Wednesday, July 24, 2024
- Advertisement -
- Advertisement -
ማኅበራዊዲላ ዩኒቨርሲቲ በይርጋ ጨፌ ለመገንባት ላሰበው የቡና ምርምር ኢንስቲትዩት መሬት መረከቡ ተሰማ

ዲላ ዩኒቨርሲቲ በይርጋ ጨፌ ለመገንባት ላሰበው የቡና ምርምር ኢንስቲትዩት መሬት መረከቡ ተሰማ

ቀን:

በኢትዮጵያ ቡናን ከታች ጀምሮ በአግባቡ ለመጠቀምና በዘርፉ ላይ ያሉትን ችግሮች ለመፍታት በሁለት ቢሊዮን ብር ወጪ በጌዴኦ ዞን በይርጋ ጨፌ ለመገንባት ላሰበው የቡና ምርምር ኢንስቲትዩት፣ መሬት ከደቡብ ኢትዮጵያ ክልላዊ መንግሥት መረከቡን የዲላ ዩኒቨርሲቲ አስታወቀ፡፡

የዲላ ዩኒቨርሲቲ ፕሬዚዳንት ችሮታው አየለ (ዶ/ር) እንደገለጹት፣ መንግሥት የከፍተኛ ትምህርት ተቋማት በተልዕኮና ለትኩረት መስክ ተለይተው እንዲሠሩ አቅጣጫ አስቀምጧል፡፡ በዚህ መሠረት ዩኒቨርሲቲው የተግባራዊ ሳይንስ ዩኒቨርሲቲ ሆኖ ከመመደቡም ባሻገር፣ በቡና የልህቀት ማዕከል ሆኖ እንዲሠራ አቅጣጫ መቀመጡን ተናግረዋል፡፡

ዲላ ዩኒቨርሲቲ የቡና ምርምር ማዕከል አቋቁሞ ላለፉት ስድስት ዓመታት የተለያዩ ተግባራትን ሲያከናወን መቆየቱን ገልጸው፣ ቡና በትምህርትና ለመደገፍ አጫጭር ሥልጠናዎችን እንዲሁም የድኅረ ምረቃ ዲፕሎማ ሥልጠና በመስጠት ላይ እንደሚገኝ ተናግረዋል፡፡

ከዚህ በተጨማሪም ከ2015 ዓ.ም. ጀምሮ የቡና ሳይንስና ኢኮኖሚክስ በሁለተኛ ዲግሪ ሥልጠና በመስጠት ላይ እንደሚገኝ ያስረዱት ፕሬዚዳንቱ፣ የቡና ምርጥ ዘር ችግኞችን በማዘጋጀት ለአርሶ አደሩ በማሠራጨት፣ ሥልጠና በመስጠትና የቴክኖሎጂ የሽግግር ሥራዎችን በማከናወን በቡና ዘርፍ ውጤት ለማምጣት ጥረት እያደረገ መሆኑን ገልጸዋል፡፡

በአሁኑ ወቅት ከተለያዩ ባለድርሻ አካላት ጋር በመተባበር በይርጋ ጨፌ ከተማ፣ ‹‹የይርጋ ጨፌ የቡና ምርምር ሥልጠና ማዕከል›› ለማቋቋም ከክልሉ መንግሥት ቦታ መረከባቸውን ጠቁመዋል፡፡ 

የማዕከሉ የምሥረታ ሰነድ በዩኒቨርሲቲው ሥራ አመራር ቦርድ ፀድቆ በትምህርት ሚኒስቴር ዕውቅና ለፕላንና ልማት ሚኒስቴር ተልኮ፣ የፕሮጀክቱ ፈቃድ በመጠባበቅ ላይ እንደሚገኝ አብራርተዋል፡፡

በዚህም መሠረት የማዕከሉ ግንባታ ከግል ዘርፍና ከሌሎች ባለድርሻ አካላት ጋር በመሆን ለመገንባት የገቢ ማሰባሰቢያ መርሐ ግብር እየተደረገ መሆኑን፣ ለግንባታውም የሚሆነውን 15 ሔክታር መሬት መረከባቸውን አክለው ገልጸዋል፡፡

ኢትዮጵያ የዓረቢካ ቡና መገኛ ብቻ ሳትሆን አሥር ሚሊዮን ያህል ዜጎች በቀጥታም ሆነ በተዘዋዋሪ ከቡና ተጠቃሚ መሆናቸውን፣ ቡና ከፍተኛ የውጭ ምንዛሪ ለአገሪቱ የሚያስገኝ ሰፊ ማኅበራዊ ጠቀሜታ ያለው ዘርፍ እንደሆነ አስታውሰዋል፡፡

ይሁን እንጂ ከዚህ ወሳኝ የቡና ዘርፍ ኢትዮጵያ ማግኘት የሚገባትን ኢኮኖሚዊና ማኅበራዊ ጥቅም አግኝታለች ብሎ ለመናገር እንደማያስደፍርና ዘርፉ ውስጥ በርካታ ችግሮች እንዳሉ ገልጸዋል፡፡

በተለይ በቡና ዘርፉ የምርታማነትና የገበያ ሥርዓት ችግሮችን በዋናነት መጥቀስ እንደሚቻል ገልጸው፣ ችግሮቹን ለመፍታት ጅምርና አበረታች ሥራዎች ቢኖሩም፣ ሰፊ ጥረትና የባለድርሻ አካላት ቅንጅት ያስፈልጋል ብለዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

“ከሁለት ሳምንት በፊት ወደ ኤርትራ የማደርገውን በረራ እንዳሳድግ ተጠይቄ ነበር” የኢትዮጵያ አየር መንገድ

ኢትዮጵያ አየር መንገድ ወደ ኤርትራ የሚያደርገውን በረራ እንዲያሳድግ የሚጠይቅ...
00:06:46

የኤርትራ አቪዬሽን ባለሥልጣን የኢትዮጵያ አየር መንገድ በረራዎችን ማገዱን አስታወቀ

የኢትዮጵያ ሲቪል አቪዬሽን ባለሥልጣን ጉዳዩን እያጣራሁ ነው ብሏል በኤርትራ ትራንስፖርትና...

[ክቡር ሚኒስትሩ ከተቋሙ የሠራተኞች ማኅበር አመራር ጋር እየተወያዩ ነው]

ጤና ይስጥልኝ ክቡር ሚኒስትር? ሰላም! በአስቸኳይ እንደፈለጉኝ መልዕክት ደርሶኝ ነው የመጣሁት። አዎ።...

የሱዳን ጦርነትና የኢትዮጵያ ሥጋት

የሱዳን ጦርነት ከጀመረ አንድ ዓመት ከአራት ወራት አስቆጠረ፡፡ ጦርነቱ...