Thursday, June 20, 2024
- Advertisement -
- Advertisement -

ስፖርትክብረ ወሰን ወደ መነጣጠቅ የተሸጋገረው የምሥራቅ አፍሪካውያኑ ትንቅንቅ

ክብረ ወሰን ወደ መነጣጠቅ የተሸጋገረው የምሥራቅ አፍሪካውያኑ ትንቅንቅ

ቀን:

የዓለም ዓይኖች የፓሪስ ኦሊምፒክን በሚናፍቁበት በዚህ ወቅት፣ የአትሌቲክሱ አድማቂዎች ምሥራቅ አፍሪካውያኑ አትሌቶች ከመሸናነፍ ባሻገር ክብረ ወሰን በመነጣጠቅ በርካቶችን እያስደመሙ ይገኛል፡፡ ይህንኑ ባለፈው እሑድ ግንቦት 18 ቀን 2016 ዓ.ም. በአሜሪካ ዩጂን በተከናወነው ዳይመንድ ሊግ ውድድር ላይ አሳይተዋል፡፡

ለተሰንበት ግደይ እ.ኤ.አ. በ2021 በተከናወነው ዳይመንድ ሊግ በ10,000 ሜትር ተይዞ የቆየው 29፡01.08 የዓለም ክብረ ወሰን፣ በዕለተ እሑድ በዩጂን ከተማ በተደረገው ተመሳሳይ ውድድር ኬንያዊቷ ቤትሪስ ችቤት 28፡54.14 በሆነ ጊዜ አጠናቃ የለተሰንበት ግደይን ክብር ተረክባለች፡፡ በርቀቱ ከኬንያዊቷ ይልቅ ትልቅ ግምት ተሰጥቷት የነበረችው የ5000 ሜትር የዓለም ክብረ ወሰን ባለቤቷ ጉዳፍ ፀጋይ ብትሆንም፣ ሳይሳካ ቀርቷል፡፡ ርቀቱን 29፡05.92 በመግባት ሁለተኛ ደረጃ ይዛ ማጠናቀቋ ታውቋል፡፡

ምሥራቅ አፍሪካውያኑ የአዳዲስ ክብረ ወሰኖች ተቀናቃኝ በመሆን ለዓመታት ዘልቀዋል፡፡ በተለይም በማራቶንና በረዥም ርቀት ፖል ቴርጋት፣ ኃይለ ገብረሥላሴ እንዲሁም ኪፕ ቾጌ፣ በሴቶችም በተመሳሳይ ለተሰንበት ግደይ፣ ቤትሪስ ችቤትና ከዚህ ቀደም ሲል ያሉትን ማሳያ አድርጎ በመመልከት የምሥራቅ አፍሪካውያኑ በአትሌቲክስ ለሚያሳዩት ትንቅንቅ ማሳያ አድርጎ መውሰድ ይቻላል፡፡

- Advertisement -

በሌላ ውድድር ጽጌ ገብረ ሰላማ በ5000 ሜትር የዓመቱ ፈጣን ሰዓት 14፡18.76 ለማስመዝገብ አሸናፊ በሆነችበት ውድድር፣ እጅጋየሁ ታዬ በ14፡18.92 ሁለተኛ፣ ፍሬወይኒ ኃይሉ በ14፡20.61 በመግባት ሦስተኛ ሆነዋል፡፡ ዓይናለም መብራቱ 14፡22.76 አራተኛ፣ ብርቄ ኃየሎም በ14፡22.71 አምስተኛ ደረጃን ይዛለች፡፡ በዚህ ውጤቷም ዕድሜያቸው ከ20 ዓመት በታች የሆኑ የዓለም ክብረ ወሰን ባለቤት ሆናለች፡፡ በዚሁ ውድድር ሒሩት መሸሻ በ14፡33.44 6ኛ ስትሆን፣ ሠናይት ጌታቸው በ14፡35.27 በመሀል አንድ የሌላ አገር ተወዳዳሪ በማስገባት 8ኛ ደረጃ ሆናለች፡፡

በዩጂን ዳይመንድ ሊግ ከተከናወኑ ውድድሮች በተለይም ኢትዮጵያውያን አትሌቶች ለፓሪስ ኦሊምፒክ የተሻለ የመግቢያ ሰዓት እንደሚያስመዘግቡ ተጠብቆ የነበረው፣ 800 ሜትርና 3,000 ሜትር መሰናክል መሆኑ ይታወቃል፡፡

በሁለቱ ውድድሮች በሴቶች ጽጌ ዱጉማ በ800 ሜትር 1፡58.70 በመግባት 8ኛ ደረጃ ይዛ ስታጠናቅቅ፣ በ3,000 ሜትር መሠናክል ሴቶች ሌምቦ ዓለማየሁ 9፡07.29 አጠናቃ በአራተኛነት አጠናቃለች፡፡

የኢትዮጵያ ኦሊምፒክ ኮሚቴና የኢትዮጵያ አትሌቲክስ ፌዴሬሽን የፓሪስ 2024 ኢሊምፒክ ዝግጅትን አስመልክቶ ባለፈው ሳምንት በጋራ ጋዜጣዊ መግለጫ መስጠታቸው ይታወሳል፡፡

በወቅቱ በነበረው መግለጫ የኦሊምፒክ መግቢያ ሰዓት በተለይም በወንዶች 800 ሜትርና 3000 ሜትር መሰናክል እስካሁን ሰዓት (ሚኒማ) እንዳልተመዘገበ፣ ሆኖም  ሰኔ 7 ቀን በስፔን ማላጋ በሚደረገው የሰዓት ማሟያ ውድድር በርከት ያሉ አትሌቶች እንደሚወዳደሩ መገለጹ አይዘነጋም፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...