Wednesday, April 17, 2024
- Advertisement -
- Advertisement -
ዜናመልካም አስተዳደርና ድህነት ቅነሳን ያጣመረ ጥናታዊ ምክረ ሐሳብ ለመንግሥት ተቋማት ሊቀርብ ነው

መልካም አስተዳደርና ድህነት ቅነሳን ያጣመረ ጥናታዊ ምክረ ሐሳብ ለመንግሥት ተቋማት ሊቀርብ ነው

ቀን:

ከመልካም አስተዳደር፣ ከድህነትና ከሰላም አኳያ የሚፈጠሩ ችግሮችን ለመፍታት በጥናት የተደገፈ ምክረ ሐሳብ ለሦስት መንግሥታዊ ተቋማት ለማቅረብ ቅድመ ዝግጅት ማጠናቀቁን፣ ‹‹አዎንታዊ አስተሳሰብ ለኢትዮጵያ ማኅበር›› (Positive Thinking for Ethiopia Association) አስታወቀ፡፡

ማኅበሩ ጥናታዊ ምክረ ሐሳብ ለአዲስ አበባ ከተማ አስተዳደር፣ ለሥራና ክህሎት ሚኒስቴርና ለሰላም ሚኒስቴር ሁለት ወራት ባልሞላ ጊዜ ውስጥ እንደሚያቀርብ ገልጿል፡፡  

ማኅበሩ በአዋጅ ቁጥር 1113/2011 መሠረት መስከረም 21 ቀን 2016 ዓ.ም. ተመዝግቦ ሕጋዊ ፈቃድ ያገኘና 22 አባላት ያሉት መሆኑን የማኅበሩ ቦርድ ሰብሳቢ አቶ በቀለ ፀጋዬ ለሪፖርተር ገልጸው፣ በኢትዮጵያ የመልካም አስተዳደርና የድህነት ችግሮችን ለመፍታት ከሦስት ተቋማት ጋር ለመነጋገር ዝግጀቱን ማጠናቀቁን አስታውቀዋል፡፡

- Advertisement -

Video from Enat Bank Youtube Channel.

ማኅበሩ በኢትዮጵያ ከጊዜ ወደ ጊዜ እየተባባሰ የመጣውን የሰላም ዕጦት ለመቅረፍ ምክረ ሐሳብ ለማቅረብ፣ ለሰላም ሚኒስቴር ደብዳቤ ጽፎ ማስገባቱን አክለው ገልጸዋል፡፡  

ከመሬት ተነስቶ ስለሰላም በመስበክ ብቻ ሰላም ማምጣት እንደማይቻል የገለጹት የቦርድ ሰብሳቢው፣ በመልካም አስተዳደር ዕጦትና በድህነት ቅነሳ ላይ ትኩረት ተሰጥቶ ከተሠራ ሰላም ማምጣት እንደሚቻል አስረድተዋል፡፡

መንግሥት አስተዳደራዊ ችግሮችን በማሻሻል የድህነት ቅነሳን ሥርዓት መዘርጋት እንደሚኖርበት ጠቅሰው፣ ብቃት ያላቸው ወጣቶችን በመደገፍና በማደራጀት የሥራ ዕድል መፍጠር ይኖርበታል ብለዋል፡፡

በተለይ በየወረዳው ሥራ የሌላቸውን ወጣቶች በመመዝገብ መንግሥት ሥራ መፍጠር እንዳለበት ገልጸው፣ በየወረዳው የልማት ኮሚቴዎች እንዲኖሩ በማድረግ የሥራ ሐሳብ ማቅረብ የሚችሉ ወጣቶችን እንዲደራጁ ማድረግ ያስፈልጋል ሲሉ አስረድተዋል፡፡

የመልካም አስተዳደር፣ የድህነት ቅነሳና የሰላም ሁኔታን በተመለከተ ማኅበሩ ኮሚቴ አዋቅሮ ምክረ ሐሳብ ለመንግሥት ተቋማት ለማቅረብ መዘጋጀቱን ያስታወሱት የቦርድ ሰብሳቢው፣ በአገር አቀፍ ደረጃ ቋሚ የገንዘብ ማሰባሰብ መርሐ ግብር በመፍጠር በልመናና በስርቆት የተሰማሩ ሰዎችን እንዲደራጁ ለማድረግ እንደሚረዳ አብራርተዋል፡፡  

ምክረ ሐሳቡ በየወረዳው፣ በየቀበሌው፣ በየዕድር ቦታዎች ሳይቀር ተግባራዊ እንዲደረግ ለመንግሥት ሐሳብ የሚያቀርቡ መሆኑንና ምክረ ሐሳቡንም ለሦስቱ ተቋማት ከቀረበ በኋላ ጠቅላይ ሚኒስትሩን ለማነጋገር ዕቅድ መያዛቸውን ተናግረዋል፡፡

ጥናታዊ ምክረ ሐሳቡ የተዘጋጀው ኢትዮጵያ ውስጥ ካሉ ችግሮች በመነሳት እንደሆነ፣ ችግሮቹም አሳሳቢ እየሆኑ በመምጣታቸው መንግሥት ለጉዳዩ ትኩረት እንዲሰጠው በማሰብ መሆኑን ገልጸዋል፡፡

‹‹ኢትዮጵያ ውስጥ የመልካም አስተዳደር ችግሮችን በመፍታት ሰላም መስፈን ይኖርበታል›› የሚል አቋም ማኅበሩ እንዳለውና መንግሥት ከፖለቲካ ፓርቲዎችና ከሚመለከታቸው አካላት ጋር በሰላማዊ ሁኔታ በመወያየት ሰላምን ማስፈን እንደሚጠበቅበት አስረድተዋል፡፡    

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰላማዊ የፖለቲካ ትግልና ፈተናው

የኦሮሞ ነፃነት ግንባር (ኦነግ) የፖለቲካ ኦፊሰር የአቶ በቴ ኡርጌሳን...

አበጀህ ማንዴላ! አበጀሽ ደቡብ አፍሪካ!

በአየለ ት. የፍልስጤም ጉዳይ የዓለም አቀፍ ፖለቲካንም ሆነ የተባበሩት መንግሥታትን...

የውጭ ባለሀብቶች ለኢትዮጵያውያን ብቻ በተፈቀዱ የንግድ ዘርፎች እንዲገቡ የመወሰኑ ፋይዳና ሥጋቶች

ጠቅላይ ሚኒስትር ዓብይ አዓመድ (ዶ/ር) የውጭ ኩባንያዎች በጅምላና ችርቻሮ...