Sunday, May 19, 2024
- Advertisement -
- Advertisement -

ስፖርትድጋፍ ያገኘው አዲሱ የሚዛን አማን አትሌቲክስ ማሠልጠኛ ማዕከል

ድጋፍ ያገኘው አዲሱ የሚዛን አማን አትሌቲክስ ማሠልጠኛ ማዕከል

ቀን:

የኢትዮጵያ አትሌቲከስ ፌዴሬሽን በአራቱ ክልሎች በኦሮሚያ አሰላ፣ በአማራ ደብረ ብርሃን፣ በትግራይ ማይጨውና በቀድሞ የደቡብ ክልል ሀገረ ማርያም በማስገንባት ከሚያስተዳድራቸው የታዳጊ ወጣቶች ፕሮጀክት ውጪ፣ ወደ ሌሎች ማለትም የየራሳቸው ተሰጥኦ ወደላቸው ቦታዎች ተዟዙሮ ትኩረት ሰጥቶ በመሥራቱ ረገድ ብዙም እንደሆነ ሲተች ይደመጣል፡፡ ብሔራዊ ፌዴሬሽኑ በበኩሉ ይህ ዓይነቱ ኃላፊነት የክልሎችና ክለቦች እንደሆነ በመግለጽ ራሱን ከተጠያቂነት ሲያወጣ የሚታይበት አጋጣሚም እንደነበር ይታወቃል፡፡

በተጨማሪም ብሔራዊ ፌዴሬሽኑ በሕግ የተሰጠው ራሱን የቻለ ኃላፊነት እንዳለው፣ ፕሮጀክቶች በተመለከተ ሊኖረው የሚገባው ኃላፊነት ግን የቁሳቁስ አቅርቦትና የገንዘብ ድጎማ እንደሆነ ጉዳዩን ከሕግ አንፃር በመመልከት ጭምር ጉዳዩን በቀጥታ ወደ ሚመለከታቸው አካላት ሲወረውረው ታይቷል፡፡

ማሠልጠኛ ማዕከላት የሌላቸው ክልሎች በበኩላቸው ብሔራዊ ፌዴሬሽኑ እንደዚያም ሆኖ በአራቱ ክልሎች የሚያስተዳድራቸው የታዳጊ ወጣቶች ፕሮጀክት እንዳለ ሆኖ፣ ሌሎቹን በተለይም አነስተኛ አቅም ያላቸውን ክልሎች ግን በቁሳቁስና በገንዘብ የመደገፍና የመርዳት ግዴታ እንዳለበት ይገልጻሉ፡፡ ይሁንና ተቋሙ በተለያዩ ተሰጥኦዎች የታደሉ ታዳጊ ወጣቶች ወደ አሏቸው አካባቢዎች ተንቀሳቅሶ የቁሳቁስም ሆነ የገንዘብ ድጋፍ ማድረግ አለመቻሉን ጭምር ሲናገሩ ይደመጣሉ፡፡

- Advertisement -

ይሁንና ፌዴሬሽኑ ከሰሞኑ ለትችት ሲዳርገው የቆየውን ክፍተት ማደስ ይችል ዘንድ በቅርቡ የደቡብ ምዕራብ ክልል ተብሎ ወደ ተቋቋመው ክልል አምርቶ በተለይም ክልሉ በአትሌቲክስ ዘርፍ ያለውን ተፈጥሮዊ አቅም መገምገሙ በአዎንታዊነት ታይታል፡፡ ይህንኑ ግምገማ አስመልክቶ ብሔራዊ ፌዴረሽኑ በማኅበራዊ ትስስር ገጹ እንዳስታወቀው ከሆነ፣ የባለሙያዎች ቡድን ወደ ሥፍራው በማቅናት ምልከታና ግምገማ በማድረግ ለክልሉ የገንዘብና የቁሳቁስ ድጋፍ አድርጓል፡፡
የፌዴሬሽኑን የአትሌቲክስ ፋሲሊቲ፣ ማኅበራትና የአትሌቶች አገልግሎት ዳይሬክተር አቶ አሰፋ በቀለ እንደገለጹት፣ ለሚዛን አማን አትሌቲክስ የታዳጊ ወጣቶች ማሠልጠኛ ማዕከል  ፌዴሬሽኑ ምልከታና  ድጋፍ ያደረገው የክልሉን ተነሳሽነት ለማበረታታት በማለም ነው።

ማሠልጠኛ ማዕከሉ ከሦስት ወራት በፊት ሲቋቋም በ14 ሴቶችና በ21 ወንዶች በድምሩ 35 ታዳጊ ወጣቶች ተመልምለው ሥልጠና መጀመራቸው ተጠቅሷል፡፡ በመሆኑም የኢትዮጵያ አትሌቲከክስ ፌዴሬሽን በቀጣይ አስፈላጊውን ድጋፍ በማድረግ ማዕከሉን በተሻለ ደረጃ ታዳጊ ወጣቶችን ተቀብሎ የተሟላ ሥልጠና መስጠት ይችል ዘንድ ድጋፉን ይቀጥላል ተብሏል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

በሥጋ ላይ አላግባብ እየተጨመረ ያለውን ዋጋ መንግሥት ሊቆጣጠረው ይገባል

በአገራችን የግብይት ሥርዓት ውስጥ ኢኮኖሚያዊ ያልሆኑ ወይም ያልተገቡ የዋጋ...

ኢትዮጵያን የተባበረ ክንድ እንጂ የተናጠል ጥረት አይታደጋትም!

ኢትዮጵያ በአሁኑ ጊዜ ከምትገኝበት ውጥንቅጥ ውስጥ የምትወጣበት ዕድል ማግኘት...

የፖለቲካ ቅኝቱ የሕዝባችንን ታሪካዊ ትስስር ለምን አያከብርም?

በንጉሥ ወዳጅነው የዓብይ አህመድ (ዶ/ር) መራሹ የ2010 ዓ.ም. የለውጥ መንግሥት...

ዛሬም ኧረ በሕግ!

በገነት ዓለሙ በዚህ በያዝነው ሚያዝያ/ግንቦት ወይም ሜይ ወር ውስጥ የተከበረው፣...