Friday, May 24, 2024
- Advertisement -
- Advertisement -

ማኅበራዊአዲሱ ብሔራዊ ዲጂታል መታወቂያ በመጠለያ ካምፕ ለሚገኙ ዜጎች በልዩ ሁኔታ ሊሰጥ ነው

አዲሱ ብሔራዊ ዲጂታል መታወቂያ በመጠለያ ካምፕ ለሚገኙ ዜጎች በልዩ ሁኔታ ሊሰጥ ነው

ቀን:

አዲሱ ብሔራዊ ዲጂታል መታወቂያ (ፋይዳ) በተለያዩ ምክንያቶች ከቀዬአቸው ተፈናቅለው በመጠለያ ካምፕ ተጠልለው የሚገኙ ዜጎች ባሉበት ሆነው አገልግሎቱን በልዩ ሁኔታ እንደሚያገኙ ተነገረ።

ለአንዳንድ የመንግሥት ተቋማትና ትምህርት ቤቶችም በልዩ ሁኔታ ካሉበት በመሄድ አገልግሎቱን እንዲያገኙ ለማድረግ ዝግጅት መደረጉን የኢትዮ ቴሌኮም ዋና ሥራ አስፈጻሚ ወ/ት ፍሬሕይወት ታምሩ አስታውቀዋል።

በተለይ በመጠለያ ካምፕ የሚገኙ ዜጎች ወደ መመዝገቢያ ጣቢያ ሒደው ለመመዝገብ እንደሚቸገሩ የገለጹት ወ/ት ፍሬሕይወት፣ አገልግሎቱን በአቅራቢያቸው  እንዲያገኙ ለማድረግ  ከክልል መስተዳድሮች ጋር  መነጋገራቸውን  ገልጸዋል።

- Advertisement -

ለዚህም  ካሉበት ድረስ  በመሄድ ምዝገባ የሚያደርግ  ‹‹ሞባይል ቲም››  እንደሚኖርም የተናገሩት ወ/ት ፍሬሕይወት  ከአምስት ዓመት ዕድሜ ጀምሮ  ያሉ ሕፃናትና  የመኖሪያ ፈቃድ ያላቸው የውጭ ዜጎች ተጠቃሚ እንደሚሆኑ አብራርተዋል።

ዕድሜያቸው ከአምስት ዓመት በላይ የሆኑ ሕፃናትና የሥራ ፈቃድ ያላቸው የውጭ አገር ዜጎች የዲጂታል መታወቂያ ተጠቃሚ መሆን እንደሚችሉ፣ የብሔራዊ ዲጂታል መታወቂያ አዋጅ  እንደሚፈቅድላቸው  ወ/ት ፍሬሕይወት  ተናግረዋል፡፡   

አዲስ አበባን ጨምሮ በ29 ከተሞች ብሔራዊ የዲጂታል መታወቂያ ምዝገባ  በይፋ መጀመሩን ያስታወቁት ዋና ሥራ አስፈጻሚዋ፣ በቀጣይ በሁሉም አካባቢዎች ተግባራዊ ለማድረግ መታቀዱን አክለዋል፡፡ 

ዜጎች ዲጂታል መታወቂያውን ለማውጣት ማንነታቸውን ሊገልጽ የሚችል መንጃ ፈቃድም ሆነ የንግድ ፈቃድ ይዘው በመቅረብ በደቂቃዎች ውስጥ አገልግሎቱን ማግኘት እንደሚችሉ ተናግረዋል።

ዲጂታል ኢትዮጵያን እውን ለማድረግ ከተያዙት ዕቅዶች መካከል  ዜጎች ታማኝነት ያለው ዲጂታል መታወቂያ እንዲኖራቸው ማድረግ ነው ያሉት ዋና ሥራ አስፈጻሚዋ፣ ይህም   አካታች ኢኮኖሚን ለመፍጠር ትልቅ ሚና አለው ብለዋል።

ዲጂታል መታወቂያ ዜጎች ባላቸው ማኅበራዊና ኢኮኖሚያዊ እንቅስቃሴ ንቁ ተሳትፎ እንዲያደርጉ ዕገዛ ከማድረጉም በሻገር በመንግሥትና በግል ተቋማት የሚሰጡ አገልግሎቶችን በቀላሉ ለማግኘት እንደሚያስችል ዋና ሥራ አስፈጻሚዋ አስረድተዋል።

ኢትዮ ቴሌኮም ከብሔራዊ ዲጂታል መታወቂያ ፕሮጀክት ጋር በጋራ ለመሥራት ሚያዚያ 17 ቀን 2016 ዓ.ም.  የተፈራረሙ ሲሆን፣ እስከ 2018 ዓ.ም. ድረስ 90 ሚሊዮን ዜጎች የዲጂታል መታወቂያ አገልግሎት ተጠቃሚ ለማድረግ መታቀዱን የተናገሩት ዋና ሥራ አስፈጻሚዋ ናቸው፡፡ ከዚህ ውስጥ 32 ሚሊዮን የሚሆኑትን ኢትዮ ቴሌኮም ይመዘግባል ብለዋል። 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የማዳበሪያ አቅርቦትና ውጣ ውረዱ

በቅፅል ስሙ “The Father of Chemical Warfare” እየተባለ የሚጠራው...

የኢትዮጵያ ልማት ባንክ የትርፍ ምጣኔውን ከ70 በመቶ በላይ አሳደገ

ከሁለቱ መንግሥታዊ ባንኮች መካከል አንዱ የሆነው የኢትዮጵያ ልማት ባንክ...