Saturday, May 18, 2024
- Advertisement -
- Advertisement -

- Advertisement -

ፌርማታ ፅሁፎች

ነገረ ሐዲስ ዓለማየሁ

ትኩስ ፅሁፎች

ሐዲስ ዓለማየሁ የበዛብህ እና የጉዱ ካሳ ቅልቅል ናቸው። በዛብህ የተማሪነታቸው፣ ጉዱ ካሳ የአዋቂነታቸው። በሐዲስ ዓለማየሁ ነፍስ ውስጥ ስናጮልቅ ጉዱ ካሳንና በዛብህን እናገኛለን!

ያንድ ሃገር ሕዝቦቹ በሙሉ ያብዱና ንጉሡ ብቻ ጤነኛ ነበር። ሕዝቡ ግን ወጥቶ ንጉሡ አበዱ እያሉ ይጮሁ ጀመር። ንጉሡ ግራ ገባው፤ ልብሱን አውልቆ ተመሳሰላቸው። አውቆ የአበደ መሰለ።

ካሳ ዳምጤ አይመሳሰልም። ዓለም ሁሉ ቢያብድ ብቻውን ጤነኛ ሆኖ የመኖር ብቃት አለው። ትንሹ የዲማ ዓለም ለፊታውራሪ መሸሻ ቢሰግድ አብሮ አያጎነብስም። በአማርኛ ሥነ ጽሑፍ ውስጥ እንደ ካሳ ዳምጤ አብረቅራቂ ገጸባህሪ የለም።

ታድያ ካሳ ዳምጤ ሙሉ ለሙሉ ፈጠራ አይደለም። ካሳ ዳምጤ ሐዲስ ዓለማየሁ ናቸው። በራሳቸው ላይ ተመሥርተው ነው የጻፉት። ሐዲስ ዓለማየሁ ድንቅ ደራሲ ብቻ ሳይሆኑ ድንቅ ሰው ናቸው።

ሐዲስ ዓለማየሁ ኃይለ ሥላሴ ከሚያከብሯቸው ጥቂት ባለሥልጣኖቻቸው አንዱ ናቸው። መንጌም ካልገደላቸው ጥቂት የኃይለ ሥላሴ ባለሥልጣናት አንዱ ናቸው። ሲበዛ ብልህ ናቸው። ኃይለ ሥላሴ አስተዳደራቸውን ካላስተካከሉ አብዮት መምጣቱ እንደማይቀር ቀድመው ተንብየዋል። መተንበይ ብቻ ሳይሆን ‹‹ኢትዮጵያ ምን አይነት አስተዳደር ያስፈልጋታል?›› የሚል ረቂቅ አዘጋጅተው ነበር። ሰሚ ጆሮ አላገኙም በአፄው ዘመን። ደርግ ራሱ የተጠቀመው የሳቸውን ሐሳብ ነው።

ለሀገር በጣም ያስባሉ። የሥልጣን ፍላጎት የላቸውም። ለዝና ለሀብት አይጎመዡም። ለማንም አያጎነብሱም፤ አያጎበድዱም። ወገንተኝነታቸው ለእውነት ብቻ ነው። ሐዲስ ዓለማየሁ የእውኑ ዓለም ግዙፍ ሰብእና!!

– ቴዎድሮስ ሸዋንግዛው በገጹ እንደከተበው

- Advertisement -
- Advertisement -

ተጨማሪ ለማንበብ

በብዛት የተነበቡ ፅሁፎች