Monday, June 17, 2024
- Advertisement -
- Advertisement -

ስፖርትአሠልጣኝ ገብረ መድኅን ኃይሌ ለዓለም ዋንጫ ማጣሪያ ለ26 ተጨዋቾች ጥሪ አደረጉ

አሠልጣኝ ገብረ መድኅን ኃይሌ ለዓለም ዋንጫ ማጣሪያ ለ26 ተጨዋቾች ጥሪ አደረጉ

ቀን:

  • ግንቦት 29 ከጊኒ ቢሳዎ፣ ሰኔ 2 ከጅቡቲ ጋር ይጫወታሉ

ዓለም አቀፍ እግር ኳስ ማኅበር (ፊፋ) በ2026 ለሚያዘጋጀው የዓለም ዋንጫ የአፍሪካ አገሮች በተለያዩ ምድቦች ተከፋፍለው የሚያደርጉት የማጣሪያ ጨዋታ ፕሮግራም ይፋ ሆኗል፡፡ በዚሁ መሠረት ኢትዮጵያ ግንቦት 29 እና ሰኔ 2 ቀን 2016 ዓ.ም. ከሜዳዋ ውጪ ከጊኒ ቢሳዎና ከጅቡቲ ጋር ለሚጠብቃት ጨዋታ አሠልጣኝ ገብረ መድኅን ኃይሌ ለ26 ተጨዋቾች ጥሪ አድርገዋል፡፡

በምድብ አንድ ከግብፅ፣ ቡርኪና ፋሶ፣ ጊኒ ቢሳዎ፣ ሴራሊዮንና ጂቡቲ ጋር የተደለደለችው ኢትዮጵያ፣  እስካሁን በሜዳዋ (በአፍሪካ አገሮች በመረጠችው ሜዳ) ባደረገቻቸው ሁለት የማጣሪያ ጨዋታዎች ከሴራሊዮን ጋር ነጥብ ስትጋራ በቡርኪና ፋሶ 3 ለ0 ተሸንፋ በአንድ ነጥብ አምስተኛ ደረጃ ላይ ትገኛለች፡፡

ምድቡን ግብፅ በስድስት ነጥብ ስትመራ፣ ቡርኪና ፋሶና ጊኒ ቢሳዎ በእኩል አራት ነጥብ በግብ ልዩነት ተበላልጠው ሁለተኛና ሦስተኛ ደረጃ ላይ ይገኛሉ። ሴራሊዮን በአንድ ነጥብና በአንድ የግብ ልዩነት ከኢትዮጵያ ተሽላ አራተኛ ስትሆን ጅቡቲ ምንም ነጥብ ሳይኖራት የመጨረሻውን ደረጃ ይዛለች፡፡

- Advertisement -

ከዋሊያዎቹ በተጨማሪ የኢትዮጵያ መድን  ዋና አሠልጣኝ ሆነው እየሠሩ የሚገኙት ገብረ መድኅን ከሜዳቸው ውጪ ለሚጠብቃቸው የዓለም ዋንጫ ማጣሪያ የመረጧቸው ግብ ጠባቂዎች አቡበክር ኑራ ከኢትዮጵያ መድን፣ ሰዒድ ሀብታሙ ከአዳማ ከተማና ፍሬው ጌታሁን ከኢትዮጵያ ንግድ ባንክ ሆነዋል፡፡

ተከላካዮች ብርሃኑ በቀለ ከሲዳማ ቡና፣ ሔኖክ አዱኛ ከቅዱስ ጊዮርጊስ፣ ያሬድ ባዬህ ከባህር ዳር ከተማ፣ ፈቱዲን ጀማል ከኢትዮጵያ ንግድ ባንክ፣ ሚሊዮን ሰለሞን ከኢትዮጵያ ቡና፣ ፍሬዘር ካሳ ከባህር ዳር ከተማ፣ ፍቅሩ ዓለማየሁ ከአዳማ ከተማ፣ ረመዳን የሱፍ ከቅዱስ ጊዮርጊስና ያሬድ ካሳዬ ከኢትዮጵያ ቡና ናቸው፡፡

አማካዮች ቢንያም ሀይተን ከአዳማ ከተማ፣ ጋቶች ፓኖም ከፋሲል ከተማ፣ ወገኔ ገዛኸኝ ከኢትዮጵያ ቡና፣ ብሩክ ማርቆስ ከሀድያ ሆሳዕና፣ አብነት ደምሴ ከወላይታ ድቻ፣ አብዱልከሪም ወርቁ ከኢትዮጵያ ቡና፣ ፉአድ ፈረጃ ከኢትዮጵያ ንግድ ባንክና ቢንያም በላይ ከቅዱስ ጊዮርጊስ ሆነዋል፡፡

አጥቂዎች መስፍን ታፈሰ ከኢትዮጵያ ቡና ሀብታሙ ታደሰና ቸርነት ጉግሳ ከባህር ዳር ከተማ፣ ቢንያም ፍቅሬ ከወላይታ ድቻ፣ ከነዓን ማርክነህና ምንይሉ ወንድሙ ከመቻል መሆናቸው ታውቋል፡፡ 

የኢትዮጵያ ፕሪሚየር ሊግ እሑድ ግንቦት 18 ቀን 2016 ዓ.ም. 26ኛው ሳምንት ጨዋታው  ከተጠናቀቀ በኋላ እስከ ሰኔ 4 ቀን ድረስ እንደሚቋረጥ የኢትዮጵያ እግር ኳስ ፌዴሬሽን አስታውቋል፡፡                

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የምግብ ዋጋ ንረት አጣዳፊ ዕርምጃ ያስፈልገዋል!

መንግሥት የሚቀጥለውን ዓመት በጀት ይዞ ሲቀርብ በአንገብጋቢነት ከሚነሱ ጉዳዮች...

ከባለአንድ ዋልታ ወደ ባለብዙ ዋልታ የዓለም ሥርዓት የመሸጋገራችን እውነታ

በአብዱ ሻሎ አንገት ማስገቢያ እ.ኤ.አ. በፌብሩዋሪ 2022 የሩሲያ መንግሥት በዩክሬን ‹‹ልዩ...

የኢትዮጵያ ኦርቶዶክስ ተዋሕዶ ቤተ ክርስቲያን የውጭ ግንኙነት የሺሕ ዘመናት ታሪኳና እሴቶቿን የሚመጥን መሆን ይኖርበታል

(ክፍል አንድ) በተረፈ ወርቁ (ዲ/ን) እንደ መንደርደሪያ ለዛሬው የግል ትዝብቴንና ታሪክን ላዛነቀው...

ከአገር ግንባታ ጋር የተያያዙ ወሳኝ የቅርብ ታሪካችን አንጓዎች

በታደሰ ሻንቆ በአያሌው የተመረጡና ልጥ የሌላቸው ነጥቦች የተደራጁበት ይህ ታሪክ...