Saturday, April 20, 2024
- Advertisement -
- Advertisement -
ዜና ሴቶች ከመንግሥት የግዥ በጀት ተጠቃሚ እንዲሆኑ የሚያስችል የሕግ ድንጋጌ እንዲኖር ለፓርላማ ጥያቀ...

 ሴቶች ከመንግሥት የግዥ በጀት ተጠቃሚ እንዲሆኑ የሚያስችል የሕግ ድንጋጌ እንዲኖር ለፓርላማ ጥያቀ ቀረበ

ቀን:

በበጀት ዓመቱ ለመንግሥት ግዥ በሚመደበው ገንዘብ ላይ ሴቶች ዕድል እንዲያገኙ የሚያስችል የሕግ ድንጋጌ እንዲኖር እንዲደረግ ለፓርላማ ጥያቄ መቅረቡ ተገለጸ፡፡

መንግሥት በ2016 ዓ.ም. ከያዘው ዓመታዊ በጀት ለመንግሥት ግዥ የሚውል 46 በመቶ የሚሆነውን ቢመድብም፣ ሴቶችን ተጠቃሚ ሊያደርግ የሚችል የሕግ ድንጋጌ ግን እንዳልተዘጋጀ፣ የላቀ የሴቶች የኢኮኖሚ አቅም ማጎልበት ማዕከል ዋና ዳይሬክተር ንግሥት ኃይሌ (ዶ/ር) ገልጸዋል፡፡

መንግሥት ግዥ በሚፈጽምበት ወቅት ሴት አምራቾችን ለማበረታታት የሚያመርቷቸውን ምርቶችና አገልግሎቶች ለመግዛት የሚያስችል ድንጋጌ ላይ ውይይት እንዲደረግበትና እንዲፀድቅ ለፓርላማ ጥያቄ የቀረበ ቢሆንም ምላሽ እንዳልተሰጠበት ንግሥት (ዶ/ር) ለሪፖርተር ተናግረዋል፡፡

- Advertisement -

Video from Enat Bank Youtube Channel.

የሕግ ድንጋጌው በተለይም በአነስተኛ ንግድ ላይ የተሰማሩ ሴቶች ሰፊ ገበያ እንዲያገኙ ዕድል የሚፈጥር መሆኑን ገልጸው፣ ለአብነትም የኬንያ መንግሥት 30 በመቶ የሚሆነውን የመንግሥት ግዥ የሚፈጽመው የሚፈለገውን ምርትና አገልግሎት ማቅረብ ከሚችሉ ሴት አምራቾች መሆኑን ጠቅሰዋል፡፡

በፓርላማው እንዲፀድቅ የተጠየቀው የሕግ ድንጋጌ ለጀማሪ አምራች ነጋዴዎች፣ አካል ጉዳት ላለባቸው ነጋዴዎች እንዲሁም በንግድ ዘርፍ ለተሠማሩ ሴቶች ድጋፍ እንዲደረግላቸው ያለመ መሆኑን አመላክተዋል፡፡ 

የዘምዘም ባንክ ዋና ሥራ አስፈጻሚ ወ/ሮ መሊካ በድሪ በበኩላቸው፣ ሴቶች በአስተዳደጋቸው ከሚደርስባቸው ጫናና በንግድ ዘርፍ ላይ ሲሠማሩ ከሚያጋጥማቸው ፈተናዎች ባለፈ የራሳቸውን ክህሎት አውጥተው ማሳየት ላይ ክፍተቶች መኖራቸውን ገልጸዋል፡፡ ከፖለቲካዊ ውክልና አኳያ በፓርላማ ያለው የሴቶች ቁጥር ከፍተኛ ቢሆንም በየተቋማቱ ሲታይ ግን ዝቅተኛ መሆኑን አመላክተዋል፡፡

ምንም እንኳን በውይይቱ ወቅት ከነጋዴዎች ለሚነሱ ጥያቄዎች ምላሽ መስጠት የሚችል የመንግሥት የሥራ ኃላፊ ባይገኝም፣ የቦታ አቅርቦት ችግር እንዲሁም የብድር አገልግሎት አለመመቻቸት በሥራዎቻቸው ላይ እንቅፋት እየሆኑባቸው መሆኑን በውይይቱ ላይ የተሳተፉ ሴት አምራቾች ጠቅሰዋል፡፡

በኢንዱስትሪ ፓርኮች ውሰጥ በተገነቡ ሼዶች ውስጥ መካከለኛ የሆኑ ኢንቨስተሮች ገብተው ማምረት እንዲችሉ ማድረግ አለመቻሉንና በኢንዱስትሪ ፓርኮች ውስጥ የሚሠሩ ሠራተኞች ክፍያ ዝቅተኛ መሆን በዘርፉ ችግር ሆነው ተጠቅሰዋል፡፡ 

የብድር አቅርቦት ችግሩን አስመልክቶ ለተነሱ ጥያቄዎች ምላሽ ለመስጠት የሞከሩት ወ/ሮ መሊካ፣ ብድር ለማግኘት የሚያጋጥሙ ውጣ ውረዶች እንዲቀንሱ ለማድረግ የማማከር አገልግሎት የሚሰጥ ዲፓርትመንት ማቋቋማቸውን አስረድተዋል፡፡

በንግድ ዘርፉ ላይ የተሠማሩ ሴቶች መረጃዎችን ለማግኘትም ሆነ ምርትና አገልግሎቶቻቸውን ለተጠቃሚዎች ለማስተዋወቅ ማኅበራዊ ሚዲያውን መጠቀም እንደሚገባቸውና ለዚህ የሚሆን ክህሎትን ማዳበር እንደሚኖርባቸው ወ/ሮ መሊካ ጠቁመዋል፡፡

በዘርፉ የተሠማሩ ሴቶች ቁጥር ዝቀተኛ የሚባል ባይሆንም ወደ ውጭ የሚላኩ ምርቶችን ከማምረት አኳያ ግን የሴት አምራቾች ቁጥር ዝቅተኛ መሆኑ ይገለጻል፡፡  ይህን ለማሻሻል በሚልም በርካታ ማኅበራትና ተቋማት ሲንቀሳቀሱ ይስተዋላል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰላማዊ የፖለቲካ ትግልና ፈተናው

የኦሮሞ ነፃነት ግንባር (ኦነግ) የፖለቲካ ኦፊሰር የአቶ በቴ ኡርጌሳን...

አበጀህ ማንዴላ! አበጀሽ ደቡብ አፍሪካ!

በአየለ ት. የፍልስጤም ጉዳይ የዓለም አቀፍ ፖለቲካንም ሆነ የተባበሩት መንግሥታትን...

የውጭ ባለሀብቶች ለኢትዮጵያውያን ብቻ በተፈቀዱ የንግድ ዘርፎች እንዲገቡ የመወሰኑ ፋይዳና ሥጋቶች

ጠቅላይ ሚኒስትር ዓብይ አዓመድ (ዶ/ር) የውጭ ኩባንያዎች በጅምላና ችርቻሮ...