Monday, April 15, 2024
- Advertisement -
- Advertisement -
ማኅበራዊበአዲስ አበባ የተደራጁ ዕድሮች ሕጋዊ ምዝገባ እንዲያደርጉ የሚያስገድድ መመርያ ተዘጋጀ

በአዲስ አበባ የተደራጁ ዕድሮች ሕጋዊ ምዝገባ እንዲያደርጉ የሚያስገድድ መመርያ ተዘጋጀ

ቀን:

የአዲስ አበባ ከተማ አስተዳደር ሴቶች፣ ሕፃናትና ማኅበራዊ ጉዳይ ቢሮ በተለያዩ አካባቢዎች የተደራጁ ዕድሮች ሕጋዊ ምዝገባ የሚያደርጉበት መመርያ አዘጋጀ፡፡

መመርያው በዋናነት በተለያዩ አካባቢዎች ሕጋዊ ዕውቅና የሌላቸውና በቢሮው ያልተመዘገቡ ከ40 ዓመታት በላይ የቆዩ ዕድሮች በመኖራቸው፣ ዕድሮቹን ሕጋዊ ለማድረግ የሚያግዝ መሆኑን ስለመመርያው ማብራሪያ የሰጡት ስማቸው እንዲጠቀስ ያልፈለጉ የቢሮው ሠራተኛ ለሪፖርተር ተናግረዋል፡፡

መመርያው በፍትሕ ሚኒስቴር በመመዝገብ በየካቲት ወር 2016 ዓ.ም. መፅደቁን አስረድተዋል፡፡

- Advertisement -

Video from Enat Bank Youtube Channel.

ዕድሮች ለረጅም ዓመታት የኅብረተሰቡን ከፍተኛ መጠን ያለው ገንዘብ ሲያሰባስቡ በመቆየታቸው፣ የሕዝብ ገንዘብ ሲሰበሰብ በሚታወቅ ተቋም መሆን ይጠበቅበታል ብለዋል፡፡

ዕድሮች ሕጋዊ እንዲሆኑ ምዝገባ ማድረግ የሚያስችል አዋጅ ቢኖርም አስገዳጅ መመርያ ባለመዘጋጀቱ፣ ምዝገባ እንዲያደርጉ የሚያስችል መመርያ ነው ብለዋል፡፡

‹‹የዕድሮችና የዕድር ምክር ቤቶች የምዝገባና ዕውቅና አሰጣጥ›› የተሰኘው መመርያ፣ ዕድሮች በተለመደው ባህላዊ አሠራር ከቀብር ባሻገር ወደ ልማት መግባት እንዲችሉ፣ ዕድሮችና የዕድር ምክር ቤቶች ሕጋዊ ሆነው እንዲንቀሳቀሱ ለማድረግ የተዘጋጀ መሆኑን ያብራራል፡፡

በመመርያው መሠረት የሚመዘገቡበትና ዕውቅና የሚያገኙበት ሥርዓት በወረዳና በክፍለ ከተማ ሲሆን፣ በአንድ ወረዳ ወይም በአንድ ክፍለ ከተማ ከአንድ በላይ የዕድር ምክር ቤት ማቋቋም እንደማይቻል መመርያው ይደነግጋል፡፡

በእያንዳንዱ የዕድር ምክር ቤት የሥራ አመራር አባላት ቁጥር ከ12 በላይ መብለጥ እንደሌለበት ተቀምጧል፡፡

መመርያው ተፈጻሚ የሚሆነው በአዲስ አበባ ከተማ ሥር በሚገኙ ዕድሮችና የዕድር ምክር ቤቶች ላይ ሲሆን፣ የማስፈጸም ሥራውን የሚያከናውነው ቢሮው የምዝገባ ሥርዓት መዘርጋት፣ ችግሮችን መፍታት፣ መረጃዎችን መሰብሰብ፣ የፋይናንስ አስተዳደር አደረጃጀትን ማጠናከርና ማገዝ፣ እንዲሁም ወደ ልማት የሚገቡበት መንገድ የማመቻቸት ሥራዎች እንደሚጠበቅበት በመመርያው ተገልጿል፡፡.

የዕድር ምክር ቤቶች የምዝገባ መሥፈርትን በተመለከተ ማሟላት የሚጠበቅበት ማስረጃዎች መካከል የዕድር ምክር ቤት አባላት ስምና አድራሻ፣ የተመዘገበ ሀብት፣ የሥራ አመራር ኮሚቴ አባላት የተደራጀ ፕሮፋይል፣ በዕድር አባላቱ ጠቅላላ ጉባዔ የፀደቀ የኦዲት ሪፖርት ማቅረብ ይጠቀሳሉ፡፡ ቢሮው ከዕድሮች የቀረበለትን ማመልከቻ መርምሮ ሲያረጋግጥ የአገልግሎት ክፍያ እንዲፈጸም በማድረግ፣ በሁለት ቀናት ውስጥ ምዝገባውን በማጠናቀቅ የምዝገባ ማረጋገጫ የምስክርነት ወረቀት ይሰጣል ሲል መመርያው ይገልጻል፡፡

የዕድሩ ወይም የዕድር ምክር ቤቱ የምዝገባ ፈቃድ ከሚሰረዝባቸው ምክንያቶች አንደኛ ከአባላት ሁለት ሦስተኛ በሆነ ድምፅ እንዲሰረዝ ጥያቄ በሚቀርብበት ጊዜ፣ ሁለተኛ ዕድሩ የምዝገባ ፈቃዱን ከተሰጠበት ዓላማ ውጪ መገልገሉ በቢሮው ሲረጋገጥ፣ ሦስተኛ ሐሰተኛ ሰነድ በማቅረብ የተመዘገበ መሆኑ በቢሮው ሲረጋገጥ ሊሰርዝ እንደሚችል በመመርያው ተደንግጓል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ቪር ጀነራል ትሬዲንግ ኃ/የተ/የግ/ማኀበር የጨረታ ማስታወቂያ

ቪር ጀነራል ትሬዲንግ ኃ/የተ/የግ/ማኀበር በገቢ እና በውጭ ንግድ እንዲሁም...

ያልተቃናው የልጆች የንባብ ክህሎት

አንብቦና አዳምጦ መረዳት፣ የተረዱትን ከሕይወት ጋር አዋህዶ የተቃና ሕይወት...

እንስተካከል!

ሰላም! ሰላም! ውድ ኢትዮጵያውያን ወገኖቼ እንዲሁም የሰው ዘር በሙሉ፣...

የሙዚቃ ምልክቱ ሙሉቀን መለሰ ስንብት

የኢትዮጵያ ዘመናዊ ሙዚቃ በ1950ዎቹ እና በ1960ዎቹ በኪነ ጥበባትም ሆነ...