Saturday, April 20, 2024
- Advertisement -
- Advertisement -
ዜናበአዲስ አበባ የተጀመረው የኮሪደር ልማት የከተማዋን አሻራ የሚያጠፋ ነው ሲል እናት ፓርቲ...

በአዲስ አበባ የተጀመረው የኮሪደር ልማት የከተማዋን አሻራ የሚያጠፋ ነው ሲል እናት ፓርቲ ተናገረ

ቀን:

በኮሪደር ልማት ስም የሚደረገው ነባር መንደሮችን እያፈረሱ በአዲስ ግንባታዎች የመተካት እንቅስቃሴ፣ የአዲስ አበባን አሻራ ሊያጠፋ እንደሚችል እናት ፓርቲ አስታወቀ፡፡ በልማት ስም የቀደመ ታሪክንና የቀደመው ትውልድን አሻራ የማጥፋት ዘመቻ እየተካሄደ ነው ሲልም፣ ፓርቲው ዓርብ መጋቢት 13 ቀን 2016 ዓ.ም. ባወጣው መግለጫ አስታውቋል፡፡

ባለፉት 50 ዓመታት የኢትዮጵያ ፖለቲካ ጉዞ ከቀደመ ሥርዓት ጋር የተያያዘን ነገር አፍርሶ በአዲስ የመተካት አካሄድ መለመዱን ፓርቲው ገልጿል፡፡ ይህ የነበረውን አፍርሶ ሁሉንም አዲስ የመገንባት አካሄድ ደግሞ ፈጽሞ የተሳሳተ ነው ብሏል፡፡

ከሰሞኑ በአዲስ አበባ ከተማ የተጀመረውንና እየተፋጠነ የሚገኘውን የኮሪደር ልማትም በስህተትነት የሚያነሳው የእናት ፓርቲ መግለጫ፣ የከተማዋን ነባር መንደሮች ለውድመት የዳረገ አካሄድ ነው ሲል ተችሏል፡፡

- Advertisement -

Video from Enat Bank Youtube Channel.

ፒያሳን ጨምሮ በተለያዩ የከተማዋ ነባር ሠፈሮች፣ ነባር ሕንፃዎችና ቤቶች መፍረሳቸው፣ ከታሪክ አንፃር ብቻ ሳይሆን ዘርፈ ብዙ ጉዳት እንዳለው በመግለጫው አትቷል፡፡

‹‹አዲስ አበባን እንደ ስሟ አዲስ እናደርጋታለን›› በሚል የአዲስ አበባ ከተማ መገለጫ የሆኑ አሻራዎች መውደማቸው ጥፋት መሆኑን ገልጿል፡፡ ከ1900ዎቹ ጀምሮ ተገነቡ የሚላቸው የአበበች ጎበና መኖሪያ፣ የቢትወደድ ኃይለ ጊዮርጊስ አግደው መኖሪያ፣ የብሪቲሽ ባይብል ሶሳይቲ፣ የመሐመድ ዓሊ መኖሪያ፣ የሙሴ ሚናስ ኬርቤኪያ መኖሪያ፣ የማቲግ ኬቮርኮፍ መኖሪያ፣ የአህመድ ሳላህ (ሻሺብ ሀይሴት) መኖሪያ፣ የአልፍሬድ ኢልግ መኖሪያ፣ የአርቲን ኢቫኪያን መኖሪያ፣ የአጋፋሪ ከልሌ መኖሪያ፣ የጳውሎስ ኮርዳስ መኖሪያና ሌሎችም ታሪካዊ ኪነ ሕንፃዎች ለውድመት ተዳርገዋል ሲል በስም ዘርዝሯል፡፡

የኮሪደር ልማቱ እነዚህን ታሪካዊ የከተማ አካባቢዎች በቅርስነት በመከለል ለከተማው ማስገኘት የሚቻል ከፍተኛ የቱሪዝም ገቢን እንደሚያሳጣ፣ ይህን መሰሉ በልማት ስም የሚደረግ ነባር መንደሮችን እያፈረሱ በአዳዲስ ግንባታዎች የመተካት ሥራ፣ ታሪክ አልባ ከተማን ሊያሳቅፈን ይችላል ሲል እናት ፓርቲ ሥጋቱን በመግለጫው ገልጿል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰላማዊ የፖለቲካ ትግልና ፈተናው

የኦሮሞ ነፃነት ግንባር (ኦነግ) የፖለቲካ ኦፊሰር የአቶ በቴ ኡርጌሳን...

አበጀህ ማንዴላ! አበጀሽ ደቡብ አፍሪካ!

በአየለ ት. የፍልስጤም ጉዳይ የዓለም አቀፍ ፖለቲካንም ሆነ የተባበሩት መንግሥታትን...

የውጭ ባለሀብቶች ለኢትዮጵያውያን ብቻ በተፈቀዱ የንግድ ዘርፎች እንዲገቡ የመወሰኑ ፋይዳና ሥጋቶች

ጠቅላይ ሚኒስትር ዓብይ አዓመድ (ዶ/ር) የውጭ ኩባንያዎች በጅምላና ችርቻሮ...