Tuesday, July 23, 2024
- Advertisement -
- Advertisement -
ማኅበራዊየቦይንግ 737 ማክስ 8 ሰለባዎች መታሰቢያ

የቦይንግ 737 ማክስ 8 ሰለባዎች መታሰቢያ

ቀን:

ቦይንግ 737 ማክስ 8 ከአዲስ አበባ 62 ኪ.ሜ. በምትርቀዋ ቢሾፍቱ ከተማ አቅራቢያ ተከስክሶ የሁሉን ተሳፋሪዎች ሕይወት የቀጠፈው አደጋ ከተከሰተ እሑድ መጋቢት 1 ቀን 2016 ዓ.ም. አምስት ዓመት ሞላው፡፡

የቦይንግ 737 ማክስ 8 ሰለባዎች መታሰቢያ | Ethiopian Reporter | ሪፖርተር

መጋቢት 1 ቀን 2011 ዓ.ም. በኦሮሚያ ክልል ምሥራቅ ሸዋ ዞን ጊምቢቹ ወረዳ ቱሉፈራ ሀማ ጎሮ ትግሬና ቢሻን ጢኖ ከዲዳ ቀበሌዎች መሃል የተከሰከሰው ቦይንግ 737 ማክስ 8 ከተጎጂ ቤተሰቦች ባለፈ የአካባቢውን ነዋሪዎች ሐዘን ያስቀመጠ እንደነበር ይታወሳል፡፡

ይህንንም ተከትሎ ቦይንግ ኩባንያ በመደበው ‹‹ቦይንግ ኮሙዩኒቲ ኢንቨስትመንት ፈንድ››፣ አደጋው ከደረሰ ከሁለት ዓመታት በኋላ አደጋው በደረሰበት ሥፍራ የተለያዩ የልማት ሥራዎች ተከናውነዋል፡፡

የኢትዮጵያ ካቶሊክ ቤተ ክርስቲያን እንዳስታወቀችው፣ ቦይንግ የልማት ሥራውን በገንዘብ ለመደገፍና የተጎጂ ቤተሰቦችን ለማገዝ በመደበው ፈንድ የሚሠሩ ሥራዎችን ማን ቢሠራ ይሻላል? ብሎ ባቀረበው ጥያቄ መሠረት፣ ከ157ቱ ተጎጂ ቤተሰቦች 18ቱ የካቶሊክ የዕርዳታ ተቋም የሆነውን የካቶሊክ ተራድዖ ድርጅት (ሲአርኤስ) በመምረጣቸው፣ ሥራው በሲአርኤስ በኩል ተከናውኗል፡፡

ለትግበራው አንድ መቶ ሚሊዮን ብር መመደቡን ያስታወቀችው ቤተ ክርስቲያኒቷ፣ ለዚህ የኢትዮጵያ ካቶሊክ ቤተክርስቲያን ማኅበራዊ ልማት ኮሚሽን ኃላፊነቱን በመውሰድ ፕሮጀክቶቹን አጠናቆ የካቲት 28 ቀን 2016 ዓ.ም. ብፁዕ ካርዲናል አቡነ ብርሃነ ኢየሱስ ሊቀ ጳጳሳት ዘካቶሊካውያን፣ ብፁዕ አቡነ ሉቃስ የእምድብር ሀገረ ስብከት ተተኪ ጳጳስና ጥሪ የተደረገላቸው እንግዶች በተገኙበት ከማኅበረሰቡ ጋር አስመርቋል።

ከ14 ሺሕ በላይ የአካባቢው ነዋሪዎችን ተጠቃሚ የሚያደርጉ ሁለት ትምህርት ቤቶች፣ አንድ ዘመናዊ የሕፃናትና እናቶች የጤና ኬላ እንዲሁም ሦስት ከፍተኛ አቅም ያላቸው የመጠጥ ውኃ ማጠራቀሚያዎችና በየቀበሌው የሚያሠራጩ የውኃ ቦኖዎች በፕሮጀክቱ መካተታቸው ተገልጿል፡፡

ኅብረተሰቡ ከፕሮጀክቱ ዕውን መሆን በፊት ከፍተኛ የውኃ ችግር እንደነበረበት፣ ሴቶችና ሕፃናት ሕክምና ለማግኘት ረዥም ርቀት ይጓዙ እንደነበር፣ የተማሪዎች መማሪያ ክፍሎች ያልተሟሉና መሠረታዊ የትምህርት መሣሪያዎች እንዳልነበራቸው በምርቃቱ ወቅት ተነግሯል፡፡

የኢትዮጵያ ካቶሊክ ቤተ ክርስቲያን በኢትዮጵያ በሁሉም ክልሎችና የከተማ መስተዳድሮች በትምህርት፣ በጤና፣ በምግብ ዋስትና፣ በሴቶችና ሕፃናት፣ በስደተኞች፣ ከስደት ተመላሾችና በተያያዥ ዘርፎች ዙሪያ ተሰማርታ ለብዙዎች መድረስ ችላለች።

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...