Monday, June 17, 2024
- Advertisement -
- Advertisement -

ስፖርትየበቆጂ ከተማን የስፖርት ቱሪዝም መዳረሻ ለማድረግ ከታላቁ ሩጫ በኢትዮጵያ ጋር እየተሠራ መሆኑ...

የበቆጂ ከተማን የስፖርት ቱሪዝም መዳረሻ ለማድረግ ከታላቁ ሩጫ በኢትዮጵያ ጋር እየተሠራ መሆኑ ተገለጸ

ቀን:

  • በቆጂ እና ኦልደሬት ምንና ምን ናቸው?

የበርካታ ታላላቅና ታዋቂ አትሌቶች መገኛ የሆነችው የበቆጂ ከተማን የቱሪዝም መዳረሻ ለማድረግ፣ ከታላቁ ሩጫ በኢትዮጵያ ጋር እየተሠራ መሆኑን የቱሪዝም ሚኒስቴር አስታወቀ፡፡

ቱሪዝም ሚኒስቴር ግንቦት 12 ቀን 2016 ዓ.ም. በሰጠው ጋዜጣዊ መግለጫ እንዳስታወቀው፣ በበቆጂ ከተማ ዘንድሮ ለሦስተኛ ጊዜ ከሚከናወነው ውድድር ጎን ለጎን በቆጂ ከተማን ከስፖርት ቱሪዝም ጋር የማቆራኘት እንቅስቃሴ ተካቷል፡፡

የስፖርት ቱሪዝምን ለማስፋፋትና ለማሳደግ፣ አገር አቀፍና አኅጉር አቀፍ የሩጫ ውድድሮችን በማዘጋጀት ከሚታወቀው ከታላቁ ሩጫ በኢትዮጵያ ጋር እየተሠራ መሆኑን ሚኒስትሯ ናስሴ ጫሊ ተናግረዋል፡፡

- Advertisement -

ታላቁ ሩጫ በኢትዮጵያ ከዚህ ቀደም ባደረጋቸው ውድድሮች ከተለያዩ ዓለማት የመጡ አትሌቶችን በቱሪስቶች ጭምር የተሳተፉባት በመሆኑ ራን የቻለ መስህብ ሆኗል፡፡

በውድድሩ ከኢትዮጵያውያን በተጨማሪ ባለፈው ዓመት ኬንያን ጨምሮ የሌሎች አገሮች ተወዳዳሪዎች መሳተፋቸውን የተናገሩት ሚኒስትሯ፣ በቆጂ የኬንያ አትሌቶች ከሚወጡባት ‹‹ኤልዶሬት›› ከተማ ጋር ያላትን የሁለትዮሽ ግንኙነት ለማጠናከር ውድድሩ ይረዳል ብለዋል፡፡

በኬንያ የኤልዶሬት የአትሌቶች ማሠልጠኛ ማዕከል ጨምሮ በርካታ የአትሌቲክስ ማሠልጠኛ ማዕከላት እንዳሉ ይታወቃል፡፡ በእነዚህ ማዕከላት የዓለም የማራቶን ክብረ ወሰን ባለቤቱ ኪፕቾጌን ጨምሮ ታላላቅ ኬንያውያን አትሌቶች ተገኝተውበታል፡፡ አትሌቲክስ ኬንያ፣ ኦሊምፒክን ጨምሮ ለሚያከናውናቸው ዓለም አቀፍ ውድድሮች የማጣሪያ ውድድሮችን የሚያደርገው በኤልዶሬትና በሌሎችም ማሠልጠኛ ማዕከላት እንደሆነ ይታወቃል፡፡

በማዘውተሪያ ዕጦት ምክንያት በአገራቸው የማጣሪያ ውድድሮችን ለማድረግ ያልታደሉት ኢትዮጵያውያን አትሌቶች፣ ከፊት ለፊታቸው ለሚጠብቃቸው የፓሪስ ኦሊምፒክ ማጣሪያዎችን እያረጉ የሚገኙት በአውሮፓና በሌሎችም አገሮች እየተዘዋወሩ መሆኑ ልብ ይሏል፡፡

ቱሪዝም ሚኒስቴር ውድድሩ ባንድ በኩል የከተሞቹን የሁለትዮሽ ግንኙነት ለማጠናከር እንደሆነ ቢገልጽም፣ በስፖርቱ ብቻ ሳይሆን ከስፖርት ቱሪዝም አኳያ በቆጂና አልደሬት ሰፊ ልዩነት እንዳላቸው ይታወቃል፡፡

የበቆጂ ከንቲባ ወ/ሮ ብርሃኔ ነገሰ፣ ከተማቸው ውድድሩን ለማስተናገድ አስፈላጊውን ዝግጅት ማጠናቀቋን ተናግረዋል፡፡

በቆጂ የምታስተናግደው የታላቁ ሩጫ በኢትዮጵያ የአሥር ኪሎ ሜትር ሩጫ ውድድር እሑድ ግንቦት 18 ቀን 2016 ዓ.ም. ሲሆን፣ ታላላቅ አትሌቶችን ጨምሮ በአጠቃላይ 1,500 ተወዳዳሪዎች ይሳተፉበታል ተብሎ ይጠበቃል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የምግብ ዋጋ ንረት አጣዳፊ ዕርምጃ ያስፈልገዋል!

መንግሥት የሚቀጥለውን ዓመት በጀት ይዞ ሲቀርብ በአንገብጋቢነት ከሚነሱ ጉዳዮች...

ከባለአንድ ዋልታ ወደ ባለብዙ ዋልታ የዓለም ሥርዓት የመሸጋገራችን እውነታ

በአብዱ ሻሎ አንገት ማስገቢያ እ.ኤ.አ. በፌብሩዋሪ 2022 የሩሲያ መንግሥት በዩክሬን ‹‹ልዩ...

የኢትዮጵያ ኦርቶዶክስ ተዋሕዶ ቤተ ክርስቲያን የውጭ ግንኙነት የሺሕ ዘመናት ታሪኳና እሴቶቿን የሚመጥን መሆን ይኖርበታል

(ክፍል አንድ) በተረፈ ወርቁ (ዲ/ን) እንደ መንደርደሪያ ለዛሬው የግል ትዝብቴንና ታሪክን ላዛነቀው...

ከአገር ግንባታ ጋር የተያያዙ ወሳኝ የቅርብ ታሪካችን አንጓዎች

በታደሰ ሻንቆ በአያሌው የተመረጡና ልጥ የሌላቸው ነጥቦች የተደራጁበት ይህ ታሪክ...