Monday, April 15, 2024
- Advertisement -
- Advertisement -
ስፖርትለኢትዮጵያ አዲስ ምዕራፍ የታየበት የአፍሪካ ጨዋታዎች

ለኢትዮጵያ አዲስ ምዕራፍ የታየበት የአፍሪካ ጨዋታዎች

ቀን:

ትናንት መጋቢት 14 ቀን 2016 ዓ.ም. ፍጻሜውን በአክራ ባገኘው 13ኛው የአፍሪካ ጨዋታዎች ኢትዮጵያ 7 ወርቅ፣ 8 ብር፣ 6 ነሐስ አግኝታለች፡፡ ከአትሌቲክሱ ወርቃዊ ድል ጋር በተጎራበተው በቦክስም አንድ ወርቅ በሴት ተገኝቶበታል፡፡ አትሌቲክስ የሦስት የሩጫ፣ ውርወራና ዝላይ (ሩውዝ) መድረክ እንደመሆኑ በምርኩዝ ዝላይም የነሐስ ሜዳሊያም ክብር ኢትዮጵያ አግኝታበታለች፡፡

በሴቶች 52 ኪሎግራም ክብደት ቤተልሔም ገዛኸኝ የሞሮኮ አቻዋን ቸዳል ራባ በማሸነፍ ወርቁን አጥልቃለች፡፡ ቤተልሔም በቀዳሚዎቹ ግጥሚያዎቿ  የአልጄሪያንና ዲሞክራቲክ ኮንጎን አትሌቶችን በፍፁም የበላይነት ማሸነፏ ተዘግቧል፡፡ የመጀመሪያዋ ኢትዮጵያዊት ቦክሰኛ በአፍሪካ ጨዋታዎች ወርቅ ያገኘች ሆናለች፡፡ በወንዶች ተመስገን ምትኩ በ75 ኪሎ ግራም ክብደት የነሐስ ሜዳሊያ አግኝቷል፡፡

ኢትዮጵያ ውጤት በጠበቀችባቸው የሴቶች 10,000 ሜትር ፍፃሜ የሴቶችና የወንዶች 1500 ሜትር የሴቶችና የወንዶች ግማሽ ማራቶን እንዲሁም የወንዶች 5000 ሜትር አስደሳች ውጤት ተመዝግቧል፡፡

- Advertisement -

Video from Enat Bank Youtube Channel.

ከመካከለኛ እስከ ረዥም ርቀት በተወዳደሩት አትሌቶችም በሴቶች 800ሜ ጽጌ ዱጉማ ወርቅ፣ በ1500 ሜትር ሴቶች ፍፃሜ ሒሩት መሸሻ ወርቅ፣ ሃዊ አበራ የብር፣ በወንዶች 1500ሜ ኤርሚያስ ግርማ ብር ሜዳሊያ፣ በ20 ኪሎ ሜትር ዕርምጃ ወንዶች ምስጋና ዋቁማ ወርቅ፣ በሴቶች 20 ኪሎ ሜትር ዕርምጃ ስንታየሁ ማስሬ ብር ሜዳልያ አግኝተዋል።

 በወንዶች 5000 ሜትር ሐጎስ ገብረ ሕይወት ወርቅ፣ በ10000 ሜትር ወንዶች ንብረት መላክ ወርቅ፣ ገመቹ ዲዳ የብር ሜዳልያ፣ በሴቶች 10000 ሜትር ውዴ ከፍያለው ብር፣ ተኬን አማረ የነሐስ፣ በ3000 ሜትር መሠናክል ሴቶች ሎሚ ሙለታ የነሐስ ሜዳሊያ፣ በምርኩዝ ዝላይ ወንዶች አበራ ለማ 4 ሜትር በመዝለል የነሐስ ሜዳልያ አግኝተዋል፡፡

እስከ መጋቢት 13 በነበረው አጠቃላይ ውጤት ግብፅ በ91 ወርቅ፣ 36 ብር፣ 31 ነሐስ፣ በ158 ሜዳሊያዎች ቀዳሚ ስትሆን፣ ናይጄሪያ በ27 ወርቅ፣ 21 ብር፣ 30 ነሐስ በ78 ሜዳሊያዎች ሁለተኛ፣ ደቡብ አፍሪካ በ26 ወርቅ፣ 29 ብር፣ 38 ነሐስ በ93 ሜዳሊዎች 3ኛ ደረጃ ላይ ተቀምጠዋል፡፡ አዘጋጇ ጋና በ9 ወርቅ፣ 22 ብር፣ 15 ነሐስ በድምሩ በ46 ሜዳሊዎች 6ኛን ይዛለች፡፡

የትናንት ምሽት፣ የተመዘገቡና ዛሬና ነገ በሚደረጉ ውድድሮች የሚገኙ ውጤቶች ከመሪዋ ግብፅ በቀር የሌሎቹን ብሔራዊ ኦሊምፒክ ኮሚቴዎች ደረጃ ይለውጠዋል ተብሎ ይጠበቃል፡፡

ቅዳሜ የተጠናቀቀውን 13ኛው የአፍሪካ ጨዋታዎችን የአፍሪካ ኅብረት የስፖርት ምክር ቤት፣ የአፍሪካ ብሔራዊ ኦሊምፒክ ኮሚቴዎች ማኅበር (አኖካ)፣ እንዲሁም የአፍሪካ ስፖርት ኮንፌዴሬሽን ማኅበር በበላይነት ያስተዳድሩታል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ቪር ጀነራል ትሬዲንግ ኃ/የተ/የግ/ማኀበር የጨረታ ማስታወቂያ

ቪር ጀነራል ትሬዲንግ ኃ/የተ/የግ/ማኀበር በገቢ እና በውጭ ንግድ እንዲሁም...

ያልተቃናው የልጆች የንባብ ክህሎት

አንብቦና አዳምጦ መረዳት፣ የተረዱትን ከሕይወት ጋር አዋህዶ የተቃና ሕይወት...

እንስተካከል!

ሰላም! ሰላም! ውድ ኢትዮጵያውያን ወገኖቼ እንዲሁም የሰው ዘር በሙሉ፣...

የሙዚቃ ምልክቱ ሙሉቀን መለሰ ስንብት

የኢትዮጵያ ዘመናዊ ሙዚቃ በ1950ዎቹ እና በ1960ዎቹ በኪነ ጥበባትም ሆነ...