Thursday, April 18, 2024
- Advertisement -
- Advertisement -
ዝንቅየሚያሳስበኝ

የሚያሳስበኝ

ቀን:

(በእውቀቱ ስዩም)

ንግድ ባንክ በሌቦች ተጭበርብሮ ወይም የኦንላይን ቅጽሩ ተሰብሮ ከሆነ ብዙ አይገርምም፡፡ እጅግ ታላላቅ የሚባሉ የዓለም ተቋማት ሳይቀር እንዲህ አይነት አደጋ አጋጥሟቸው ያውቃል፡፡ እዚህ ሰፈር ንቁ ዘበኛ ቢኖር እዚያ ማዶ ደግሞ የበለጠ ንቁ ሌባ ይኖራል፤ እያንዳንዱ ጽኑ በር ብርቱ መስበርያ አለው፣ ብርቅ አይደለም፡፡ ወደፊት በሌሎች ባንኮች ላይ ተመሳሳይ ነገር መፈጸሙ አይቀርም፡፡

በግሌ ያስገረመኝ ሌላ ነገር ነው፡-

- Advertisement -

Video from Enat Bank Youtube Channel.

ስለዝርፍያው የተሰጠው ማኅበራዊ ምላሽ እጅን ባፍ ብቻ ሳይሆን በጆሮም ያስጭናል፡፡ አብዛኛው ማኅበራዊ ሚዲያ ላይ ያለው መንፈስ በቀልድም ቢሆን ሌቦችን የሚደግፍ ነው፡፡ ጨዋታ ቢሆንም የጨዋታው አቅጣጫ ያሳስባል፤ የሆነ ማኅበራዊ በሽታ ምልክት ሊሆን ይችላል፡፡

የበሽታው መነሾ ምን ይሆን? የኔ ግምቶች እኒህ ናቸው፡-

ሀ) “ሠርቶ መብላት” የሚባለው ነገር ለብዙ ሰው፣ ለብዙ ሰው የትም የማያደርስ የዳገት መንገድ ሆኖበታል፡፡ ድሮ “ያልሠራ አይብላ” የሚባል መፈክር ነበር፡፡ አሁን የሠራም የማይበላበት የኢኮኖሚ ጣቢያ ላይ ደርሰናል፤ ለመኖር መስረቅ፣ ማጭበርበር፣ መቆመር ወይም የሎተሪ እድለኛ መሆን ብቻ ነው የሚያዋጣው የሚል መንፈስ ነግሷል፡፡ ስለዚህ ውስጥ ውስጡን  የሚዘርፉ ሰዎች እንደ አራዳ መቁጠር ማድነቅ እየተለመደ ነው፡፡

ለ) ገዥዎችን እና አገረ መንግሥትቱን ለያይቶ ማየት አለመቻል ሌላው ችግር ይመስለኛል፡፡ ዋና ዋና የአገር ተቋማትን እንደ ራስ መቁጠር እየቀረ ነው፤ ብዙዎቻችን እኒህ ትልልቅ ተቋማት ቢወድሙ ወይም ቢዳከሙ የማታ የማታ ጦሱ ለሁላችንም እንደሚተርፍ አናውቅም ወይም ለማወቅ አንፈልግም፡፡

ሐ) የሕግ ተቋማትና የጸጥታ ተቋማት  የመንግሥትን መዋቅር ተጠግተው የሚዘርፉ ሰዎችን ለመቅጣት ያላቸው ቸልተኝነት ወይም አቅመቢስነት ያሳስባል፡፡ መንግስት የሚደራጀው በዋናነት የዜጎችን ሕይወትና በላባቸው ያፈሩትን ንብረት ለመጠበቅ ነው፡፡ አሁን አሁን፥ ኢትዮጵያ ትልልቅ ቀማኞች እንኳን ቅጣት ግልምጫ ሳያገኛቸው፣ እንደ ልብ እየፋነኑ እሚኖሩባት አገር ሆናለች፡፡ ሕገ ወጥነት አትራፊ ከሆነ ሁሉም የሕገ ወጥነት ተቋዳሽ ለመሆን መጣሩ አይቀርም፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰላማዊ የፖለቲካ ትግልና ፈተናው

የኦሮሞ ነፃነት ግንባር (ኦነግ) የፖለቲካ ኦፊሰር የአቶ በቴ ኡርጌሳን...

አበጀህ ማንዴላ! አበጀሽ ደቡብ አፍሪካ!

በአየለ ት. የፍልስጤም ጉዳይ የዓለም አቀፍ ፖለቲካንም ሆነ የተባበሩት መንግሥታትን...

የውጭ ባለሀብቶች ለኢትዮጵያውያን ብቻ በተፈቀዱ የንግድ ዘርፎች እንዲገቡ የመወሰኑ ፋይዳና ሥጋቶች

ጠቅላይ ሚኒስትር ዓብይ አዓመድ (ዶ/ር) የውጭ ኩባንያዎች በጅምላና ችርቻሮ...