Tuesday, April 23, 2024
- Advertisement -
- Advertisement -

ስፖርትየቀድሞ የኢትዮጵያ እግር ኳስ ፌዴሬሽንና የኦሊምፒክ ኮሚቴ ፕሬዚዳንት ግዛው ተክለማርያም (ኢንጂነር) ...

የቀድሞ የኢትዮጵያ እግር ኳስ ፌዴሬሽንና የኦሊምፒክ ኮሚቴ ፕሬዚዳንት ግዛው ተክለማርያም (ኢንጂነር) (1936-2016)

ቀን:

በኢትዮጵያ እግር ኳስ ፌዴሬሽንን ከዓመታት በፊት በፕሬዚዳንትነት የመሩት ግዛው ተክለማርያም (ኢንጂነር) የታዳጊ ወጣቶች ሥልጠና ፕሮጀክቶች እንዲመሠረቱና ትኩረት እንዲሰጣቸው በማድረግ፣ የኢትዮጵያ ፕሪሚየርና ብሔራዊ ሊግ እንዲመሠረቱ፣ የሴቶች እግር ኳስ እንዲጀምር፣ የአፍሪካ ወጣቶች ዋንጫ በኢትዮጵያ እንዲስተናገድ በማድረግ ይወሳሉ፡፡  

እንደ ብሔራዊ ፌዴሬሽኑ አገላለጽ፣ የአምቦ ጎል ፕሮጀክት ምሥረታና ለእግር ኳስ አሠልጣኞችና ስፖርተኞች አገልግሎት እንዲሰጥ ከፍተኛ አስተዋዕኦ ማበርከት መቻላቸውም ይጠቀሳል፡፡ አርጀንቲና ባስተናገደችው የዓለም ወጣቶች ዋንጫ የኢትዮጵያ ወጣት ብሔራዊ ቡድን አልፎ የተጫወተውም በእሳቸው የአመራርነት ዘመን ነበር፡፡

ኢንጂነር ግዛው የስፖርት ላይ መሳተፍ የጀመሩት በዋና ሥራ አስኪያጅነት ይመሩት በነበረው ሙገር ሲሚንቶ ፋብሪካ ነው። የሙገር ሲሚንቶ ስፖርት ክለብ እንዲቋቋም በማድረግ የበኩላቸውን የተወጡ ሲሆን፣ በመቀጠልም የኢትዮጵያ እግር ኳስ ፌዴሬሽንና የኦሊምፒክ ኮሚቴ ፕሬዚዳንት በመሆን እስከ 1996 ዓ.ም. ድረስ አገልግለዋል። የአፍሪካ እግር ኳስ ኮንፌዴሬሽን (ካፍ) የፋይናንስ ኮሚቴ አባልም ነበሩ፡፡

- Advertisement -

Video from Enat Bank Youtube Channel.

በቀድሞው አጠራር በሐረርጌ ጠቅላይ ግዛት ጨርጨር በሚባል ቦታ በ1936 ዓ.ም. የተወለዱት ኢንጂነር ግዛው ተክለማርያም ገጸ ታሪካቸው እንደሚገልጸው፣ መደበኛ ትምህርታቸውን በድሬዳዋ፣ በአዲስ አበባ ካቴድራልና በተፈሪ መኰንን ትምህርት ቤቶች አጠናቀው የኮሌጅ ትምህርታቸውን በባህር ዳር ፖሊቴክኒክ በከፍተኛ ማዕረግ አጠናቀዋል። ሁለተኛ ዲግሪያቸውን በቀድሞዋ ሶቪየት ኅብረት ተከታትለዋል።

በሥራ ዘመናቸው በድሬዳዋ ሲሚንቶ፣ አዲስ አበባ ሲሚንቶ፣ በኢካፍኮ፣ በሙገር ሲሚንቶ ከማሽኒስትነት እስከ ዋና ሥራ አስኪያጅነት፣ እንዲሁም በሚኒስትር ማዕረግ የመንግሥት ልማት ድርጅቶች ተቆጣጣሪ ባለሥልጣን ሆነው ሠርተዋል።

ባለትዳርና የሁለት ልጆች አባት የነበሩት ነፍስ ኄር ግዛው ተክለማርያም (ኢንጂነር) በተወለዱ በ80 ዓመታቸው መጋቢት 18 ቀን 2016 ዓ.ም. አርፈው፣ በማግሥቱ መጋቢት 19 ቀን በጴጥሮስ ጳውሎስ ቤተ ክርስቲያን ሥርዓተ ቀብራቸው ተፈጽሟል።

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰው መሆን ምንድን ነው? ቅርስና ማኅበራዊ ፍትሕ

በሱራፌል ወንድሙ (ዶ/ር) ዳራ ከጎራዎች፣ ከመፈራረጅ፣ ነገሮችን ከማቅለልና ከጊዜያዊ ማለባበስ ወጥተን...

ኢኮኖሚው ኢትዮጵያን እንዳያፈርሳት ያሠጋል

በጌታቸው አስፋው ኢትዮጵያን እንዳያፈርሱ የሚያሠጉኝ አንድ ሁለት ብዬ ልቆጥራቸው የምችላቸው...

የኢትዮጵያ የፖለቲካ ትግል በሕግ አምላክ ይላል

በገነት ዓለሙ የአገራችንን ሰላም፣ የመላውን ዓለም ሰላም ጭምር የሚፈታተነውና አደጋ...

በሽግግር ፍትሕ እንዲታዩ የታሰቡ የወንጀል ጉዳዮች በልዩ ፍርድ ቤት ሳይሆን በልዩ ችሎት እንዲታዩ ተወሰነ

የኤርትራ ወታደሮች በሌሉበትም ቢሆን ይዳኛሉ ተብሏል በፅዮን ታደሰ የሽግግር ፍትሕ የባለሙያዎች...