Saturday, April 20, 2024
- Advertisement -
- Advertisement -
ስፖርትበዳይመንድ ሊግ 1500ሜ ጉዳፍ ፀጋይና ፌይዝ ኪፒዬጎን ከወዲሁ ትኩረት ስበዋል

በዳይመንድ ሊግ 1500ሜ ጉዳፍ ፀጋይና ፌይዝ ኪፒዬጎን ከወዲሁ ትኩረት ስበዋል

ቀን:

በመካከለኛና ረዥም ርቀት የዓለም ሪከርድ ባለቤት የሆኑት ኢትዮጵያውያቱ ጉዳፍ ፀጋይ፣ ፍሬወይኒ ኃይሉና ድርቤ ወልተጂ፣ እንዲሁም ኬንያዊቷ ፌይዝ ኪፒዬጎን የዋንዳ ዳይመንድ ሊግ የውድድር ዘመናቸውን በቻይናዋ ሺያመን ከተማ ሚያዝያ 12 ቀን 2016 ዓ.ም. በ1500 ሜትር በመፎካከር ይጀምራሉ።

በዓለም አትሌቲክስ አማካይነት የሚካሄደው ዓመታዊው የዋንዳ ዳይመንድ ሊግ ዘንድሮ የተመሠረተበት 15ኛ ዓመት የሚከበርበት ነው፡፡

የ2024 ዋንዳ ዳይመንድ ሊግ የውድድር ዘመን በሚያዝያ ወር በቻይና ተጀምሮ በመስከረም ወር በብራስልስ ለሁለት ቀናት በሚቆየው የፍጻሜ ውድድር ይጠናቀቃል። ዋንዳ ዳይመንድ ሊግ በአራት የተለያዩ አኅጉራት በ15 ከተሞች እንደሚከናወን የወጣው መርሐ ግብር ያመለክታል።

- Advertisement -

Video from Enat Bank Youtube Channel.

ዘገባዎች እንደሚያሳዩት በዳይመንድ ሊጉ 12 የኦሊምፒክ የወርቅ ሜዳሊያ ተሸላሚዎችና 27 የዓለም ሻምፒዮኖች እንደሚሳተፉ ይጠበቃል፡፡

 የሁለት ጊዜ የኦሊምፒክ ሻምፒዮን እና የአራት ጊዜ የዓለም ሻምፒዮን የሆነችው ኪፕዬጎን እ.ኤ.አ. ከ2021 ጀምሮ በ1500 ሜትር ውድድር ያልተሸነፈች ቢሆንም ዘንድሮ ትፈተናለች ተብሏል፡፡ በተለይ ዓምና የኪፕዬጎን የዓለም 5000 ሜትር ሪከርድ የሰበረችው  የዓለም የ10,000 ሜትር ሻምፒዮኗ ጉዳፍ ፀጋይን ጨምሮ ከአራት ደቂቃ በታች የሮጡ 10 ሴቶችን ትገጥማለች።

ዓምና በሪጋ ኪፕዬጎንን በማሸነፍ ወርቁን ያጠለቀችው የዓለም 1500 ሜትር የብር ሜዳሊያ አሸናፊዋና የጎዳና የማይል ውድድር ባለድሏ ድሪቤ ወልቴጂ እንዲሁም በተመሳሳይ የ1500 ሜትር የዓለም የቤት ውስጥ ሻምፒዮኗ ፍሬወይኒ ኃይሉ ሌሎቹ ተጠባቂዎች ናቸው፡፡

 በወንዶች 5000ሜ የ2022 ዋንዳ የዳይመንድ ሊግ በ12፡42.70 በሆነ ጊዜ ሻምፒዮን የሆነው ኢትዮጵያዊው ጥላሁን ኃይሌ ከኬንያዊው ኒኮላስ ኪፕኮሪር የሚያደርገው ፉክክር ይጠበቃል።  

የዘንድሮ ዳይመንድ ሊግ የሚካሄድባቸው ከተሞች እነማን ናቸው?

ከሚያዝያ 12 ቀን 2016 ዓ.ም. እስከ መስከረም 4 ቀን 2017 ዓ.ም. ድረስ  የ2024 ዳይመንድ ሊግን በአውሮፓ፣ በአፍሪካ፣ በእስያና በአሜሪካ 15 ከተሞች በ32 ውድድሮች የሚካሄድ ሲሆን፣ ከአፍሪካ ለማስተናገድ የተመረጠችው የሞሮኮ ራባት ከተማ ናት፡፡

የመጀመርያ ሁለት ተከታታይ ውድድሮች የቻይና ከተሞች ቺያመን እና ሻንጋይ፣ ሦስተኛውን የኳታር መዲና ዶሃ፣ አራተኛውን የሞሮኮ ከተሞች ራባትና ማራካሽ ያስተናግዳሉ፡፡ ተከታታዮቹን የአሜሪካዋ ዩጂን፣ የኖርዌይ ኦስሎ፣ የስዊድን ስቶክሆልም፣ የፈረንሳይ ፓሪስ፣ የሞናኮ ፎንቲቪሌ፣ የእንግሊዝ ለንደን፣ የስዊዘርላንድ ሎዛን፣ የፖላንድ ቾርዞው፣ የጣሊያን ሮም፣ የስዊዘርላንድ ዙሪክ ያዘጋጁታል፡፡

የመጨረሻውንና በመስከረም የመጀመሪያ ሳምንት የሚከናወነውን ውድድር የቤልጄም መዲና ብራስልስ ታስተናግዳለች፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰላማዊ የፖለቲካ ትግልና ፈተናው

የኦሮሞ ነፃነት ግንባር (ኦነግ) የፖለቲካ ኦፊሰር የአቶ በቴ ኡርጌሳን...

አበጀህ ማንዴላ! አበጀሽ ደቡብ አፍሪካ!

በአየለ ት. የፍልስጤም ጉዳይ የዓለም አቀፍ ፖለቲካንም ሆነ የተባበሩት መንግሥታትን...

የውጭ ባለሀብቶች ለኢትዮጵያውያን ብቻ በተፈቀዱ የንግድ ዘርፎች እንዲገቡ የመወሰኑ ፋይዳና ሥጋቶች

ጠቅላይ ሚኒስትር ዓብይ አዓመድ (ዶ/ር) የውጭ ኩባንያዎች በጅምላና ችርቻሮ...