Thursday, June 20, 2024
- Advertisement -
- Advertisement -

ማኅበራዊለጨጓራ መድኃኒትነት ሲያገለግል የቆየው ራኒቲዲን ኢትዮጵያ ውስጥ ጥቅም ላይ እንዳይውል ታገደ

ለጨጓራ መድኃኒትነት ሲያገለግል የቆየው ራኒቲዲን ኢትዮጵያ ውስጥ ጥቅም ላይ እንዳይውል ታገደ

ቀን:

የኢትዮጵያ ምግብና መድኃኒት ባለሥልጣን ራኒቲዲን የሚባለው የጨጓራ መድኃኒት በኢትዮጵያ ውስጥ ጥቅም ላይ እንዳይውል ማገዱን አስታወቀ፡፡

በባለሥልጣኑ የመድኃኒት ደኅንነት ክትትልና የሕክምና ሙከራ መሪ ሥራ አስፈጻሚ አስናቀች ዓለሙ ግንቦት 12 ቀን 2016 ዓ.ም. ተፈርሞ የወጣው ደብዳቤ፣ ‹‹የራኒቲዲን የጥንቃቄ ዕርምጃ›› ሁሉም የጤና ተቋማትና ባለሙያዎችን ያሳስባል ይላል፡፡

‹‹ራኒቲዲን የተባለው መድኃኒት ከጥቅሙ የጎንዮሽ ጉዳቱ እንደሚያመዝን ስለተደረሰበት፣ በአገራችን ጥቅም ላይ እንዳይውል ስለታገደ አጠር ያለ ማስረጃን ከዚህ ጋር አያይዘናል፤›› ይላል ደብዳቤው፡፡

- Advertisement -

ከ30 ዓመታት በፊት በእንግሊዝ የተፈበረከው ራኒቲዲን የጨጓራ አሲድ፣ የልብ ማቃጠልና ተያያዥ የጨጓራ በሽታዎችን ለማከም ጥቅም ላይ ሲውል ቆይቷል፡፡ ይሁን እንጂ ከቅርብ ጊዜያት ወዲህ በዓለም አቀፍ ደረጃ በተደረጉ ጥናቶች መድኃኒቱ የያዛቸው ንጥረ ነገሮች በተለይ (NDMA) የተሰኘው ካንሰር አምጪ መሆኑ ተደርሶበታል፡፡

አንዳንድ ጥናቶች መድኃቱ ሼልፍ ላይ ሲቆይ ወደ ካንሰር አምጪነት እንደሚቀየር ሲያሳዩ፣ አንዳንድ ጥናቶች ደግሞ መድኃኒቱ የሰው አካል ውስጥ ከገባ በኋላ ወደ ካንሰር አምጪነት ይቀየራል ይላሉ፡፡

ራኒቲዲን ካንሰር አምጪ መሆኑን መጀመሪያ እ.ኤ.አ. በ2019 በአሜሪካ ጥናት ከወጣ በኋላ በመቶ ሺዎች የሚቆጠሩ ታካሚዎች ወደ ፍርድ ቤት መሄዳቸውን ጽሑፎች ያሳያሉ፡፡ የአሜሪካ የመድኃኒት ባለሥልጣን ከዚያ ወዲህ በራኒቲዲን ላይ የተለያዩ ዕገዳዎችን ጥሏል፡፡ የኢትዮጵያ መድኃኒት ባለሥልጣን ግን ችግሩን ያረጋገጥኩት አሁን ነው ብሏል፡፡

‹‹ከተደረጉ የላቦራቶሪ ጥናቶች፣ ከሌላ አገሮች የመድኃኒት ቁጥጥር ባለሥልጣናት ባገኘነው መረጃና ከዘርፉ ባለሙያዎች ጋር ባደረግነው ምክክር ላይ በመመርኮዝ፣ ይህንን የጥንቃቄ ዕርምጃ መውሰድ አስፈላጊ ሆኖ አግኝተነዋል፤›› ይላል የባለሥልጣኑ ደብዳቤ፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...