Friday, May 24, 2024
- Advertisement -
- Advertisement -

ማኅበራዊፒቱፒ ‹‹የሦስት ማዕዘን አጋርነት›› የብር ኢዮቤልዩ

ፒቱፒ ‹‹የሦስት ማዕዘን አጋርነት›› የብር ኢዮቤልዩ

ቀን:

ፒፕል ቱ ፒፕል (ፒቱፒ) በኢትዮጵያና በውጭ በሚኖሩ ኢትዮጵያውያን  መካከል የጤና እንክብካቤን፣ ልማትንና ትምህርትን ለማሻሻል የተመሠረተ ለትርፍ ያልተቋቋመ ድርጅት ነው።

ፒቱፒ  እ.ኤ.አ. በ1999 በእናውጋው መሐሪ (ፕሮፌሰር) ተመሥርቶ፣ በዩናይትድ ስቴትስ ከቀረጥ ነፃ 501(c) (3) ዕውቅና አግኝቷል። የፒቱፒ የኢትዮጵያ ፕሮግራሞች ማስተባበሪያም በአዲስ አበባ ይገኛል።

ፒቱፒ  በተቋማት መካከል ድልድይ ለመፍጠር ዳያስፖራውን መሠረት አድርጎ የተቋቋመ ሲሆን፣ በምዕራባውያንና በታዳጊ አገር ተቋማት እንዲሁም በዓለም አቀፍ ደረጃ በሚገኙ ዳያስፖራዎች መካከል ግንኙነትን የሚፈጥርና የሚያጠናክር የሦስት ማዕዘን አጋርነት የተሰኘ ፍልስፍና አለው።

- Advertisement -

በኢትዮጵያ ከጤና ሚኒስቴር፣ ከትምህርት ሚኒስቴርና ከኢትዮጵያ ዩኒቨርሲቲዎች ጋር በመሥራትም 25 ዓመታትን አሳልፏል፡፡

ፒቱፒ የተቋቋመበትን 25ኛ ዓመት የምሥረታ በዓል፣ የጤና ሚኒስትር መቅደስ ዳባ (ዶ/ር)፣ የፒቱፒ  የቦርድ አባላትና ከኢትዮጵያ ዩኒቨርሲቲዎች የተውጣጡ እንግዶች በተገኙበት ሚያዝያ 21 ቀን 2016 ዓ.ም. በአዲስ አበባ ተከብሯል፡፡

እንደተመሠረተ በመጀመርያዎቹ አምስት ዓመታት በኦሮሚያና በአማራ ክልሎች ለኤድስ ወላጅ አልባ ሕፃናት ትምህርት ቤቶችን የከፈተው ድርጅቱ፣ ፒፕልስ ክሊኒክ በአሜሪካ ከፍቶ ዝቅተኛ የጤና የአገልግሎት ሽፋን ላላቸው የኅብረተሰብ ክፍሎች ሕክምና እየሰጠ ይገኛል፡፡ በጤና ሚኒስቴርና በፔፍዘር ፋውንዴሽን አጋርነት አመቻችቶ፣ ዲፍሉካን የተሰኘ ፀረ ፈንገስ መድኃኒት ወደ ኢትዮጵያ ማምጣትም ችሏል።

በኤድስ ምክንያት ወላጅ ያጡ ሕፃናት ላይ የመጀመርያው ዓመታዊ የገና እና የዒድ አል ፈጥር የውይይት መድረክ ባለፉት 25 ዓመታት ከሠራቸው ተጠቃሽ ነው፡፡ ከአዲስ አበባ ዩኒቨርሲቲ ጋር በመተባበር የሶሻል ወርክ ሥርዓተ ትምህርትን ለማጠናከር የማስተርስ መርሐ ግብር ማዘጋጀቱም ይታወሳል፡፡

ከአዲስ አበባ ዩኒቨርሲቲ ጋር በመተባበር የኒውሮሎጂ ማሠልጠኛ ፕሮግራምን የከፈተው ድርጅቱ፣

በኤችአይቪ/ኤድስ ወረርሽኝ ምክንያት ወላጆቻቸውን ያጡ ልጃ ገረዶችን የሚያስተናግድ የአማኑኤል ልጃገረዶች ማቆያ ማዕከልም ከፍቷል፡፡ በማዕከሉ በማኅበረሰብ አቀፍ አጠቃላይ እንክብካቤና ድጋፍ ውስጥ ያሉ ተጋላጭ ልጃገረዶችን መደገፉን የቀጠለ ሲሆን፣ ከፓካርድ ፋውንዴሽን ጋር በመተባበር የዳያስፖራ ወጣቶችን ከኢትዮጵያ ወጣቶች ጋር የማገናኘት ፕሮጀክትም ተግብሯል።

ወላጅ ያጡ ሕፃናት እንክብካቤ፣ የጤና ተቋማት መልሶ ማቋቋሚያ፣ የትምህርት ቤቶች መልሶ ግንባታና የትምህርት ቁሳቁሶች አቅርቦት፣ የንፅህና ፕሮግራም ለተፈናቃዮች አቅርቦትና የኮቪድ-19 ወረርሽኝ  ምላሽ ግንዛቤ ከሰጣቸው አገልግሎቶች ይጠቀሳሉ፡፡

የሕክምና ትምህርት ጥራትና የሕክምና ትምህርት ቤቶችን ዕውቅና ሥርዓት ማሻሻል፣ ጥራት ያለው የክሊኒክ ልማትና የላቦራቶሪ አቅም ማጎልበት፣ ከቅዱስ ጳውሎስ ሆስፒታል ጋር በመተባበር ሔማቶሎጂ ኦንኮሎጂ ፊሎውሺፕ ፕሮግራም ማካሄድ፣ ተጋላጭ ወላጅ አልባ ልጃገረዶች እንክብካቤና ድጋፍ እንዲያገኙ ማስቻል፣ ከበርካታ ዩኒቨርሲቲዎች ጋር የሦስትዮሽ አጋርነትን ማስቀጠልና ‹‹Ask the Doctor›› የቴሌቪዥን ፕሮግራም ከአርትስ ቲቪ ጋር መጀመር የፒቱፒ የወደፊት ዕቅዶች ናቸው፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የማዳበሪያ አቅርቦትና ውጣ ውረዱ

በቅፅል ስሙ “The Father of Chemical Warfare” እየተባለ የሚጠራው...

የኢትዮጵያ ልማት ባንክ የትርፍ ምጣኔውን ከ70 በመቶ በላይ አሳደገ

ከሁለቱ መንግሥታዊ ባንኮች መካከል አንዱ የሆነው የኢትዮጵያ ልማት ባንክ...