Thursday, April 18, 2024
- Advertisement -
- Advertisement -
ኪንና ባህልለአዲስ አበባ ሠዓሊያት የተዘጋጀው የዩኔስኮ ፕሮጀክት

ለአዲስ አበባ ሠዓሊያት የተዘጋጀው የዩኔስኮ ፕሮጀክት

ቀን:

በአዲስ አበባ ለሚኖሩ ሃያ ሠዓሊያት በዲጂታል መገለጫዎች ለማጎልበት የሚረዳ ፕሮጀክትን ከዩኔስኮ ጋር በመተባበር ማዘጋጀቱን ግራር የጠቢባን መናኸሪያ አስታውቋል፡፡

ዓለም አቀፉ የባህል ተቋም በነደፈው ዩኔስኮ-አሽበርግ ለአርቲስቶችና የባህል ባለሙያዎች ፕሮግራም መሠረት ነው፡፡ እንስት ሥነ ጠቢባንን በዕውቀት የማብቃት ተግባር የሚያከናውነው፡፡

የግራር የሥነ ጥበብ መናኸሪያ ዋና ሥራ አስኪያጅ አቶ ሴሚናስ ሀደራ እንደገለጹት፣ ‹‹ሠዓሊትን ፍለጋ›› የተሰኘው ፕሮጀክት፣ ሠዓሊያቱ ላላቸው ጥበባዊ ፈጠራና ተሰጥዖ ተገቢውን ዕውቅና እንዲያገኙ ያስችላቸዋል፡፡

- Advertisement -

Video from Enat Bank Youtube Channel.

ለአዲስ አበባ ሠዓሊያት የተዘጋጀው የዩኔስኮ ፕሮጀክት | Ethiopian Reporter | ሪፖርተር

በፕሮጀክቱ ለሴቶቹ ጠቢባን የዲጂታል ክህሎት ሥልጠና የሚሰጥ ከመሆኑም ባሻገር፣ የዲጂታል ሰብዕና መገንቢያ አሠራሮችን ከመተግበር ባለፈ ሠዓሊያቱ በዲጂታል ሥርዓቱ ውስጥ እኩል ተጠቃሚ ይደረጋሉ ብለዋል፡፡

በዚህም እንስት ጠቢባን በዲጂታል መስክ ውስጥ የጎላ ተሳትፎ እንዲኖራቸው ይታገዛሉም ተብሏል፡፡

በውድድሩ የሚሳተፉትና ከ20ዎቹ መካከል መግባት የሚችሉት የመምረጫ መሥፈርት መዘጋጀቱም ተገልጿል፡፡ የጥበብ መናኸሪያው እንዳስታወቀው፣ በዚህ ጥሪ መሳተፍ የሚችሉት በአዲስ አበባ ከተማ ነዋሪና ዕድሜያቸው ከ18 ዓመት በላይ የሆኑ ናቸው፡፡

የሙሉ ጊዜ የስቱዲዮ ሠዓሊት፣ የሥነ ጥበባት ትምህርት ቤት ምሩቅ፣ በራስ ጥረት የተማረች ሠዓሊት፣ በሥነ ጥበባት ትምህርት ቤት እየተማረች ያለች ሠዓሊት በውድድሩ መሳተፍ ይችላሉ፡፡

ተሳታፊዎች ለውድድሩ ማቅረብ ከሚጠበቅባቸው መካከል ዲጂታል ሥነ ጥበብ፣ ኪነ ቅርፅ፣ ሥዕል፣ ንድፍና ሚክስድ ሚዲያ ይገኙባቸዋል፡፡ ለተመረጡት 20ዎቹ ሠዓሊያት የሥነ ጥበባት ዓውደ ርዕይ ይዘጋጃል ብሏል፡፡

መናኸሪያው ‹‹20 ሠዓሊያትን ፍለጋ›› በሚል ለተዘጋጀው የዩኔስኮ-አሽበርግ ፕሮጀክት በዩኔስኮ በኩል 47 ሺሕ ዶላር መመደቡን ዋና ሥራ አስኪያጁ ሳይገልጹ አላለፉም፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰላማዊ የፖለቲካ ትግልና ፈተናው

የኦሮሞ ነፃነት ግንባር (ኦነግ) የፖለቲካ ኦፊሰር የአቶ በቴ ኡርጌሳን...

አበጀህ ማንዴላ! አበጀሽ ደቡብ አፍሪካ!

በአየለ ት. የፍልስጤም ጉዳይ የዓለም አቀፍ ፖለቲካንም ሆነ የተባበሩት መንግሥታትን...

የውጭ ባለሀብቶች ለኢትዮጵያውያን ብቻ በተፈቀዱ የንግድ ዘርፎች እንዲገቡ የመወሰኑ ፋይዳና ሥጋቶች

ጠቅላይ ሚኒስትር ዓብይ አዓመድ (ዶ/ር) የውጭ ኩባንያዎች በጅምላና ችርቻሮ...