Thursday, June 20, 2024
- Advertisement -
- Advertisement -

ዜናበተለያዩ ጦር ግንባሮች ለተሰው ጀግኖች ማስታወሻ ሊገነባ ነው

በተለያዩ ጦር ግንባሮች ለተሰው ጀግኖች ማስታወሻ ሊገነባ ነው

ቀን:

በኢትዮጵያ በተለያዩ የጦር ግንባሮች ተሠልፈው የተሰው ጀግኖች የሚዘከሩበት ብሔራዊ ማስታወሻ ሐውልት ሊገነባ መሆኑ ተሰማ፡፡

‹‹ላልታወቁ ወታደሮች›› ተብሎ የሚገነባው የሰማዕታት መታሰቢያ ፕሮጀክቱ በመከላከያ ሚኒስቴር የሚመራ ነው፡፡ መታሰቢያው የጀግኖች ሰማዕታት አፅም ዘላቂ ማረፊያ እንደሚሆን መከላከያ አረጋግጧል፡፡

የመከላከያ ቅርስ ጥናት የሥራ ክፍል ይህንን ፕሮጀክት ለመተግበር የሚያስችል መረጃ አሰባሰብና ጥናት ሥራ መጀመሩን በተለይ ለሪፖርተር ገልጿል፡፡

- Advertisement -

በመከላከያ ሚኒስቴር የቅርስ ጥናትና አስተዳደር ዳይሬክተር የሆኑት ብርጋዴር ጄኔራል ደሳለኝ ጋቼ፣ ፕሮጀክቱን የሚመራ ራሱን የቻለ ግብረ ኃይል ተቋቁሞ ወደ ሥራ መገባቱን ገልጸዋል፡፡

‹‹በቅርቡ ከቱሪዝም ሚኒስቴር፣ ከቅርስ ጥናትና ጥበቃ ባለሥልጣን፣ ከተለያዩ ተቋማት የሚመለከታቸው ባለሙያዎችን አሰባስበን ወርክሾፕ በማዘጋጀት ውይይት አካሂደናል፡፡ ብሔራዊ የጀግኖች መታሰቢያ ዘላቂ ማረፊያ በመገንባት ሐሳብ ላይ በሁሉም ዘንድ መግባባት ላይ ተደርሷል፡፡ አሁን ደግሞ መረጃ በመሰብሰብና በጥናት ሒደት ላይ ነን፤›› በማለት ፕሮጀክቱ የሚገኝበትን ደረጃ ተናግረዋል፡፡

ይህ ለወደቁ ጀግኖች የሚሠራው ዘላቂ ማረፊያና ማስታወሻ በአዲስ አበባ ብቻ ሳይሆን በአራቱም አቅጣጫ ባሉ ዋና ዋና ከተሞች፣ በተለይም የመከላከያ ማዘዣ ቀጣናዎች እንደሚገነቡ ኃላፊው አረጋግጠዋል፡፡ በዚህ ሳምንት የጥናት ሥራዎች መጀመሩንና የመስክ ምልከታ ለማድረግ መንቀሳቀሳቸውንም አስታውቀዋል፡፡

መከላከያ ፕሮጀክቱ የሚተገበርበትን ጥናት ከማካሄድ ባለፈ ዘርፉ የሚመራበትን መመርያም የማዘጋጀት ሥራ እንደሚሠራ ብርጋዴር ጄኔራል ደሳለኝ ገልጸዋል፡፡

‹‹መከላከያ ሚኒስቴር ከፍተኛ የቅርስ ጥናት ባለሙያዎች አሉት፡፡ በጥናቱ ተንተርሰን መመርያ እንዲዘጋጅ እናደርጋለን፡፡ ከውጭ አገሮች ምርጥ ተሞክሮዎችን ለማምጣት ዳሰሳ እያደረግን ነው፡፡ የቀድሞ አርበኞችና ጀግኖችም በፕሮጀክቱ ይሳተፉበታል፡፡ መከላከያ ሚኒስቴር የፖሊሲና የሕግ መመርያ የማውጣት ሥልጣን አለው፡፡ በዚያ ሥልጣን መሠረት ለወደቁ ጀግኖች መታሰቢያ መቃብር የመገንባት ብቻ ሳይሆን አስተዳደሩንም የሚወስን መመርያ የማዘጋጀት ሥልጣን አለው፤›› በማለት የሥራ ኃላፊው አብራርተዋል፡፡

የዓድዋ ጀግኖች መታሰቢያ ሙዚየም በቅርቡ በአዲስ አበባ ፒያሳ ተገንብቶ መመረቁ ይታወሳል፡፡ ይሁን እንጂ ከውጭ ወራሪዎች ጋር በተደረጉ ውጊያዎች ብቻ ሳይሆን በተለያዩ የጦር ሜዳዎች ወድቀው የተረሱና አስታዋሽ ያጡ ሰማዕታት የሚታወሱበት ማስታወሻ ያስፈልጋል የሚለው ጥያቄ ለረዥም ጊዜ ሲንከባለል መቆየቱ ይታወሳል፡፡

በብሔራዊ ጀግኖች፣ በብሔራዊ በዓላትም ሆነ በአገራዊ ታሪኮች ዙሪያ በኢትዮጵያ ያለው መግባባት የወረደ መሆኑ በተደጋጋሚ ይነሳል፡፡ የአሁኑ የወደቁ ጀግኖች ማስታወሻ ሐውልትም ይህንን ክፍተት የሚደፍንና ብሔራዊ መግባባት ለማምጣት የሚረዳ መሆኑን መከላከያ ሚኒስቴር ይናገራል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...