Wednesday, June 19, 2024
- ማስታወቂያ -
- ማስታወቂያ -

ለሥራ ወደ ውጭ አገሮች ለሚሄዱ ከ500 ሺሕ በላይ ዜጎች የመድን ዋስትና መስጠት ተጀመረ

spot_img

ተዛማጅ ፅሁፎች

ወደ ውጭ አገሮች በሥራ ስምሪት ለሚጓዙ ከ500 ሺሕ በላይ ለሚደርሱ ኢትዮጵያውያን የሕይወት የመድን ሽፋን አገልግሎት ለመስጠት፣ ከሥራና ክህሎት ሚኒስቴር ጋር ለሁለት ዓመታት ውል የተፈራረመው ኒያላ ኢንሹራንስ አገልግሎቱን በይፋ መጀመሩን ገለጸ::

ከኒያላ ኢንሹራንስ ያገኘነው መረጃ እንደሚያመለክተው ይህንን ሰፊ መሠረት ያለውን አገልግሎት ኒያላ ኢንሹራንስ ኩባንያ ወደ ተለያዩ አገሮች ተጉዘው የሥራ ቅጥር ውል ለሚፈጽሙ ኢትዮጵያውያን ዜጎች ለሚደርስባቸው የሞት፣ የአካል ጉዳት፣ የአዕምሮ መታወክና ሌሎች ተጓዳኝ ጉዳቶችን የሚሸፍንነው፡፡ ለእነዚህ የመድን ሽፋኖችም ተጠቃሚዎች በዓመት እንዲከፍሉ የሚጠበቅባቸው 500 ብር ብቻ መሆኑም ተጠቅሷል፡፡ ይህ የመድን ሽፋን በአንድ ክፍያ ሰው እስከ 1.35 ሚሊዮን ብር ድረስ የሕይወት መድን ሽፋን አገልግሎት የሚሰጥ መሆኑንም አስታውቋል፡፡ 

ይህ የመድን ሽፋን ተጓዦች በሄዱባቸው አገሮች የሞት አደጋ ካጋጠማቸው ለአስከሬን ማጓጓዣ፣ ለቀብር ማስፈጸሚያና ለንብረት ማጓጓዣ ኩባንያው እስከ 250 ሺሕ ብር ሽፋን የሚሸጥበት ይሆናል፡፡ ይህ ዋስትና እስካሁን በሥራ ላይ ከነበረው ዋስትና በእጅጉ የላቀ ጥቅም ለተጓዦች የሚያስገኝ ስለመሆኑም ጠቅሷል፡፡

ለራሳቸውና ለቤተሰቦቻቸው ኑሮ መሻሻል በተለያዩ አገሮች በሥራ ቅጥር ውል ለመጓዝ በዝግጅት ላይ የሚገኙ ኢትዮጵያውያን ይህንን የመድን ሽፋን ለማግኘት ኩባንያው የተለያዩ አማራጮችን ያሰናዳ ስለመሆኑም አስታውቋል፡፡ ይህንንም አገልግሎት መስጠት የጀመረው ራሱን የቻለ አዲስ ኦንላይን ሲስተም በማዘጋጀት ጭምር እንደሆነ ገልጿል፡፡ ወደ ኒያላ ኢንሹራንስ መምጣት ለሚፈልጉ ደግሞ በአገሪቱ በሚገኙ የኩባንያው ቅርንጫፎች በግንባር በመቅረብ መስተናገድ ይችላሉ፡፡ በተለይ የአገልግሎት ተጠቃሚምች ወደ ቢሮ መምጣት ሳያስፈልጋቸው በዲጂታል መንገድ በጥቂት ደቂቃዎች ውስጥ ዋስትናቸውን በኤጀንሲያቸው በኩል የሚያገኙበት ልዩ አሠራር መዘርጋቱንም ጠቅሷል፡፡

ከዚህ በፊት በነበረው አሠራር ለውጭ የሥራ ቅጥር ውል ተጓዦች የነበረው የሕይወት መድን ሽፋን አገልግሎት ይሰጥ የነበረው እስከ 400,000 ብር ብቻ የተገደበ እንደነበር ይታወቃል።

ኒያላ ኢንሹራንስ እንዲህ ያለውን ለውጭ ተጓዦች የሚሰጠውን የመድን ሽፋን ለመስጠት የሥራና ክህሎት ሚኒስቴር ለኢንሹራንስ ኩባንያዎች ባወጣው ጨረታ መሠረት ባቀረበው ዋጋ አሸናፊ በመሆኑ ነው፡፡ አሸናፊነቱንም ተከትሎ ከሚኒስቴሩ ጋር ውል በመፈራረም በዚህ ሳምንት አገልግሎቱን ሊጀምር ችሏል፡፡

ኒያላ ኢንሹራንስ በኢትዮጵያ የኢንሹራንስ ኢንዱስትሪ ውስጥ ቀድመው ከተቋቋሙ ኩባንያዎች መካከል አንዱ መሆኑ ይታወቃል፡፡

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች