Saturday, April 20, 2024
- Advertisement -
- Advertisement -
ዝንቅ‹‹ያ ትውልድ!››

‹‹ያ ትውልድ!››

ቀን:

‹ያ ትውልድ!› የሶሻሊዝምና የኮሙዩኒዝም ተስፈኛ ነበር፡፡

‹ያ ትውልድ!› የማርክሲዝም ሌኒንዝም ገበዝ ነበር፡፡

‹ያ ትውልድ!› የማጭድና የመዶሻ ጥምረት አቀንቃኝ ነበር፡፡

- Advertisement -

Video from Enat Bank Youtube Channel.

‹ያ ትውልድ!› የላብ አደሩ አምባገነንነት አንጋሽ ነበር፡፡

‹ያ ትውልድ!› የነፃነት አርበኛ ነበር፡፡

‹ያ ትውልድ!› የቀይ ኮከብ ፋኖ ነበር፡፡

‹ያ ትውልድ!› የኢሕአፓ ሠልፈኛ ነበር፡፡

‹ያ ትውልድ!› የአሲምባ ምርኮኛ ነበር፡፡

‹ለዚያ ትውልድ› ሶሻሊዝምና የኮሙዩኒዝም ከማንኛውም መንፈሳዊም ሆነ ሥጋዊ ግቦች ሁሉ የበለጠ የመንግሥት እኩልነት፣ የመንግሥተ ብልጽግና፣ የመንግሥተ ፍጹማዊ ሕይወት መቀዳጃ የተስፋ መዳረሻዎቹ ነበሩ፡፡ ማርክሲዝም ሌኒንዝም ከማናቸውም መሠረተ ሐሳቦች የጎላና የገዘፈ መሠረተ አስተምህሮው፣ ቃለ ክህነቱ፣ ቃለ እምነቱና ቃለ ኃይሉ ነበር፡፡ የማጭድና የትግል አንድነት ማሳያ ምልክቱ ነበር፡፡ እነዚህ ሁለት የዓለም ግፉአንና ምዝብር የምድር ጎስቋሎች በሚያካሂዱት የጋራና የአንድነት ተጋድሎ አድህሮቱን፣ ፊውዳሊዝምን፣ ካፒታሊዝምንና ኢምፔሪያሊዝምን አቸንፈው የላብ አደሩ አምባገነንነት የሰፈነበትን መንግሥተ ዓለም የመቀዳጃታቸውን አይቀርነት ከወዲሁ የሚያበስር ትዕምርተ ድሉ ነበር፡፡

‹ያ ትውልድ!› የአሲምባ ምርኮኛ ነበር፡፡ አሲምባ ከቅድስት ኢየሩሳሌም፣ ከመካ እና መዲና፣ ከሆራ አርሰዲ (ኢሬቻ)፣ ከደብረ ሮሃ አብያተ ክርስቲያን፣ ከሼክ ሁሴን፣ ከግሸን ደብረ ከርቤ፣ ከአርሲዋ እመቤት፣ ከአክሱም ጽዮን ሆነ ሌላ ማናቸውም የተቀደሰ የጸሎት፣ የምስጋናና የቡራኬ ቦታ ሁሉ የላቀ መካነ ቡራኬውና መካነ ክህነቱ ነበር – ‹ለዚያ ትውልድ›፡፡

‹ያ ትውልድ!› አካሉንና ሕይወቱን ለነፃነት ለመገበርና መስዋዕት ለመሆን የማይሳሳ የነፃነት አርበኛ ነበር፡፡ ለሕዝቡ ነፃነት ራሱን አሳልፎ የሰጠ ቆራጥ የነፃነት ተሟጋች ነበር፡፡

– አሰፋ ጉያ ‹‹ሰምና ወርቅ››

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰላማዊ የፖለቲካ ትግልና ፈተናው

የኦሮሞ ነፃነት ግንባር (ኦነግ) የፖለቲካ ኦፊሰር የአቶ በቴ ኡርጌሳን...

አበጀህ ማንዴላ! አበጀሽ ደቡብ አፍሪካ!

በአየለ ት. የፍልስጤም ጉዳይ የዓለም አቀፍ ፖለቲካንም ሆነ የተባበሩት መንግሥታትን...

የውጭ ባለሀብቶች ለኢትዮጵያውያን ብቻ በተፈቀዱ የንግድ ዘርፎች እንዲገቡ የመወሰኑ ፋይዳና ሥጋቶች

ጠቅላይ ሚኒስትር ዓብይ አዓመድ (ዶ/ር) የውጭ ኩባንያዎች በጅምላና ችርቻሮ...