Monday, June 17, 2024
- Advertisement -
- Advertisement -

ዜናየትምህርት ተቋማትና ኢንዱስትሪዎች ስለማይናበቡ ተወዳዳሪ የሰው ኃይል ማፍራት አልተቻለም ተባለ

የትምህርት ተቋማትና ኢንዱስትሪዎች ስለማይናበቡ ተወዳዳሪ የሰው ኃይል ማፍራት አልተቻለም ተባለ

ቀን:

የትምህርት ተቋማትና ኢንዱስትሪዎች ተናበው ባለመሥራታቸው፣ ተወዳዳሪ የሰው ኃይል ማፍራት እንዳልተቻለ የሥራና ክህሎት ሚኒስቴር አስታወቀ፡፡

ሚኒስቴሩ ይህንን ያስታወቀው የኢትዮጵያ የንግድና ዘርፍ ማኅበራት ምክር ቤት በአዲስ አበባ ከተማ፣ በኦሮሚያ፣ በአማራና በሲዳማ ክልሎች በአምራችና በአገልግሎት ዘርፍ ተሰማርተው በክህሎት ልማት የጎላ ተሳትፎ ላደረጉ 24 ኢንዱስትሪዎች ባለፈው ሳምንት ዕውቅና ሲሰጥ ነው፡፡

የሥራና ክህሎት ሚኒስትር ደኤታ ተሻለ በሬቻ (ዶ/ር)በሰው ኃይል አቅርቦትና በኢንዱስትሪዎች ፍላጎት መካከል ያለውን ልዩነት ለማጥበብ፣ ከግል ተቋማት ጋር መሥራት ያስፈልጋል ብለዋል፡፡

- Advertisement -

ከሥርዓተ ትምህርት ቀረፃ ጀምሮ በሥልጠና፣ በሙያ ብቃት ምዘና፣ እንዲሁም በቅጥር ከኢንዱስትሪ ተቋማት ጋር ሰፊ እንቅስቃሴ ቢጀመርም አሁንም የትምህርት ተቋማትና ኢንዱስትሪዎች ተናበው ከመሥራት አንጻር ከፍተኛ የሆነ ክፍተት እንዳለ ተናግረዋል፡፡

በተለይ በርካታ ኢንዱስትሪዎች ከቴክኒክና ሙያም ሆነ ከዩኒቨርሲቲዎች ተመርቀው የወጡ ተማሪዎችን ለመቀበል ፍላጎት ቢኖራቸውም፣ የትምህርት ተቋማት ግን በቀጥታ ተማሪዎቻቸውን ከኢንዱስትሪዎች ጋር ስለማያገናኟቸው ተወዳዳሪ የሰው ኃይል ማፍራት አልተቻለም ብለዋል፡፡

ይሁን እንጂ ችግሩን ለመቅረፍ ከፌዴራል ጀምሮ እስከ ክልል ድረስ መዋቅሮችን በመዘርጋት፣ ከትምህርት ተቋማት የወጡ ተማሪዎች በቂ ሥልጠና አግኝተው የሥራ ዕድል የሚያገኙበትን ሁኔታ ለመፍጠር እንቅስቃሴ መጀመሩን ሚኒስትር ደኤታው አስረድተዋል፡፡

ባለፈው ዓመት የከፍተኛ ትምህርት ቴክኒክና ሙያ ሥልጠና፣ የምርምር ተቋማትና የኢንዱስትሪ ትስስር አዋጅ መፅደቁን የገለጹት ሚኒስትር ደኤታው፣ አዋጁ ችግሩን ለመቅረፍ ትልቅ አስተዋጽኦ እንዳለው አብራርተዋል፡፡

ከሁሉም በላይ ለምጣኔ ሀብት፣ ለፈጠራና ለክህሎት ብቁ የሰው ኃይል ለማፍራት የቴክኒክና ሙያ ተቋማት ድርሻ የላቀ ሚና እንዳላቸው አክለው ገልጸዋል፡፡

የኢትዮጵያ ንግድና ዘርፍ ማኅበራት ምክር ቤት ፕሬዚዳንት መላኩ እዘዘው (ኢንጂነር) በበኩላቸው፣ ዕውቅናው የተሰጠበት ዋነኛ ምክንያት በቴክኒክና ሙያ ትምህርትና ሥልጠና የግል ዘርፉን ተሳትፎ ለማሳደግ በማሰብ ነው ብለዋል፡፡

በተለይ ዕውቅና የተሰጣቸው ኢንዱስትሪዎች ዘርፉን ከመደገፍ አኳያ ከፍተኛ አስተዋጽኦ ማበርከታቸውን ጠቅሰው፣ በቀጣይም በፈጠራና ክህሎት ተወዳዳሪ ‹‹የሰው ኃይል›› በማፍራት ረገድ የተሻለ አፈጻጸም ለሚያስመዘግቡ ተቋማት ዕውቅና የሚሰጣቸው መሆኑን አስረድተዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የምግብ ዋጋ ንረት አጣዳፊ ዕርምጃ ያስፈልገዋል!

መንግሥት የሚቀጥለውን ዓመት በጀት ይዞ ሲቀርብ በአንገብጋቢነት ከሚነሱ ጉዳዮች...

ከባለአንድ ዋልታ ወደ ባለብዙ ዋልታ የዓለም ሥርዓት የመሸጋገራችን እውነታ

በአብዱ ሻሎ አንገት ማስገቢያ እ.ኤ.አ. በፌብሩዋሪ 2022 የሩሲያ መንግሥት በዩክሬን ‹‹ልዩ...

የኢትዮጵያ ኦርቶዶክስ ተዋሕዶ ቤተ ክርስቲያን የውጭ ግንኙነት የሺሕ ዘመናት ታሪኳና እሴቶቿን የሚመጥን መሆን ይኖርበታል

(ክፍል አንድ) በተረፈ ወርቁ (ዲ/ን) እንደ መንደርደሪያ ለዛሬው የግል ትዝብቴንና ታሪክን ላዛነቀው...

ከአገር ግንባታ ጋር የተያያዙ ወሳኝ የቅርብ ታሪካችን አንጓዎች

በታደሰ ሻንቆ በአያሌው የተመረጡና ልጥ የሌላቸው ነጥቦች የተደራጁበት ይህ ታሪክ...