Saturday, April 20, 2024
- Advertisement -
- Advertisement -
ዝንቅያቺን ሟች ቀን

ያቺን ሟች ቀን

ቀን:

(ደበበ ሰይፉ)

ጊዜ ሆይ

ሕያው ጊዜ ሆይ

- Advertisement -

Video from Enat Bank Youtube Channel.

በማይሞተው ገጽህ ላይ

የወጣችን ያቺን ቀን

ያቺን —

የነቀርሳ እባጭ መሳይ

የመርዝ ከረጢት ሥራይ

ሥሯን በርብረህ ንቀል።

ዕጯን ፈልገህ ግደል።

ትብነን

ምትክ አይኑራት አምሳያ፤

ትምከን

ወራሽ አይኑራት ዝርያ፤

የሰውን ልጅ ብሩህ ጉዞ

የሰውን ልጅ ደማቅ ዕጣ

በጥላዋ ሳታዳምን፥ በግንባሯ ሳታነጣ።

በሽሏ ሳትቀጭ ቀርታ

ሰፍታ ከሔደች ደርጅታ

ከፅንሷ ሳትወድቅ ተመታ

ገዝፋ ከመጣች ጎልብታ

የሰዎችን ሕሊና አንቃ

በአጋቦስ እጆች ፈጥርቃ

እኩይ ትዝታን አንቅታ

ትላንት እትራቱን ከፍታ

የተኙ ትሎች አህይውታ

የሰውን ልጅ አንድ ተስፋ አንድ አለኝታ

በቅዠት እንዳትይዘው ተስፋፍታ።

በቅዠት እንዳትይዘው

በቡከንሽልድ መሰል ጎራ

በኦዝቪትዝ እልፍ ኤኬራ።

ጊዜ ሆይ

ሕያው ጊዜ ሆይ

በሻቲላና በሳብራ

የወጣችን ጨረር ፍራ፤

እንደሷም ጽልመት የለ

ብርሃንን ተመስሎ ብርሃንን ያከሰለ።

     በሳብራና በሻቲላ ለወደቁ ፍልስጥኤማውያን

– ደበበ ሰይፉ ‹‹የብርሃን ፍቅር›› (1976)

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰላማዊ የፖለቲካ ትግልና ፈተናው

የኦሮሞ ነፃነት ግንባር (ኦነግ) የፖለቲካ ኦፊሰር የአቶ በቴ ኡርጌሳን...

አበጀህ ማንዴላ! አበጀሽ ደቡብ አፍሪካ!

በአየለ ት. የፍልስጤም ጉዳይ የዓለም አቀፍ ፖለቲካንም ሆነ የተባበሩት መንግሥታትን...

የውጭ ባለሀብቶች ለኢትዮጵያውያን ብቻ በተፈቀዱ የንግድ ዘርፎች እንዲገቡ የመወሰኑ ፋይዳና ሥጋቶች

ጠቅላይ ሚኒስትር ዓብይ አዓመድ (ዶ/ር) የውጭ ኩባንያዎች በጅምላና ችርቻሮ...