Tuesday, May 21, 2024
- Advertisement -
- Advertisement -

ማኅበራዊበቤኒሻንጉል ጉሙዝ ልጆችን ወደትምህርት የሳበው የተማሪዎች ምገባ

በቤኒሻንጉል ጉሙዝ ልጆችን ወደትምህርት የሳበው የተማሪዎች ምገባ

ቀን:

በአዲስ አበባና በተወሰኑ ክልሎች በሚገኙ የመንግሥት አንደኛ ደረጃ ትምህርት ቤቶች የተማሪዎች የምገባ ፕሮግራም ከተጀመረ ዓመታት ተቆጥረዋል፡፡ ይህም በኑሮ ውድነት ምክንያት ተማሪዎች ትምህርታቸውን እንዳያቋርጡ፣ በንቃት እንዲከታተሉና ለትምህርታቸው ትኩረት እንዲሰጡ የሚያስችል ነው፡፡ በተጨማሪም በኑሮ ውድነት ሳቢያ ልጆቻቸውን በአግባቡ ለመመገብ አቅም ለሌላቸው ወላጆች ትልቅ ዕፎይታን ፈጥሯል፡፡

በቤኒሻንጉል ጉሙዝ ልጆችን ወደትምህርት የሳበው የተማሪዎች ምገባ | Ethiopian Reporter | ሪፖርተር

የተማሪዎች የምገባ ፕሮግራም፣ ተማሪዎች በትምህርታቸው ላይ ትኩረት እንዲያደርጉ፣ የማለፍ ምጣኔ እንዲያድግ፣ ከትምህርት የመቅረትና በመማር ማስተማር ሒደት ዙሪያ ለውጥ የታየበት ስለመሆኑ ጥናቶች ያመላክታሉ፡፡

- Advertisement -

በቤንሻንጉል ጉሙዝ ክልል በ2009 ዓ.ም. የተማሪዎች የምገባ ፕሮግራም በ24 ትምህርት ቤቶች ቢጀመርም፣ ላለፉት ሦስት ዓመታት ክልሉ አጋጥሞት በነበረው የሰላም ዕጦት ተቋርጦ ቆይቷል፡፡

በክልሉ ትምህርት ቢሮ የሥርዓተ ትምህርት ዝግጅት ትግበራ ዳይሬክተር አቶ ሸምሰዲን መሐመድ ለሪፖርተር እንደተናገሩት፣ በክልሉ 656 ትምህርት ቤቶች ይገኛሉ፡፡ ከእነዚህ ውስጥ ዘጠና ሁለቱ የሁለተኛ ደረጃ ትምህርት ቤቶች ሲሆኑ፣ የቀሩት የአንደኛ ደረጃ ትምህርት ቤቶች ናቸው፡፡ በእነዚህም ትምህርት ቤቶች ወደ 291 ሺሕ ተማሪዎች ትምህርታቸውን ይከታተላሉ፡፡

የተማሪዎች የምገባ ፕሮግራም በክልሉ የተወሰኑ የአንደኛ ደረጃ ትምህርት ቤቶች ከአምስት ዓመታት በፊት ተግባራዊ ለማድረግ ተሞክሮ ነበር፡፡ ነገር ግን በክልሉ በነበረው የፀጥታ ችግር ፕሮግራሙን ለማስቀጠል አለመቻሉን ይገልጻሉ፡፡

እንደ አቶ ሸምሰዲን፣ በ2016 ዓ.ም. በተመረጡ ሰባት ወረዳዎች ውስጥ በሚገኙ ሰባት ትምህርት ቤቶች ተቋርጦ የነበረውን የተማሪዎች የምገባ ፕሮግራም ለማስቀጠል ተችሏል፡፡

ማንዱራ፣ ማኦ ኮሞ፣ ሸርቆሌ፣ ጉባ፣ ኦዳብልድጊሉ፣ ደንቢና ሰዳል ወረዳዎች በሚገኙና በተመረጡ ሰባት ትምህርት ቤቶች በአሁኑ ወቅት የምገባ ፕሮግራሙ እየተከናወነ ይገኛል፡፡

ፕሮግራሙ ሙሉ በሙሉ በመንግሥት በጀት የሚተገበርና ከሰኞ እስከ ዓርብ ባሉ የትምህርት ቀናት ተማሪዎችን ተደራሽ የሚያደርግ ነው፡፡

እንደ አቶ ሸምሰዲን፣ ከመንግሥት በተጨማሪ በግለሰቦች፣ በባለሀብቶችና በማኅበረሰቡ ተሳትፎ የምገባ ፕሮግራሙ የሚካሄድባቸው አምስት የመንግሥት ትምህርት ቤቶች አሉ፡፡ እነዚህም በአሶሳ ከተማ፣ አሶሳና ቤኒሻንጉል የተባሉ ሁለት የአንደኛ ደረጃ ትምህርት ቤቶች፣ በባምባሲ ወረዳ ሂርና፣ ሺንግላ እና ቀሽማንዶ የተባሉ የአንደኛ ትምህርት ቤቶች ናቸው፡፡

የክልሉ መንግሥት በሰባት ትምህርት ቤቶች ለሚያካሂደው የምገባ ፕሮግራም ከቁሳቁስ ግዥ ውጪ ሰባት ሚሊዮን ብር የመደበ መሆኑን የሚናገሩት ዳይሬክተሩ፣ ለአንድ ተማሪ በቀን 25 ብር ተመድቦለት እየተሠራበት መሆኑን አክለዋል፡፡

በአሶሳ ከተማና በባምባሲ ወረዳ በባለሀብቶችና በማኅበረሰቡ ድጋፍ ምገባ የሚካሄድባቸው አምስት ትምህርት ቤቶች፣ በሳምንት ለሦስት ቀናት የምገባ አገልግሎት ይሰጣሉ፡፡  በአጠቃላይ በክልሉ 4289 ተማሪዎች የምገባ ፕሮግራም ተጠቃሚ ናቸው፡፡

በቤኒሻንጉል ጉሙዝ ክልል የአወልቤጉ የአንደኛና መካከለኛ ደረጃ ትምህርት ቤት ርዕሰ መምህር አቶ ሀብታሙ ዋሴ እንደተናገሩት፣ በትምህርት ቤቱ ከአንደኛ እስከ ስምንተኛ ክፍል ትምህርታቸውን የሚከታተሉ 850 ተማሪዎች ይገኛሉ፡፡

በትምህርት ቤቱ የምገባ ፕሮግራም የተጀመረው በመጋቢት 2016 ዓ.ም. ነው፡፡ በፕሮግራሙ በሳምንት አምስት ቀናት ለተማሪዎች የምግብ አገልግሎት እየተሰጠ ይገኛል፡፡ የምገባ ፕሮግራሙ ከተጀመረ አንስቶ ተማሪዎች ከትምህርት ገበታ የመቅረትና የማቋረጥ ምጣኔ ቀንሷል፡፡

እንደ ርዕሰ መምህሩ፣ የምገባ ፕሮግራሙ ከመጀመሩ በፊት በመማር ዕድሜ ክልል ያሉ አንዳንድ ተማሪዎች ትምህርት ቤት ከመምጣት ይልቅ ጊዜያቸውን በወርቅ ፍለጋና ታናናሽ ወንድሞቻቸውንና እህቶቻቸውን ቤት ውስጥ በመጠበቅ ያሳልፉ ነበር፡፡ ብዙውን ጊዜ ወደ ትምህርት እንዲመጡ የሚደረገው ቤት ለቤት በመሄድ በሚደረግ ቅስቀሳ ነው፡፡ በትምህርት ቤቱ የምገባ ፕሮግራም መሰጠት ከጀመረ ወዲህ ግን፣ የተማሪዎች የትምህርት ተሳትፎ ጨምሯል፡፡

የኤሲፃ አንደኛ ደረጃ ትምህርት ቤት ርዕሰ መምህር አቶ ተስፋሁን አያሌው በበኩላቸው፣ በትምህርት ቤቱ በመማር ላይ የሚገኙ 391 ተማሪዎች ከመጋቢት 2016 ዓ.ም. ጀምሮ የምገባ ፕሮግራም ተጠቃሚ ሆነዋል፡፡

የምገባ ፕሮግራሙ በትምህርት ቤቱ መሰጠት ከጀመረ ወዲህ ሕፃናት ተማሪዎች ወደ ትምህርት ገበታ አዘውትረው መምጣት ጀምረዋል፡፡ ከትምህርት አላግባብ የሚቀር ተማሪ አላጋጠማቸውም፡፡ የመማር ማስተማር ሒደቱም በተሳካ ሁኔታ በመካሄድ ላይ ነው፡፡

የምገባ ፕሮግራሙ ከሰኞ እስከ ዓርብ አምስቱንም ቀናት በቀን አንድ ጊዜ ለተማሪዎች እየቀረበ እንደሚገኝ የገለጹት ርዕሰ መምህሩ፣ የክልሉ ትምህርት ቢሮ በመደበው በጀት ፕሮግራሙ በመካሄድ ላይ መሆኑን ጠቁመዋል፡፡

በትምህርት ቤቱ የምገባ ፕሮግራም ከመጀመሩ በፊት ሕፃናት ተማሪዎች ወደ ትምህርት ቤቱ አይመጡም፡፡ ሕፃናቱ ፍራፍሬ በመልቀምና ባህላዊ ቀስት በመሥራት በራሪ አዕዋፋትን ለማደን ጫካ የሚውሉ ናቸው፡፡ ማኅበረሰቡም ልጆቹን ተከታትሎ ወደ ትምህርት ገበታ እንዲሄዱ የማድረግ ልማዱ አነስተኛ ነው፡፡

እንደ አቶ ተስፋሁን፣ የምገባ ፕሮግራሙ በትምህርት ቤቱ መጀመሩ በአካባቢው ያለውን የትምህርት ባህል ከማሻሻል ባሻገር ወላጆችም ልጆቻቸውን እየተከታተሉ ወደ ትምህርት ቤት የመላክ ተነሳሽነትን የሚጨምር ነው፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

በሥጋ ላይ አላግባብ እየተጨመረ ያለውን ዋጋ መንግሥት ሊቆጣጠረው ይገባል

በአገራችን የግብይት ሥርዓት ውስጥ ኢኮኖሚያዊ ያልሆኑ ወይም ያልተገቡ የዋጋ...

ኢትዮጵያን የተባበረ ክንድ እንጂ የተናጠል ጥረት አይታደጋትም!

ኢትዮጵያ በአሁኑ ጊዜ ከምትገኝበት ውጥንቅጥ ውስጥ የምትወጣበት ዕድል ማግኘት...

የፖለቲካ ቅኝቱ የሕዝባችንን ታሪካዊ ትስስር ለምን አያከብርም?

በንጉሥ ወዳጅነው የዓብይ አህመድ (ዶ/ር) መራሹ የ2010 ዓ.ም. የለውጥ መንግሥት...

ዛሬም ኧረ በሕግ!

በገነት ዓለሙ በዚህ በያዝነው ሚያዝያ/ግንቦት ወይም ሜይ ወር ውስጥ የተከበረው፣...