Sunday, May 19, 2024
- Advertisement -
- Advertisement -

ማኅበራዊየቀድሞ ሠራዊት ድጋፍና ልማት ማኅበር ጠቅላይ ሚኒስትሩ እንዲያነጋግሩት ጠየቀ

የቀድሞ ሠራዊት ድጋፍና ልማት ማኅበር ጠቅላይ ሚኒስትሩ እንዲያነጋግሩት ጠየቀ

ቀን:

የኢትዮጵያ ቀድሞ ሠራዊት የድጋፍና ልማት ማኅበር ጠቅላይ ሚኒስትር ዓብይ አህመድ (ዶ/ር) እንዲያነጋግሩት ጠየቀ፡፡

አድራሻውን ለጠቅላይ ሚኒስትሩ በማድረግ በመዝገብ ቁጥር የቀ/የኢ/ሰ/ የድ/ የል/ማ/01/106/9/16 ሚያዝያ 14 ቀን 2016 ዓ.ም. በተጻፈውና የማኅበሩ ፕሬዚዳንት የሃምሳ አለቃ ብርሃኑ አማረ ፊርማ፣ የማኅበር አርማና ቲተር ታክሎበት ከተጻፈው ከዚሁ ደብዳቤ ለመረዳት እንደተቻለው ቀደም ሲል በተለያዩ ጊዜያት ማኅበሩ እንዲያገኛቸው ጥያቄ ያቀረበ ቢሆንም እንዳልተሳካለት ነው ያመለከተው፡፡

አሁንም ቢሆን ሰሞኑን የተለያዩ የማኅበረሰብ ክፍሎችን በአገሪቱ የተለያዩ ጉዳዮች ዙሪያ እንዳወያዩት ሁሉ፣ ይህንን በነፃ ለአገር ብዙ ብዙ ዋጋ የከፈሉ ባለውለታዎችን ያቀፈውን ማኅበር እንዲያነጋግሩት መጠየቁን አስታውቋል፡፡

- Advertisement -

‹‹በነፃ ለአገር ብዙ ዋጋ የከፈለ ባለውለታ ነገር ግን ለረዥም ዓመታት ተረስቶና ተዋርዶ የነበረ ሠራዊት›› በጠቅላይ ሚኒስትሩ የሥልጣን ዘመን ጅማሮ ላይ ቀና በማለት፣ በለውጡ እየተሳተፈ አሻራውን ዳግም በአገር የልማትና የፀጥታ ዘርፍ በማኖር ላይ የሚገኘው ይህ የቀድሞ ሠራዊት አባላት ማኅበር፣ በአሁኑ ጊዜ ከ300 መቶ በላይ የቅርንጫፍ ቢሮዎች እንዳሉት፣ ከአንድ ሚሊዮን አባላትና ቤተሰቡን በማቀፍ በአገር ፀጥታና ልማት መስክ ከፍተኛ አስተዋጽኦ በማድረግ ላይ እንደሚገኝ አብራርቷል፡፡

የማኅበሩ ፕሬዚዳንት ሃምሳ አለቃ ብርሃኑ አማረ እንደገለጹት፣ ማኅበሩ በልማትና በፀጥታ ዙሪያ ከፍተኛ አስተዋጽኦ እያበረከተ ቢገኝም እስካሁን ድረስ ምንም ዓይነት መፍትሔ ያልተሰጠባቸው ሁለት ጥያቄዎች አሉት፡፡

ከጥያቄዎቹም መካከል አንደኛው የቢሮ ዕጦት ሲሆን፣ ሁለተኛው ደግሞ ከ2011 ዓ.ም. ጀምሮ ሲንከባለል የመጣውና ምንም ዓይነት መፍትሔ ያልተበጀለት የአባላት የጡረታና የሕክምና መብት አቤቱታ መሆኑን ነው የተናገሩት፡፡

ማኅበሩ እስካሁን ይገለገልበት የነበረውን ቢሮ ያገኘው ከአራዳ ክፍለ ከተማ የሰላምና የፀጥታ ቢሮ በተደረገለት ድጋፍና እገዛ እንደነበር ፕሬዚዳንቱ አመልክተው፣ ይህም ሆኖ ግን በልማት ምክንያት ቢሮው እንደፈረሰና በምትኩ ሌላ እንዳልተሰጠው ይህንንም ጉዳይ ለሰላምና ፀጥታ ቢሮ ማኅበሩ እንዳመለከተ፣ ‹‹ወደፊት ይታያል›› የሚል መልስ ከማግኘት በስተቀር ምንም እንዳልተደረገለት፣ ይህ ዓይነቱም ሁኔታ በዕለት ተዕለት ሥራው ላይ እንቅፋት እንደሆነበት ጠቁመዋል፡፡

እንደ ሃምሳ አለቃ ብርሃኑ አነጋገር፣ የአባላቱ የጡረታና የሕክምና መብት ጥያቄ የቀረበው ለጠቅላይ ሚኒስትሩና ለጦር ኃይሎች ኤታማዦር ቢሮዎችና ለመከላከያ ሚኒስቴር ነው፡፡

ከእነዚህም መካከል የመከላከያ ሚኒስትር አብርሃም በላይ (ዶ/ር) ለቀረበላቸው የመብት ጥያቄ ምላሽ ለመስጠት እንደሚቸገሩ ማስታወቃቸውን፣ ቢሮዎቹ ግን ምንም ዓይነት ምላሽም ሆነ መፍትሔ እንዳልተሰጡ ነው የተናገሩት፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

በሥጋ ላይ አላግባብ እየተጨመረ ያለውን ዋጋ መንግሥት ሊቆጣጠረው ይገባል

በአገራችን የግብይት ሥርዓት ውስጥ ኢኮኖሚያዊ ያልሆኑ ወይም ያልተገቡ የዋጋ...

ኢትዮጵያን የተባበረ ክንድ እንጂ የተናጠል ጥረት አይታደጋትም!

ኢትዮጵያ በአሁኑ ጊዜ ከምትገኝበት ውጥንቅጥ ውስጥ የምትወጣበት ዕድል ማግኘት...

የፖለቲካ ቅኝቱ የሕዝባችንን ታሪካዊ ትስስር ለምን አያከብርም?

በንጉሥ ወዳጅነው የዓብይ አህመድ (ዶ/ር) መራሹ የ2010 ዓ.ም. የለውጥ መንግሥት...

ዛሬም ኧረ በሕግ!

በገነት ዓለሙ በዚህ በያዝነው ሚያዝያ/ግንቦት ወይም ሜይ ወር ውስጥ የተከበረው፣...