Monday, June 17, 2024
- Advertisement -
- Advertisement -

ኪንና ባህልየአፍሪካ ባህላዊ ትስስር ንቅናቄን በአፍሪካ ቀን

የአፍሪካ ባህላዊ ትስስር ንቅናቄን በአፍሪካ ቀን

ቀን:

አፍሪካን በባህል  ለማስተሳሰር ያለመው ‹ኮኔክት ፎር ካልቸር አፍሪካ› (ሲኤፍሲኤ) የተሰኘው ፕሮጀክት፣ በአፍሪካ አኅጉር ያሉትን የባህልና የፈጠራ ዘርፎችን ለማጠናከር ያለመ ትልቅ ተነሳሽነት ነው። ሰላም ከተሰኘው ለትርፍ ያልተቋቋመ የባህል ድርጅትና በአፍሪካ ኅብረትና በስዊድን ዓለም አቀፍ ልማት ትብብር ኤጀንሲ (ሲዳ) የሚደገፈው ፕሮጀክቱ በአፍሪካ የፈጠራ ኢንዱስትሪዎች የሕዝብ ፈንድና ኢንቨስትመንትን ለማሳደግ ይንቀሳቀሳል።

ፕሮጀክቱን ለማስተዋወቅ ከሚጠቀምባቸው የተለያዩ መድረኮች መካከል የመታሰቢያ ቀኖችና ፌስቲቫሎች ይገኙበታል፡፡

ሰላም ለሪፖርተር በላከው መግለጫው ግንቦት 17 ቀን 2016 ዓ.ም. የሚከበረውን የአፍሪካ ቀን ምክንያት በማድረግ፣ በአፍሪካ ጃዝ መድረክ በሚዘጋጀው አዲስ ጃዝ ፌስቲቫል ላይ ለማክበር በዝግጅት ላይ ይገኛል፡፡

- Advertisement -

ክብረ በዓሉ ግንቦት 16 ቀን በአዲስ አበባ ዩኒቨርሲቲ ራስ መኰንን አዳራሽ በሚካሄደው  የኮኔክት ፎር ካልቸር አፍሪካ ፕሮጀክት የቅስቀሳ ማስጀመሪያ ጋር የሚገጥም ሲሆን፣ ቅስቀሳውን አርቲስቶችን ጨምሮ የተለያዩ ባለድርሻ አካላት  የሚሰባሰቡበት ይሆናል፡፡

ኮኔክት ፎር ካልቸር አፍሪካ ፕሮጀክት በይፋ ከተጀመረ ዓመት ያስቆጠረ ሲሆን የቅስቀሳ ሥራው የአፍሪካ አባል አገሮች በ2022 ዓ.ም. ከብሔራዊ በጀታቸው ቢያንስ አንድ ከመቶ (1%) ያህሉን ለኪነጥበብ፣ ባህልና ቅርስ ዘርፎች እንዲመድቡ ማግባባት ላይ ትኩረት የሚያደርግ ነው ይላል መግለጫው፡፡

ፕሮጀክቱ በባህል ዘርፉ ላይ የመንግሥት መዋለ ነዋይን ማፍሰስ ስላለው ጠቀሜታ አጽንኦት በመስጠት ግንዛቤ የሚያድግበት፣ እንዲሁም ለአፍሪካ ባህል ትስሰር ተልዕኮ ድጋፍ የሚሰባሰብበት ይሆናል፡፡ በቀጣናዊ ትስስርም ከኢትዮጵያ፣ ዑጋንዳ፣ ዛምቢያ፣ ዚምባብዌ   የተወጣጡ ብሔራዊ አስተባባሪዎችና ተመራማሪዎች በጋራ የሚገናኙበትም ይሆናል፡፡

የአፍሪካ ባህላዊ  ትስስርን ያለመው ‹ኮኔክት ፎር ካልቸር አፍሪካ›፣ እንደ መልካም አስተዳደር፣ ሰብዓዊ መብቶችና የሥርዓተ ጾታ እኩልነት ያሉ ሰፊ ማኅበረ ኢኮኖሚያዊ ጉዳዮችን ይመለከታል። ፕሮጀክቱ አርቲስቶች በእነዚህ ወሳኝ ጉዳዮች ላይ በሚደረጉ ውይይቶች ላይ እንዲሳተፉ ለማስቻልም ያለመ ነው።

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የምግብ ዋጋ ንረት አጣዳፊ ዕርምጃ ያስፈልገዋል!

መንግሥት የሚቀጥለውን ዓመት በጀት ይዞ ሲቀርብ በአንገብጋቢነት ከሚነሱ ጉዳዮች...

ከባለአንድ ዋልታ ወደ ባለብዙ ዋልታ የዓለም ሥርዓት የመሸጋገራችን እውነታ

በአብዱ ሻሎ አንገት ማስገቢያ እ.ኤ.አ. በፌብሩዋሪ 2022 የሩሲያ መንግሥት በዩክሬን ‹‹ልዩ...

የኢትዮጵያ ኦርቶዶክስ ተዋሕዶ ቤተ ክርስቲያን የውጭ ግንኙነት የሺሕ ዘመናት ታሪኳና እሴቶቿን የሚመጥን መሆን ይኖርበታል

(ክፍል አንድ) በተረፈ ወርቁ (ዲ/ን) እንደ መንደርደሪያ ለዛሬው የግል ትዝብቴንና ታሪክን ላዛነቀው...

ከአገር ግንባታ ጋር የተያያዙ ወሳኝ የቅርብ ታሪካችን አንጓዎች

በታደሰ ሻንቆ በአያሌው የተመረጡና ልጥ የሌላቸው ነጥቦች የተደራጁበት ይህ ታሪክ...