Saturday, May 18, 2024
- Advertisement -
- Advertisement -

ዜናየጥላቻ ንግግርና የውሸት ዘገባን ለማስቀረት ዘላቂነት ያለው ሥልጠና እየተሰጠ መሆኑ ተገለጸ

የጥላቻ ንግግርና የውሸት ዘገባን ለማስቀረት ዘላቂነት ያለው ሥልጠና እየተሰጠ መሆኑ ተገለጸ

ቀን:

የመገናኛ ብዙኃን ተቋማት ከጥላቻ ንግግርና ከውሸት የፀዳ ዘገባ እንዲሠሩ ለማድረግ፣ ዘላቂነት ያለው የሥልጠና ክህሎት እየሰጠ መሆኑን፣ የኢትዮጵያ የመገናኛ ብዙኃን ምክር ቤት አስታወቀ፡፡

ምክር ቤቱ ይህንን ያስታወቀው በአዲስ መልክ ያሳደሰውን ቢሮ በኢትዮጵያ የፈረንሣይ አምባሳደር፣ የምክር ቤቱ አባላትና ሌሎች አጋር ድርጅቶች በተገኙበት ሐሙስ የካቲት 21 ቀን 2016 ዓ.ም. ባስመረቀበት ወቅት ነው፡፡

የምክር ቤቱ ሰብሳቢ አቶ አማረ አረጋዊ የጥላቻ ንግግርና የውሸት ዘገባን ለማስቀረት ምክር ቤቱ ዘላቂነት ያለው የሥልጠናና ክህሎት መስጠት ጀምሯል ብለዋል፡፡

- Advertisement -

የኢትዮጵያ የመገናኛ ብዙኃን ምክር ቤት የተቋቋመበት ዋና ዓላማ፣ የመገናኛ ብዙኃን ተቋሞች ከወገንተኝነት በመፅዳት ሐሳባቸው በነፃነት የሚገልጹበትን ሁኔታ ለመፍጠር እንደሆነ ገልጸዋል፡፡

ከዚህ በፊት መንግሥት ሚዲያን ለመቆጣጠር ረቂቅ አዋጅ ማውጣቱን ያስታወሱት ሰብሳቢው፣ መንግሥት ያወጣውን ረቂቅ አዋጅ በመሞገት ‹‹ሚዲያው ራሱ በራሱ ይቆጣጠር›› የሚለውን ሐሳብ በማቅረብ ምክር ቤቱ ሊቋቋም መቻሉን አስረድተዋል፡፡

ምክር ቤቱም በ2008 ዓ.ም. ከውጭ አገር ባለሙያ በማምጣትና ዓለም አቀፍ የሚዲያ ካውንስል ሕግ በማስፀደቅ ሊቋቋም መቻሉን፣ ነገር ግን አንዳንድ ሕጎች መሻሻል ስለነበረባቸው፣ በ2011 ዓ.ም. ሙሉ ለሙሉ ሕጋዊ ፈቃድ ማግኘቱን አስታውሰዋል፡፡

ምክር ቤቱም ሲቋቋም 19 አባል ድርጅቶች እንደነበሩት፣ በአሁኑ ወቅት ምክር ራሱን በማሳደግ 82 አባል ድርጅቶች አቅፎ በመንቀሳቀስ ላይ መሆኑን አብራርተዋል፡፡

በዚህ መሠረት በምክር ቤቱ አባል መሆን የሚችለው ሕጋዊ ፈቃድ ያለው ድርጅት (የሚዲያ ተቋም) መሆኑን ጠቅሰው፣ አባላቱም ሁለት ጉዳዮችን ማሟላት እንደሚኖርባቸው ተናግረዋል፡፡

የኢትዮጵያ የመገናኛ ብዙኃን ምክር ቤት ሦስት አካላት እንዳሉት ገልጸው፣ አንደኛው ሥራ አስፈጻሚ፣ ጉባዔ መሪና የግልግል ዳኝነትን የሚመሩ መሆናቸውን ገልጸዋል፡፡

የመገናኛ ብዙኃን ባለሥልጣን ምክትል ዋና ዳይሬክተር አቶ ግዛው ተስፋዬ እንደገለጹት፣ መገናኛ ብዙኃንና ጋዜጠኞች ሥነ ምግባር አክብረው እንዲሠሩ በማድረግ ረገድ ምክር ቤቱ የበኩለን እየተወጣ ነው፡፡

ከማኅበረሰቡም ሚዲያውን የሚመለከቱም ሆነ የማይመለከቱ ጉዳዮች ለባለሥልጣኑ በቅሬታ መልክ እንደሚቀርብ ገልጸው፣ በቀን 50 ያህል ቅሬታዎች በአጭር የስልክ ቁጥር እንደሚቀርብ አስረድተዋል፡፡

በፌዴራል ቤቶች ኮርፖሬሽን የተሰጠውን ቢሮ ምክር ቤቱ ሲያሳድስ የፈንረሣይ ኤምባሲ፣ ኢቢኤስ ቴሌቪዥንና ሌሎች ተቋማት የገንዘብ ድጋፍ ማድረጋቸቸው ተገልጿል፡፡

ድጋፉን ለሰጡ ተቋማት ምክር ቤቱ የምሥጋና የምስክር ወረቀት የሰጠ ሲሆን፣ በተለይ የፈረንሣይ ኤምባሲ ከፍተኛ ድጋፍ ማድረጉ ተገልጿል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ