Wednesday, April 17, 2024
- Advertisement -
- Advertisement -
ማኅበራዊአካል ጉዳተኛ ተማሪዎችን በአካል ድጋፍና በቴክኖሎጂ ተጠቃሚ የሚያደርገው ስጦታ

አካል ጉዳተኛ ተማሪዎችን በአካል ድጋፍና በቴክኖሎጂ ተጠቃሚ የሚያደርገው ስጦታ

ቀን:

ኢትዮ ቴሌኮም፣ ለተቸገሩ አካል ጉዳተኛ ተማሪዎች አገልግሎት እንዲውሉ በስምንት ሚሊዮን ብር ከገዛቸው 500 የአካል ድጋፍና የቴክኖሎጂ መርጃ መሣሪያዎች መካከል፣ 199ኙን በአዲስ አበባ ለሚገኙ አካል ጉዳተኛ ተማሪዎች አከፋፍሏል፡፡

ከየትምህርት ቤቱ ለተውጣጡ አካል ጉዳተኛ ተማሪዎች መጋቢት 11 ቀን 2016 ዓ.ም. የተሰጠው ድጋፍ 62 ዊልቸሮች፣ 59 ነጭ በትሮች 52 የጆሮ አጋዥ ማዳመጫዎችና 25 ክራንቾች ነው፡፡

ቀሪዎቹ ድጋፎች በየክልሉ በተለያዩ አካባቢዎች ለሚገኙ አካል ጉዳተኛ ተማሪዎች የሚከፋፈሉ መሆኑን የኢትዮ ቴሌኮም ቺፍ ኮሙዩኒኬሽን ኦፊሰር አቶ መሳይ ውብሸት ገልጸዋል፡፡

- Advertisement -

Video from Enat Bank Youtube Channel.

ኃላፊው ኢትዮ ቴሌኮም በትምህርትና በጤና ዘርፍ እንዲሁም በአረንጓዴ ልማትና በሰብዓዊነት መስክ ያለበትን ማኅበራዊ ኃላፊነት ለመወጣት እየሠራ እንደሚገኝም ተናግረዋል፡፡

በተለይም ‹‹የእናት መቀነት›› የሚል ፕሮግራም አውጥቶ በከፍተኛ የትምህርት ተቋማት ከሚማሩ ወጣቶች መካከል በዝቅተኛ የኑሮ ደረጃ ላይ ከሚገኙ ወላጆች ለመጡ ወጣቶች የኪስ ገንዘብ እየሰጠ መሆኑንም አመልክተዋል፡፡

በተለያዩ ክልሎች ለሚገኙ የመጀመሪያና ሁለተኛ ደረጃ ተማሪዎችም ‹‹ዲጂታል ለርኒንግ ስቴሽን›› (የዲጂታል ትምህርት መከታተያ ጣቢያ) በማቋቋም፣ ኢንተርኔት እንዲያገኙ ማድረጉንም ጠቅሰዋል፡፡

የኢትዮጵያ አካል ጉዳተኛ ማኅበራት ፌዴሬሽን ዋና ዳይሬክተር አቶ ዓባይነህ ጉጆ በበኩላቸው፣ ፌዴሬሽኑ የአካል ጉዳተኞችን ችግር ለመቅረፍ፣  አብረውት ከሚሠሩት አካላት አንዱ የሆነው ኢትዮ ቴሌኮም የቀረበለትን ጥያቄ ተቀብሎ ላደረገው ድጋፍ አመስግነው ድጋፉ ተጠናክሮ እንዲቀጥል ጠይቀዋል፡፡

በቂርቆስ ክፍለ ከተማ ከሚገኘው ፈለገ ዮርዳኖስ ቅድመ አንደኛና መጀመሪያ ደረጃ ትምህርት ቤት መምህርት የሆኑት አሰፋሽ ወልደ አረጋይ የሚያስተምሩአቸው የአካል ጉዳት ያለባቸው ዘጠኝ ተማሪዎች የዊልቸር ድጋፍ በማግኘታቸው መደሰታቸውን ገልጸዋል፡፡

ከዚህ ውጪ ግን መራመድ ያልቻሉ ፊዚዮቴራፒ ቢደረግላቸው መራመድ እንደሚችሉና መስማት የተሳናቸው ልጆችም በሚማሩባቸው ትምህርት ቤቶች ሁሉ ‹‹የምልክት ቋንቋ›› አስተርጓሚ ቢመደብላቸው መልካም መሆኑንም ጠቁመዋል፡፡ የሚመለከታቸው አካላት ከትምህርት ቢሮ ጋር አብረው ቢሠሩ ከፍተኛ ውጤት ማምጣት ይቻላል የሚል እምነት እንዳላቸውም ተናግረዋል፡፡

ድጋፍ የተደረገላቸው አካል ጉዳተኛ ተማሪዎችን በመወከል የተናገረው ተማሪ ሱራፌል ለተደረገው ስጦታ አመስግኖ፣ በአዲስ አበባ ደረጃ በተለያዩ አካባቢዎች ሕንፃዎችና መንገዶች እየፈረሱ በመምጣታቸው የተነሳ በዊልቸርም ሆነ በሌላ የአካል ድጋፍ በመታገዝ ለመንቀሳቀስ መቸገራቸውንና ለዚህም መፍትሔ እንዲበጅለት ጠይቋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰላማዊ የፖለቲካ ትግልና ፈተናው

የኦሮሞ ነፃነት ግንባር (ኦነግ) የፖለቲካ ኦፊሰር የአቶ በቴ ኡርጌሳን...

አበጀህ ማንዴላ! አበጀሽ ደቡብ አፍሪካ!

በአየለ ት. የፍልስጤም ጉዳይ የዓለም አቀፍ ፖለቲካንም ሆነ የተባበሩት መንግሥታትን...

የውጭ ባለሀብቶች ለኢትዮጵያውያን ብቻ በተፈቀዱ የንግድ ዘርፎች እንዲገቡ የመወሰኑ ፋይዳና ሥጋቶች

ጠቅላይ ሚኒስትር ዓብይ አዓመድ (ዶ/ር) የውጭ ኩባንያዎች በጅምላና ችርቻሮ...