Sunday, May 19, 2024
- Advertisement -
- Advertisement -

ማኅበራዊለዕርድ የሚውሉ እንስሳት ወደ ከተማዋ እየገቡ መሆኑን ንግድ ቢሮ አስታወቀ

ለዕርድ የሚውሉ እንስሳት ወደ ከተማዋ እየገቡ መሆኑን ንግድ ቢሮ አስታወቀ

ቀን:

የፋሲካን በዓል ምክንያት በማድረግ ነጋዴዎች ከተለያዩ አካባቢዎች የዕርድ እንስሳትን እያስገቡ መሆኑን የአዲስ አበባ ከተማ አስተዳደር ንግድ ቢሮ አስታወቀ፡፡

 ለዕርድ የሚሆኑ በሬዎች፣ በጎች፣ ፍየሎችና ዶሮዎች እንዲሁም የተለያዩ የእንስሳት ተዋጽኦ ምርቶች ለከተማዋ ነዋሪዎች ከወዲሁ በብዛት እየቀረቡ መሆኑን የቢሮው ሕዝብ ግንኙነት ኃላፊ አቶ ሰውነት አየነ ለሪፖርተር ተናግረዋል፡፡

በከተማዋ በሚገኙ ሰባት የቁም እንስሳት ገበያ ማዕከላት ከሰኞ ጀምሮ ለዕርድ የሚውሉ የዳልጋ ከብቶች፣ በጎችና ፍየሎች እየገቡ ነው ያሉት አቶ ሰውነት፣ አንዳንድ የገበያ ማዕከላት ከወዲሁ መሙላት መጀመራቸውን አክለዋል፡፡

- Advertisement -

እንስሳቱን እያቀረቡ ያሉት ነጋዴዎችና የተደራጁ ማኅበራት እንደሆኑ የገለጹት ኃላፊው፣ የአዲስ አበባ ከተማ ግብርና ቢሮ የደለቡ በሬዎችን፣ በጎችንና ፍየሎችን እንዲሁም በርካታ ዶሮዎችን በተመጣጣኝ ዋጋ ሊያቀርብ እንደሚችል ተናግረዋል፡፡

የአዲስ አበባ ቄራዎች ድርጅት በበኩሉ፣ ኅብረተሰቡ ለበዓል እንደየአቅሙ እንዲገበያይ ሥጋዎችን በተመጣጣኝ ዋጋ ማቅረቡን ተናግረዋል፡፡

ለ2016 ዓ.ም. የፋሲካ በዓል ያደረገውን ዝግጅት አስመልክቶ በሰጠው መግለጫ፣ የከብት ሥጋ በኪሎ 570 ብር፣ የፍየል በኪሎ 510 ብር እና የበግ በኪሎ 500 ብር ተጨማሪ እሴት ታክስን ጨምሮ እንደሚሸጥ፣ የድርጅቱ ማኔጂንግ ዳይሬክተር አቶ ሰዒድ እንድሪስ ተናግረዋል።

ለ2016 ዓ.ም. የፋሲካ በዓል ከፍተኛ መጠን ያለውን ዕርድ ለማከናወን ዝግጅት መደረጉን ተናግረው፣ ከ7,500 እስከ 8,000 ዕርድ ለማካሄድ መታቀዱን ገልጸዋል፡፡

ከግብዓት በተጨማሪ እስከ 250 ጊዜያዊ ሠራተኞች በመጨመር የአደረጃጀት ዝግጅት መደረጉንም ጠቁመዋል።

ተቋሙ ከሚመለታቸው አካላት ጋር በመተባበር 241 ሕገወጥ ሥጋ ይዘው የተገኙ ቤቶች ላይ ዕርምጃ መወሰዱን ገልጸው፣ በዚህም 15,295 ኪሎ ግራም ሕገወጥ ሥጋ ማስወገድ መቻሉን ጠቁመዋል፡፡  

በቀጣይም ከሚመለከታቸው አካላት ጋር በመተባበር ሕገወጥ ዕርድን በመከላከል የተጠናከረ ዕርምጃ እንደሚወሰድ፣ ኅብረተሰቡም ሕገወጥ ዕርድን በመጠቆምና በመከላከል የተመረመረና ጤናማ ሥጋ እንዲመገብ አሳስበዋል።

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

በሥጋ ላይ አላግባብ እየተጨመረ ያለውን ዋጋ መንግሥት ሊቆጣጠረው ይገባል

በአገራችን የግብይት ሥርዓት ውስጥ ኢኮኖሚያዊ ያልሆኑ ወይም ያልተገቡ የዋጋ...

ኢትዮጵያን የተባበረ ክንድ እንጂ የተናጠል ጥረት አይታደጋትም!

ኢትዮጵያ በአሁኑ ጊዜ ከምትገኝበት ውጥንቅጥ ውስጥ የምትወጣበት ዕድል ማግኘት...

የፖለቲካ ቅኝቱ የሕዝባችንን ታሪካዊ ትስስር ለምን አያከብርም?

በንጉሥ ወዳጅነው የዓብይ አህመድ (ዶ/ር) መራሹ የ2010 ዓ.ም. የለውጥ መንግሥት...

ዛሬም ኧረ በሕግ!

በገነት ዓለሙ በዚህ በያዝነው ሚያዝያ/ግንቦት ወይም ሜይ ወር ውስጥ የተከበረው፣...