Monday, April 15, 2024
- Advertisement -
- Advertisement -
ማኅበራዊበቱኒዚያ በተካሄደው የሁዋዌ አይሲቲ ውድድር ኢትዮጵያውያን ተማሪዎች ሦስተኛ ደረጃን ይዘው አጠናቀቁ

በቱኒዚያ በተካሄደው የሁዋዌ አይሲቲ ውድድር ኢትዮጵያውያን ተማሪዎች ሦስተኛ ደረጃን ይዘው አጠናቀቁ

ቀን:

  • አሸናፊዎቹ በቻይና በሚካሄደው የፍፃሜ ውድድር ይሳተፋሉ

ባለፈው ሳምንት በቱኒዚያ ተካሂዶ በነበረው የሁዋዌ የኢንፎርሜሽን ኮሙዩኒኬሽን ቴክኖሎጂ (አይሲቲ) ክፍለ አኅጉራዊ የፍፃሜ ውድድር ኢትዮጵያን ወክለው ከተወዳደሩት ዘጠኝ የዩኒቨርሲቲ ተማሪዎች መካከል፣ በኮምፒውቲንግ ትራክ የተወዳደሩት የሦስት ተማሪዎች ቡድን በሦስተኛ ደረጃ አጠናቀቀ፡፡

ሞሮኮና ቱኒዚያን ተከትለው ሦስተኛ ደረጃን ያገኙት ተማሪዎች የተወዳደሩት፣ እነሱን ጨምሮ ከኢትዮጵያ፣ ማሊ፣ ካሜሩን፣ ሴኔጋል፣ አልጄሪያ፣ ቱኒዝያ፣ ሊቢያ፣ ግብፅና ሞሮኮ ከተውጣጡ 90 ተማሪዎች ጋር በተለያየ የውድድር ዘርፍ ነው፡፡

የሁዋዌ የሕዝብ ግንኙነት ዳይሬክተር ሚስተር ሊሚንግ ዬ እንዳሉት፣ ሁዋዌ ተማሪዎች በጤናማነት የሚወዳደሩበት፣ ሐሳብ የሚለዋወጡበት፣ የአይሲቲ ዕውቀታቸውንና የተግባር ክህሎታቸውን የሚያጎለብቱበትን መድረክ ማመቻቸቱ ተማሪዎች አዳዲስ ቴክኖሎጂዎችንና መድረኮችን በመጠቀም የመፍጠር አቅማቸውን የሚያሳድጉበት ነው፡፡

- Advertisement -

Video from Enat Bank Youtube Channel.

ውድድሩ በሰሜን አፍሪካ ክልል (ሰሜን፣ ምዕራብና መካከለኛው አፍሪካ) ከዘጠኙ አገሮች የተውጣጡ 30 ቡድኖችን ይዟል።

ኢትዮጵያ በሦስት ቡድኖች በተከፋፈሉ ዘጠኝ ተማሪዎች ተወክላ የነበረ ሲሆን፣ ተማሪዎቹም በክላውድ ትራክ፣ በኮምፒውቲንግ ትራክና በኔትወርክ ትራክ ውድድሮች ተሳትፈዋል።

በዚህ ውድድር አሸናፊ የሆኑት ተማሪዎች እ.ኤ.አ. በ2024 በቻይና በሚካሄደውና ከ500 ዩኒቨርሲቲዎች የተውጣጡ ከ20,000 በላይ ተማሪዎች በሚሳተፉበት የመጨረሻው ምዕራፍ ውድድር የመሳተፍ ዕድል ይኖራቸዋል።

በውድድሩ ሦስተኛ ደረጃን የያዙት ተማሪዎች የሁዋዌን ዘመናዊ ስልክ የተሸለሙ ሲሆን፣ የተቀሩት ስድስት ተማሪዎች በተሳትፏቸው የሁዋዌ ታብሌቶችን ተሸልመዋል።

ኩባንያው ለተማሪዎቻቸው ድጋፍ ላደረጉ መምህራንም ዕውቅና ሰጥቷል። ከሦስቱ ተማሪዎች ሁለቱ የአዲስ አበባ ሳይንስና ቴክኖሎጂ፣ አንዱ ድግሞ የአርባምንጭ ዩኒቨርሲቲ ተማሪዎች ናቸው።

ሁዋዌ አይሲቲ ውድድር ለዓለም አቀፍ የከፍተኛ ትምህርት ተቋማት ተማሪዎች የተነደፈ የአይሲቲ ክህሎት ማሳደጊያና ማበልፀጊያ መድረክ መሆኑን ኩባንያው አስታውቋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ቪር ጀነራል ትሬዲንግ ኃ/የተ/የግ/ማኀበር የጨረታ ማስታወቂያ

ቪር ጀነራል ትሬዲንግ ኃ/የተ/የግ/ማኀበር በገቢ እና በውጭ ንግድ እንዲሁም...

ያልተቃናው የልጆች የንባብ ክህሎት

አንብቦና አዳምጦ መረዳት፣ የተረዱትን ከሕይወት ጋር አዋህዶ የተቃና ሕይወት...

እንስተካከል!

ሰላም! ሰላም! ውድ ኢትዮጵያውያን ወገኖቼ እንዲሁም የሰው ዘር በሙሉ፣...

የሙዚቃ ምልክቱ ሙሉቀን መለሰ ስንብት

የኢትዮጵያ ዘመናዊ ሙዚቃ በ1950ዎቹ እና በ1960ዎቹ በኪነ ጥበባትም ሆነ...