Thursday, June 20, 2024
- Advertisement -
- Advertisement -

ማኅበራዊበዋጋ ንረት የተማረሩት አሶሳዎች

በዋጋ ንረት የተማረሩት አሶሳዎች

ቀን:

በቤኒሻንጉል ጉሙዝ ክልል በአሶሳ ከተማ በፍጆታ ዕቃዎች እየታየ ባለው የዋጋ ንረት መቸገራቸውን የተናገሩት ነዋሪዎች፣ የኑሮ ውድነቱ ዕለት ከዕለት እየጨመረ የመግዛት አቅማቸውን መፈተኑን በምሬት ያስተጋባሉ፡፡

የኑሮ ውድነቱን ለማረጋጋትና በፍጆታ ዕቃዎች ላይ የሚታየውን የዋጋ ጭማሪ ለማስቀረት በመንግሥት በኩል እየተደረገ ያለው ጥረት አናሳ መሆኑንም ስማቸው እንዲጠቀስ ያልፈለጉ አስተያየት ሰጪ ተናግረዋል፡፡

ከመሠረታዊ ፍጆታ አንፃር አንድ እንቁላል እስከ 15 ብር ሒሳብ እየገዙ እንደሚገኙ፣ ቀይ ሽንኩርት 70 ብር፣ ቲማቲም 50 ብር፣ ሦስት ሊትር ዘይት እስከ 800 ብር እየገዙ መሆናቸውን ገልጸዋል፡፡

- Advertisement -

ከአዲስ አበባ እስከ አሶሳ ያለው መንገድ ከፀጥታ ጋር በተያያዘ በየወቅቱ ስለሚዘጋ ነጋዴዎች ምርት ለማቅረብ እንደሚቸገሩና የዋጋ ንረቱንም ከዚሁ ጋር የተያያዘ መሆኑን ሸማቾቹ ሲጠይቁ የሚያገኙት ምላሽ መሆኑንም አክለው ተናግረዋል፡፡ 

የክልሉ ንግድና ገበያ ልማት ቢሮ ኃላፊ አቶ አሰር ኢብራሂም እንደተናገሩት፣ የኑሮ ውድነትን ለመቀነስ መንግሥት ትኩረት ሰጥቶ በመሥራት ላይ ነው፡፡

የኑሮ ውድነቱ በአሶሳ ከተማ ብቻ ሳይሆን በአገር አቀፍ ደረጃ የሚታይ ነው ያሉት ኃላፊው፣ ችግሩን ለመቅረፍ ምርትን በሚሸሽጉና በሚከዝኑ፣ በሸማቹ ኅብረተሰብ ላይ ያለአግባብ ዋጋ በሚጨምሩና የንግድ አሻጥር በሚፈጽሙ ነጋዴዎች ላይ አስፈላጊው ዕርምጃ እየተወሰደ ይገኛል ብለዋል፡፡

በአሶሳ ከተማ የሚታየውን የኑሮ ውድነት ለማረጋጋት ከንግዱ ማኅበረሰብ አባላት ጋር ቢሮአቸው በተለያዩ ጊዜያት በመወያየት ላይ መሆኑን በተደረጉ ውይይቶችም ችግሮችን በመቅረፍ፣ የንግድ ሥርዓቱን ጤናማ በማድረግ በኩል ውጤት ማሳየቱንም ኃላፊው ሳይገልጹ አላለፉም፡፡

እንደ አቶ አሰር በንግዱ ዘርፍ ሕዝቡ ለሚያነሳቸው ጥያቄዎች ፈጣን ምላሽ ለመስጠትና የኑሮ ውድነቱን ለመቅረፍ ግብረ ኃይል ተቋቁሞ እንቅስቃሴ በመደረግ ላይ ይገኛል፡፡

ባለፋት ዘጠኝ ወራት፣ አላስፈላጊ ዋጋ በተለያዩ የፍጆታ ዕቃዎች ላይ ጭማሪ ባደረጉ ነጋዴዎችና የንግድ ድርጅቶች ላይ በተወሰደው ዕርምጃ 3.2 ሚሊዮን ብር በቅጣት ገቢ መደረጉን ተናግረዋል።

በቀጣይም በማጠናከር አለአግባብ የዋጋ ጭማሪ በሚያደርጉ ነጋዴዎች ላይ ሕጉ በሚፈቅደው መሠረት ተመጣጣኝ ዕርምጃ ይወሰዳል ብለዋል።

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...