Tuesday, May 21, 2024
- Advertisement -
- Advertisement -

ማኅበራዊለአካባቢ ደኅንነት ጥበቃ ችግሮች ምላሽ ለመስጠት የጋዜጠኞች ትብብር ተጠየቀ

ለአካባቢ ደኅንነት ጥበቃ ችግሮች ምላሽ ለመስጠት የጋዜጠኞች ትብብር ተጠየቀ

ቀን:

የአየር ንብረትና የብዝኃ ሕይወት ቀውስ በአካባቢና በሥነ ምኅዳር ላይ ብቻ ሳይሆን በዓለም ዙሪያ በርካታ ሰዎችን እየጎዳ መሆኑን ታሳቢ በማድረግ፣ ጋዜጠኞች ለአካባቢ ደኅንነት ጥበቃ ምላሽ ለመስጠት እንዲሠሩ የኢትዮጵያ መገናኛ ብዙኃን ምክር ቤት ትብብር ጠየቀ፡፡

በተባበሩት መንግሥታት ድርጅት የትምህርት፣ የሳይንስና የባህል ድርጅት (ዩኔስኮ) አማካይነት በየዓመቱ ሚያዝያ 25 ቀን የሚከበረው የዓለም የፕሬስ ነፃነት ቀን በዓለም ዙሪያ ያለውን የፕሬስ ነፃነት ሁኔታ ለመገምገም፣ መገናኛ ብዙኃን በነፃነታቸው ላይ ከሚሰነዘረው ጥቃት ለመከላከልና ሕይወታቸውን ላጡ ጋዜጠኞች ክብር ለመስጠት የሚከበር መሆኑን፣ ዓርብ ግንቦት 2 ቀን 2016 ዓ.ም. በአዲስ አበባ በተካሄደ ውይይት ተገልጿል፡፡

የኢትዮጵያ መገናኛ ብዙኃን ምክር ቤት ምክትል ዋና የሥራ አስፈጻሚ አቶ ታምራት ኃይሉ፣ የአካባቢ ጥበቃ ችግርን ለመፍታት ጋዜጠኞች ስለችግሩ በስፋት መሥራት እንዳለባቸው አሳስበዋል፡፡

- Advertisement -

‹‹ጋዜጠኞች ስለአካባቢ ጥበቃ በቂ ግንዛቤ ኖሯቸው እንዲሠሩ ማድረግ የሁሉም ኃላፊነት ነው፤›› ያሉት ምክትል ዋና ሥራ አስፈጻሚው፣ የፕሬስ ነፃነት ጉዳይ ከፖለቲካ ሥርዓት መረጋጋት ጋር የተያያዘ እንደሆነ አስረድተዋል፡፡

በአሁኑ ወቅት በርካታ ጋዜጠኞች በፈለጉት ልክ መረጃ አግኝተው ለመዘገብ መቸገራቸውን፣ መረጃውን አግኝተው ሲዘግቡ ለእስራት እንደሚዳረጉ አቶ ታምራት ተናግረዋል፡፡

የአገሪቱ መገናኛ ብዙኃን ከጊዜ ወደ ጊዜ እየተሻሻሉ የመጡ አካባቢያዊ ለውጦችን በማጠናከር ሊሻሻሉ የሚገባቸውን ሕጎች፣ አሠራሮችና ለአካባቢ ደኅንነት ጠንቅ የሆኑ አመለካከቶች ላይ በመወያየት ትኩረት እንዲያገኙ ሲጥሩ፣ ጋዜጠኞች ሥራቸውን ከሥጋትና ከፍርኃት ነፃ ሆነው በኃላፊነት ስሜት የሚሠሩበት ሁኔታ ትኩረት ሊሰጠው እንደሚገባ ምክር ቤቱ ያምናል ተብሏል፡፡

ስለሆነም ዘላቂ ልማትን ለማረጋገጥ ጋዜጠኞች ስለአካባቢ ጉዳዮች፣ ስለሚያስከትሉት ጉዳትና ስለመፍትሔዎቻቸው ሲዘግቡ ስለአካባቢ ደኅንነት ጥበቃ ወቅታዊና ሁሉን አቀፍ ዕሳቤ በሚጎላበት መንገድ ሊሆን እንደሚገባ ማሳሰቢያ ተሰጥቷል፡፡

የዘንድሮ የዓለም የፕሬስ ነፃነት ቀን ክብረ በዓልም ጋዜጠኞች የዓለማችንና የአካባቢያችንን ሥነ ምኅዳር መዛባት ለሚያስከትለው ችግር ጠንቅቀው በመረዳትና በአካባቢ ጥበቃ ላይ የበኩላቸውን ሚና በመጫወት፣ እንዲሁም ትክክለኛ መረጃ ለኅብረተሰቡ በማድረስ በኩል ያላቸውን የማይተካ ሚና እንዲያጎለብቱ ዕድል የሚፈጥር መሆኑ ተመላክቷል፡፡   

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

በሥጋ ላይ አላግባብ እየተጨመረ ያለውን ዋጋ መንግሥት ሊቆጣጠረው ይገባል

በአገራችን የግብይት ሥርዓት ውስጥ ኢኮኖሚያዊ ያልሆኑ ወይም ያልተገቡ የዋጋ...

ኢትዮጵያን የተባበረ ክንድ እንጂ የተናጠል ጥረት አይታደጋትም!

ኢትዮጵያ በአሁኑ ጊዜ ከምትገኝበት ውጥንቅጥ ውስጥ የምትወጣበት ዕድል ማግኘት...

የፖለቲካ ቅኝቱ የሕዝባችንን ታሪካዊ ትስስር ለምን አያከብርም?

በንጉሥ ወዳጅነው የዓብይ አህመድ (ዶ/ር) መራሹ የ2010 ዓ.ም. የለውጥ መንግሥት...

ዛሬም ኧረ በሕግ!

በገነት ዓለሙ በዚህ በያዝነው ሚያዝያ/ግንቦት ወይም ሜይ ወር ውስጥ የተከበረው፣...