነት እያጋለጠው እንደሆነ ተናግረዋል፡፡ ነዳጅ ከማደያ በሕገወጥ መንገድ እየወጣ ተደብቆ የሚቀመጥበት ቦታ ለእሳት አደጋ መንስዔ እየሆነ ንብረት እየወደመ እንደሆነም አስረድተዋል፡፡

ሚኒስትሩ የነዳጅ ማደያዎች ከጂቡቲ ያስገቡትን፣ የሸጡትንና የሚሸጡትን የነዳጅ መጠን የነዳጅና ኢነርጂ ባለሥልጣን መቆጣጠር የሚያስችለው ሥርዓት እየተገነባ መሆኑን፣ በአዲስ አበባና በሸገር ከተሞች ወደ ተግባር መገባቱን ገልጸዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...