Monday, May 20, 2024
- Advertisement -
- Advertisement -

ማኅበራዊበሴቶች ቀን ለሴቶች የቀረበው ‹‹ዕንቁ›› የብድር አገልግሎት

በሴቶች ቀን ለሴቶች የቀረበው ‹‹ዕንቁ›› የብድር አገልግሎት

ቀን:

አሚጎስ የገንዘብ ቁጠባና ብድር ኅብረት ሥራ ማኅበር የሴቶችን ኢኮኖሚያዊ ተጠቃሚነት ለማጉልበት የበኩሉን አስተዋጽኦ ያደርጋል ያለውን፣ ‹‹ዕንቁ›› የሴቶች የብድር አገልግሎት በዓለም አቀፉ የሴቶች ቀን ‹‹ማርች 8›› (የካቲት 29 ቀን 2016 ዓ.ም.) ይፋ አድርጓል፡፡

‹‹ዕንቁ›› ሴቶች ብቻ የብድር አገልግሎት የሚያገኙበት መድረክም፣ መደበኛ ተበዳሪዎች ከሚጣልባቸው ወለድም ሆነ ብድር ከሚያገኙበት የቆይታ ጊዜ በተለየ መልኩ ዝቅ መደረጉን የማኅበሩ መሥራችና ሥራ አስኪያጅ አቶ ፍፁም አብርሃ ተናግረዋል፡፡

‹‹ዕንቁ›› ከዚህ ቀደም መደበኛ ተበዳሪዎች 50 በመቶ ተቀማጭ አድርገው የሚያገኙት ብድር ለሴቶች በ45 በመቶ ተቀማጭ፣ 30 የነበረው በ25 በመቶና 40 የነበረው በ35 በመቶ ተቀማጭ ብድር የሚያገኙበትን ዕድል ሰጥቷል፡፡

- Advertisement -

እንደ ብድሩ ዓይነትም፣ መደበኛ ተበዳሪ ባመለከተ በ30 ቀናት የሚያገኘው ብድር፣ ለሴቶች በ21 ቀናት፣ በ60 ቀናት የነበረው ለሴቶች በ45 ቀናት፣ 90 ቀናት ይጠበቅ የነበረው ለሴቶች 60 ቀናት ብቻ ጠብቀው ብድር የሚያገኙበትም ነው፡፡

በ‹‹ዕንቁ›› የወለድ ቅናሽ ለሴቶች የተደረገ ሲሆን፣ በዘጠኝ ወራት ለሚዘጋ ብድር ለመደበኛ ዘጠኝ በመቶ የነበረው የወለድ ምጣኔ ለሴቶች በስምንት በመቶ፣ 13 በመቶ የነበረውን 12 በመቶ፣ የወለድ ጣሪያ 15 በመቶ የነበረው ለሴቶች 14 በመቶ ሆኗል፡፡

የብድር አገልግሎቱ ለአባላትም ሆነ አዲስ አባል ለመሆን ለሚመጣ ሰው የሚሰጥ መሆኑንም፣ በማኅበሩ የአባላት አገልግሎት ሠራተኛዋ ሰምሃል የኋላሸት ለሪፖርተር ገልጻለች፡፡

አቶ ፍፁም እንደሚሉት፣ 11 ዓመት ያስቆጠረው ማኅበራቸው ካሉት ሠራተኞች 51 በመቶ እንዲሁም አጠቃላይ ከማኅበሩ አባላትም 40 በመቶ ያህሉ ሴቶች ናቸው፡፡

አሚጎስ ከተመሠረተ ከ11 ዓመታት ወዲህ አራት ቢሊዮን ብር ያበደረ ሲሆን፣ በእነዚህ ጊዜያት ሴቶች 1.6 ቢሊዮን ብር መበደራቸውንና፣ ብድራቸውንም በመክፈል ምንም ዓይነት ክፍተት ሳይፈጥሩ መቆየታቸውን ያክላሉ፡፡

‹‹ዕንቁ›› ከተለመደው የማኅበሩ የብድር አገልግሎት የተለየና ለሴቶች ብቻ የተዘጋጀ ሲሆን፣ ሴቶችን ለማብረታታት ተብሎ የተዘጋጀም ነው፡፡

አሚጎስ በመደበኛ የብድር አገልግሎቱ እስከ 12 ሚሊዮን ብር ድረስ የሚያበድር ሲሆን፣ በ‹‹ዕንቁ›› የሴቶች የብድር አገልግሎትም ይህ ተግባራዊ ይሆናል፡፡

ከሰባት ሺሕ በላይ አባላት ያሉት አሚጎስ፣ ሀብቱ ሁለት ቢሊዮን ብር መሻገሩን አቶ ፍፁም ተናግረዋል፡፡

ከየካቲት 22 እስከ መጋቢት 6 ቀን 2016 ዓ.ም. ድረስ የሚቆየው ልዩ የ‹‹ዕንቁ›› የብድር አገልግሎት፣ የሴት ተበዳሪዎች አቅም ታይቶ ሊቀጥል የሚችልበት ሁኔታ መኖሩን ሰምተናል፡፡    

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

በሥጋ ላይ አላግባብ እየተጨመረ ያለውን ዋጋ መንግሥት ሊቆጣጠረው ይገባል

በአገራችን የግብይት ሥርዓት ውስጥ ኢኮኖሚያዊ ያልሆኑ ወይም ያልተገቡ የዋጋ...

ኢትዮጵያን የተባበረ ክንድ እንጂ የተናጠል ጥረት አይታደጋትም!

ኢትዮጵያ በአሁኑ ጊዜ ከምትገኝበት ውጥንቅጥ ውስጥ የምትወጣበት ዕድል ማግኘት...

የፖለቲካ ቅኝቱ የሕዝባችንን ታሪካዊ ትስስር ለምን አያከብርም?

በንጉሥ ወዳጅነው የዓብይ አህመድ (ዶ/ር) መራሹ የ2010 ዓ.ም. የለውጥ መንግሥት...

ዛሬም ኧረ በሕግ!

በገነት ዓለሙ በዚህ በያዝነው ሚያዝያ/ግንቦት ወይም ሜይ ወር ውስጥ የተከበረው፣...