Monday, May 20, 2024
- Advertisement -
- Advertisement -

ማኅበራዊየትምህርት ማስረጃ ማረጋገጫ መመርያ ፀድቆ ሥራ ላይ ዋለ

የትምህርት ማስረጃ ማረጋገጫ መመርያ ፀድቆ ሥራ ላይ ዋለ

ቀን:

የትምህርት ሚኒስቴር  ‹‹ለትምህርት ማስረጃ ማረጋገጥና ለአቻ ግመታ›› የወጣ መመርያ ፀድቆ ሥራ ላይ መዋሉን አስታወቀ፡፡

የትምህርት ሚኒስቴር  የካቲት 20 ቀን 2016 ዓ.ም. በትምህርት ሚኒስትሩ  ብርሃኑ ነጋ (ፕሮፌሰር) ፊርማ ለትምህርትና ሥልጠና ባለሥልጣን በላከው የመሸኛ  ደብዳቤ እንዳስታወቀው፣ መመርያው በፍትሕ ሚኒስቴር ተመዝግቦ በትምህርት ሚኒስትር ድረ ገጽ ከተጫነበት ቀን ጀምሮ ሥራ ላይ ይውላል፡፡ መመርያው ሥራ ላይ ከዋለ አንድ ሳምንት እንደሞላው ለማወቅ ተችሏል፡፡

ሪፖርተር የደረሰው ‹‹የትምህርት ማስረጃ ማረጋገጫና የአቻ ግመታ›› መመርያ ሰነድ እንደሚያብራራው፣ መመርያው የአስፈጻሚ አካላትን ሥልጣንና ተግባር ለመወሰን የሚያገለግል ነው፡፡

- Advertisement -

የትምህረት ማስረጃ ለማረጋገጥ መሟላት ካለባቸው ቅድመ ሁኔታዎች መካከል፣ የሚረጋገጠው ማስረጃ ትምህርት ማጠናቀቁን ለማረጋገጥ የተጠየቀበት ማመልከቻ፣ አመልካች አስፈላጊ መረጃዎች በባለሥልጣን መሥሪያ ቤቱ የመረጃ ቋት ውስጥ አስቀድሞ ማስመዝገብን፣ እንዲሁም የከፍተኛ ትምህርት የመግቢያ ሰርተፊኬት መቅረብ እንደሚኖርበት ሰነዱ ይገልጻል፡፡

የመጀመሪያ ዲግሪ የትምህርት ማስረጃ ለማጣራት መሟላት ካለባቸው ሕጋዊ ሰነዶች መካከል የመጀመሪያ ዲግሪ ትራንስክሪፕት፣ የከፍተኛ ትምህርት የመግቢያ መቁረጫ ነጥብ መግለጫ ሰርተፊኬትና የዲፕሎማ ትራንስክሪፕት ናቸው፡፡ በባለሥልጣኑ ዕውቅና ከተዘጋ ተቋም የተዘዋወሩ ተማሪዎች የትምህርት ማስረጃቸው ተቀባይነት እንደማያገኝ ሰነዱ ያብራራል፡፡

ተማሪው በራሱ ፈቃድ ወደ ሌላ ተቋም ከተዘዋወረና ለመመረቅ ከሚያበቃው አጠቃላይ ክሬዲት አወር ውስጥ ከ50 በመቶ በላይ ከሚያስመርቀው ተቋም የተማረ ከሆነ፣ የትምህርት ማስረጃው ተቀባይነት እንደሚኖረው ሰነዱ ያስረዳል፡፡

የድኅረ ምረቃ ዲግሪ የትምህርት ማስረጃ ለማረጋገጥ መሟላት ካለባቸው ሕጋዊ ሰነዶች መካከል የሁለተኛ ዲግሪ የምስክር ወረቀት፣ የመመረቂያ ጽሑፍ፣ የመጀመሪያ ዲግሪ ትራንስክሪፕትና ሌሎችም ይጠቀሳሉ፡፡

በድንበር ተሻጋሪ የተገኘ የትምህርት ማስረጃን ለማረጋገጥ ትክክለኛነቱ የተረጋገጠ ኦርጅናል የትምህርት ማስረጃ፣ እንዲሁም በተለያዩ የትምህርት ዘመኖች ለተመረቁ በወቅቱ ባለው የትምህርት ሥርዓት መሠረት የተቀመጡ የተለያዩ መሥፈርቶች መኖራቸውን ሰነዱ ያሳያል፡፡

በመመርያው ላይ የሃይማኖት ነክ ተመራቂዎች የትምህርት ማስረጃ የምዘና አገልግሎት እንደማያገኙ ይገልጻል፡፡

የምዘና አገልግሎት ምስክር ወረቀት የጠፋበት ግለሰብ ሁሉንም መሥፈርቶች በድጋሚ በማሟላት ምትክ የምዘና ምስክር ወረቀት እንደሚሰጠው ይገልጻል፡፡

በተሳሳተ ውሳኔ ወይም በሌላ ባልተገባ ሁኔታ የምዘና ሰርተፊኬት ከተሰጠ፣ ባለሥልጣኑ የምዘናውን ሰርተፊኬት የመሻር ወይም ውድቅ የማድረግ ሥልጣን እንደሚኖረው ያብራራል፡፡

የምዘና ሰርተፊኬቱ ለባለጉዳዩ የተሰጠው ከተሳሳተ ምዘና በመነጨ ውሳኔ ከሆነ፣ ተገቢው ማሰተካከያ ተደርጎ ምትክ የምስክር ወረቀት መስጠት እንደሚቻል ይገልጻል፡፡

በአሁኑ ወቅት ተግባራዊ የሆነውን መመርያው አስፈላጊ ሆኖ ሲገኝ፣ የትምህርት ሚኒስቴር  በማንኛውም ጊዜ ሊያሻሽለው እንደሚችል በመመርያው ውስጥ ተካቷል፡፡

የትምህርት ሚኒስቴር ከላይ ከተጠቀሰው መመርያ በተጨማሪ የከፍተኛ ትምህርት ተቋማት የፕሮግራም ዕውቅና መመርያ፣ የከፍተኛ ትምህርትና የቴክኒክና ሙያ ሥልጠና ዘርፍ የክትትልና የቁጥጥር መመርያ፣ የከፍተኛ ትምህርትና የቴክኒክና ሙያ ሥልጠና ዘርፍ ፈቃድና ዕድሳት አሰጣጥ መመርያ፣ በፍትሕ ሚኒስቴር ተመዝግበው ቁጥር እንደተሰጣቸው በመግለጽ ሥራ ላይ መዋላቸውን አስታውቋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

በሥጋ ላይ አላግባብ እየተጨመረ ያለውን ዋጋ መንግሥት ሊቆጣጠረው ይገባል

በአገራችን የግብይት ሥርዓት ውስጥ ኢኮኖሚያዊ ያልሆኑ ወይም ያልተገቡ የዋጋ...

ኢትዮጵያን የተባበረ ክንድ እንጂ የተናጠል ጥረት አይታደጋትም!

ኢትዮጵያ በአሁኑ ጊዜ ከምትገኝበት ውጥንቅጥ ውስጥ የምትወጣበት ዕድል ማግኘት...

የፖለቲካ ቅኝቱ የሕዝባችንን ታሪካዊ ትስስር ለምን አያከብርም?

በንጉሥ ወዳጅነው የዓብይ አህመድ (ዶ/ር) መራሹ የ2010 ዓ.ም. የለውጥ መንግሥት...

ዛሬም ኧረ በሕግ!

በገነት ዓለሙ በዚህ በያዝነው ሚያዝያ/ግንቦት ወይም ሜይ ወር ውስጥ የተከበረው፣...