Tuesday, May 21, 2024
- Advertisement -
- Advertisement -

ማኅበራዊአምባሳደር ሞልን የወርቅ መገበያያ ዞን ለማድረግ እየተሠራ ነው ተባለ

አምባሳደር ሞልን የወርቅ መገበያያ ዞን ለማድረግ እየተሠራ ነው ተባለ

ቀን:

አራት ኪሎ አካባቢ በ350 ካሬ ሜትር መሬት ላይ ያረፈው አምባሳደር ሞል፣ የሞሉን 85 በመቶ ለወርቅ ግብይት እንደሚያውለው አስታውቋል፡፡

ኩባንያው ተዋናይት ወ/ሮ አምለሰት ሙጬ ሞሉን ለአንድ ዓመት በአምባሳደርነት እንድታስተዋውቅለት ግንቦት 1 ቀን 2016 ዓ.ም. በተዘጋጀው የፊርማ ሥነ ሥርዓት ላይ እንዳስታወቀው፣ ሞሉ የወርቅ መገበያያ ዞን እንዲሆን ዕቅድ ተይዞ እየተሠራ ነው፡፡

የአምባሳደር ግሩፕ ሞል ባለ አራት ወለል ሲሆን፣ አራተኛ ወለል የመዋቢያ ዞን፣ ሦስተኛው ጌም ዞንና ፉድ ኮርት በአንደኛና በሁለተኛ ወለል ካሉ መደብሮች ከ85 በላይ ያህሉ ሙሉ በሙሉ የወርቅ መገበያያ እንደሚሆኑ የአምባሳደር ግሩፕ ሞል መሥራች አቶ ሰይድ መሐመድ ገልጸዋል፡፡

- Advertisement -

‹‹አምባሳደር ሞል ለእንግዶች የማይረሱ አጋጣሚዎችን ለመፍጠር ይተጋል፤›› ያሉት አቶ ሰይድ፣ በተለይ ወርቅን በተመለከተ ሞሉ የወርቅ መገበያያ ዞን በማድረግ ከመገበያየት ባለፈ፣ በወርቅ በወርቅ ላይ ለሚደረጉ ምርምሮች፣ የገበያ ጥናቶችና  በወርቅ ዙሪያ ለሚደረጉ ክንውኖች እንደ ማዕከል ሆኖ እንዲያገለግል እየሠሩን መሆኑንና በአሁኑ ወቅትም ከፒያሳና አካባቢዋ የተነሱ ከ70 በላይ የወርቅ መደብሮች ወደ ሞሉ በመግባት አገልግሎት እየሰጡ እንደሆነ አብራርተዋል፡፡

አምባሳደር ሞልን ለአንድ ዓመት ለማስተዋወቅ ውሉን የፈጸመችው አምለሰት በወቅቱ እንዳለችው፣ የወርቅ ሞሎች በአንድ ላይ መገኘታቸው ቀድሞ የነበረውን በፀሐይና በዝናብ እየዞሩ የመገበያየት ሁኔታ ለመቀየር መልካም አጋጣሚ ነው፡፡ ማዕከሉን በተለያዩ ፕሮግራሞች ለማስተዋወቅ የተዋዋለችውም፣ ለአንድ ዓመት ቆይታዋ  ሰባት ሚሊዮን ብር እንደተከፈላት ያገኘነው መረጃ ያሳያል፡፡

አምባሳደር ግሩፕ በኢትዮጵያ አምባሳደር ሱፍ የሚለውን ልብስ በመስፋት   ሥራ የጀመረ ነው፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

በሥጋ ላይ አላግባብ እየተጨመረ ያለውን ዋጋ መንግሥት ሊቆጣጠረው ይገባል

በአገራችን የግብይት ሥርዓት ውስጥ ኢኮኖሚያዊ ያልሆኑ ወይም ያልተገቡ የዋጋ...

ኢትዮጵያን የተባበረ ክንድ እንጂ የተናጠል ጥረት አይታደጋትም!

ኢትዮጵያ በአሁኑ ጊዜ ከምትገኝበት ውጥንቅጥ ውስጥ የምትወጣበት ዕድል ማግኘት...

የፖለቲካ ቅኝቱ የሕዝባችንን ታሪካዊ ትስስር ለምን አያከብርም?

በንጉሥ ወዳጅነው የዓብይ አህመድ (ዶ/ር) መራሹ የ2010 ዓ.ም. የለውጥ መንግሥት...

ዛሬም ኧረ በሕግ!

በገነት ዓለሙ በዚህ በያዝነው ሚያዝያ/ግንቦት ወይም ሜይ ወር ውስጥ የተከበረው፣...