Thursday, June 20, 2024
- Advertisement -
- Advertisement -

ስፖርትወርቃማውን ምሩፅ ይፍጠርን ያፈራው አየር ኃይል ለኦሊምፒክ ቡድን መለማመጃ ትራኩን ፈቀደ

ወርቃማውን ምሩፅ ይፍጠርን ያፈራው አየር ኃይል ለኦሊምፒክ ቡድን መለማመጃ ትራኩን ፈቀደ

ቀን:

  • የኬንያ ኦሊምፒክ ለአገሩ ፓርላማ ስለ ኦሊምፒክ ዝግጅቱ ሪፖርት አቅርቧል

የፓሪስ ኦሊምፒክ ሊጀመር የቀረው 54 ቀናት ብቻ ሲሆን፣ በየአኅጉሩ የሚገኙ ብሔራዊ ኦሊምፒክ ኮሚቴዎች በሚወዳደሩባቸው ስፖርቶች ዝግጅቶቻቸውን አጠናክረው ተያይዘውታል፡፡

እንቅስቃሴዎቻቸውን በጋዜጣዊ መግለጫዎቻቸውም ሆነ በማኅበራዊ ትስስር ገጾቻቸው እያስታወቁ ይገኛሉ፡፡

 ኢትዮጵያ እንደሁሌው ውጤታማ በሆነችበት የረዥምና የመካከለኛ ርቀት፣ እንዲሁም በማራቶን ጠንካራ ዝግጅት እያደረገች መሆኑን ብሔራዊ የአትሌቲክስ ፌዴሬሽኑ እየገለጸ ይገኛል፡፡

- Advertisement -

አትሌቶች በጎዳናና በጫካ ከሚያደርጉት ልምምድ በተጨማሪ፣ በተለይ ለመካከለኛና ረዥም ርቀት ተወዳዳሪዎች እጅግ አስፈላጊ የሆነው የትራክ (መም) መለማመጃ አዲስ ቦታ መገኘቱን የኢትዮጵያ ኦሊምፒክ ኮሚቴ አስታውቋል፡፡ የኦሊምፒክ አትሌቶች ሲለማመዱበት ከቆዩበት የስፖርት አካዴሚ ሌላ ተጨማሪ ትራክ የተገኘው ቢሾፍቱ (ደብረ ዘይት) ከተማ በሚገኘው የኢትዮጵያ አየር ኃይል ቅጥር ግቢ ውስጥ ነው፡፡

ብሔራዊ ኦሊምፒክ ኮሚቴው በማኅበራዊ ትስስር ገጹ በይፋ እንደገለጸው፣ ‹‹የኢትዮጵያ አየር ኃይል ዋና አዛዥ ጄኔራል ይልማ መርዳሳ፣ የኦሊምፒክ ቡድኑ ዝግጅቱን በተገቢ መንገድ እንዲዘጋጅበት፣ የአየር ኃይሉን ትራክና የፅዳት ቦታዎችን በነፃ እንዲገለገሉበት ፈቅደዋል፡፡››

የኢትዮጵያ ኦሊምፒክ ቡድን በትራኩ ላይ እንዲለማመድበት የኢትዮጵያ አየር ኃይል በመፍቀዱ ፕሬዚዳንቱ አሸብር ወልደጊዮርጊስ (ዶ/ር) ከፍተኛ ምስጋና ማቅረባቸውንና በቀጣይ ጊዜም አብረው እንዲሠሩ መጠየቃቸውም ተገልጿል፡፡

ለአየር ኃይል ዋና አዛዥ የስፖርት ትጥቅ በተበረከተበት ሥነ ሥርዓት ላይ የኢትዮጵያ ኦሊምፒክ ኮሚቴ አመራሮች የተገኙ ሲሆን፣ በቀጣይ ሰኞ አትሌቶችን ይዘው በመገኘት ልምምዳቸውን እንደሚያስጀምሩ ፕሬዚዳንቱ በንግግራቸው ማረጋገጣቸውን በኦሊምፒክ ማኅበራዊ ትስስር ገጹ ተመልክቷል፡፡

የኢትዮጵያ አየር ኃይል በክለቡ ‹‹ንብ›› አማካይነት፣ በ1980 ሞስኮ ኦሊምፒክ በ10ሺና 5ሺ ሁለት ወርቅ፣ በ1972 ሙኒክ ኦሊምፒክ በ10ሺ ነሐስ ያገኘው ሻምበል ምሩፅ ይፍጠርን ማፍራቱ ይታወሳል።

በሌላ ኦሊምፒያዊ ዜና የኬንያ ብሔራዊ ኦሊምፒክ ኮሚቴ ለአገሩ ፓርላማ ስፖርታዊ ኮሚቴ የፓሪስ ኦሊምፒክ ዝግጅት ወቅታዊ መረጃ ማቅረቡን በማኅበራዊ ትስስር ገጹ ገልጿል፡፡

ሪፖርቱን በሞምባሳ ሴሬና ሆቴል ተገኝተው ለፓርላማው የስፖርት ኮሚቴ ያቀረቡት ፕሬዚዳንቱ ፖል ቴርጋት፣ ምክትል ፕሬዚዳንቱ ማሉኪ ሻድራክ፣ አቃቤ ነዋዩ ኤሊዩድ ካሪዩኪና ዋና ጸሐፊ ፍራንሲስ ሙቱኩ ናቸው፡፡

በኦሊምፒክም ሆነ በዓለም ሻምፒዮና የኢትዮጵያ የቅርብ ተፎካካሪ የሆነችው ኬንያ ብሔራዊ ኦሊምፒክ ኮሚቴዋም ሆነ አትሌቲክስ ኬንያ ከፓርላማው የስፖርት ኮሚቴ ጋር የቅርብ ግንኙነት እንዳላቸው አንዱ ማሳያ ስለ ፓሪስ ኦሊምፒክ ዝግጅት ሪፖርት እንዲቀርብላቸው መደረጉ ነው፡፡ ከዓለም አቀፍ ኦሊምፒክ ኮሚቴ ጋር ቀጥታ ግንኙነት ያለው ብሔራዊ ኦሊምፒክ ኮሚቴ የኦሊምፒክ እንቅስቃሴን በተመለከተ ከሕዝብ ተወካዮች ምክር ቤት ከሚመለከተው ቋሚ ኮሚቴ ጋር ስለመነጋገሩ አልተሰማም፡፡

በቅርቡ የባህልና ስፖርት ሚኒስቴር የዘጠኝ ወር አፈጻጸም ሪፖርት ሲያቀርብ ስለ ፓሪስ ኦሊምፒክ ዝግጅት ምንም አለማለት ሰነዱ ያሳያል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...