Tuesday, May 21, 2024
- Advertisement -
- Advertisement -

ማኅበራዊኢትዮጵያን ጨምሮ በ27 የአፍሪካ አገሮች የሚተገበር ‹‹ረሃብ ይብቃ!›› ፕሮጀክት ይፋ ሆነ

ኢትዮጵያን ጨምሮ በ27 የአፍሪካ አገሮች የሚተገበር ‹‹ረሃብ ይብቃ!›› ፕሮጀክት ይፋ ሆነ

ቀን:

በአፍሪካ የሕፃናት ረሃብንና የተመጣጠነ ምግብ እጥረትን ለመቅረፍ ያስችላል የተባለው ‹‹በምግብ ዕጦትና በተመጣጠነ የምግብ እጥረት የሚሰቃዩ የአፍሪካውያን ሕፃናት ረሃብ ይብቃ!›› ፕሮጀክት፣ ኢትዮጵያን ጨምሮ በ27 የአፍሪካ አገሮች ሊተገበር ነው፡፡

ወርልድ ቪዥን ኢንተርናሽናል የሦስት ዓመታት ፕሮጀክቱን የካቲት 13 ቀን 2016 ዓ.ም. ይፋ ሲያደርግ እንደተገለጸው፣ ፕሮጀክቱ የሚተገበረው በወርልድ ቪዥን አስተባባሪነት የተለያዩ ለጋሽ ድርጅቶቻችንና የመንግሥታትን አቅም በማሰባሰብ ነው፡፡

‹‹በቂ የሆኑ ችግሮችን አይተናል፣ በቂ የሆኑ ተግዳሮቶች ገጥመውናል፡፡ ከዚህ በኋላ ሊቆሙ ይገባል›› በማለት የሕፃናት ረሃብንና የተመጣጠነ የምግብ እጥረትን ለመቅረፍ ያለመው አኅጉር አቀፍ ፕሮጀክት አስፈላነትን የሴቶችና ማኅበራዊ ጉዳይ ሚኒስትር ኤርጎጌ ተስፋዬ (ዶ/ር) ተናግረዋል፡፡ በአኅጉሪቱ ያሉትን በቂ የተፈጥሮ ሀብቶች በመጠቀም ችግሮችን መፍታት እንደሚገባም አክለዋል፡፡

- Advertisement -

‹‹ይብቃ!›› (Enogh) በሚል መሪ ቃል ለቀጣዩቹ ሦስት ዓመታት ለመተግበር በይፋ የተጀመረው ፕሮጀክት፣ በአኅጉሪቱ በረሃብ የሚሰቃዩ ሕፃናትን እንደሚታደግ ተነግሯል፡፡

‹‹የሕፃናት ረሃብና ያልተመጣጠነ ምግብ እጥረት በቃ!›› በሚል የተጀመረው ዘመቻ፣ በዋናነት ሕፃናት ላይ ትኩረት እንደሚያደርግ የተናገሩት፣ በወርልድ ቪዥን ኢንተርናሽናል የምሥራቅ አፍሪካ ዳይሬክተር ሊለን ዶድዞ ናቸው፡፡

ረሃብና የተመጣጠነ ምግብ እጥረት በአፍሪካ አሳሳቢ ደረጃ ላይ መድረሱን የተናገሩት ዳይሬክተሯ፣ ለፕሮጀክቱ ትግበራ 1.7 ቢሊዮን ዶላር መመደቡን ገልጸዋል፡፡

በአኅጉሪቱ በሚከሰቱ ጦርነቶች፣ በድርቅና በአየር ንብረት መዛባትና በመሳሰሉት ሰው ሠራሽና ተፈጥሯዊ በሆኑ ችግሮች 342 ሚሊዮን የአኅጉሪቱ ሕዝቦች የምግብ ዋስትናቸውን ማረጋገጥ እንዳልቻሉ ወ/ሮ ሊለን ተናግረዋል፡፡

በአፍሪካ የተመጣጠነ የምግብ አቅርቦት ከማያገኙ 278 ሚሊዮን የኅብረተሰብ ክፍሎች 55 ሚሊዮን ገደማዎቹ ዕድሜያቸው ከአምስት ዓመት በታች የሆኑ ሕፃናት መሆናቸውን ጠቁመዋል፡፡

በዓለም አቀፍ ደረጃ ወደ 148.1 ሚሊዮን የሚጠጉ ዕድሜያቸው ከአምስት ዓመት በታች የሆኑ ሕፃናት በረሃብ ውስጥ የሚገኙ ናቸው የተባለ ሲሆን፣ ከእነዚህ ውስጥ 44.1 ሚሊዮን የሚሆኑት በአፍሪካ ውስጥ እንደሚገኙ ተነግሯል፡፡

ወርልድ ቪዥን ኢትዮጵያ ከስድስት ሚሊዮን በላይ የሚሆኑ በረሃብና በተመጣጠነ ምግብ የተጎዱ ሕፃናትን ለመርዳት የሦስት ዓመት ፕሮጀክት ይፋ ማድረጉንና ለፕሮጀክቱ ትግበራም 9.4 ሚሊዮን ዶላር እንደተመደበ ሪፖርተር ከዚህ በፊት መዘገቡ ይታወሳል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

በሥጋ ላይ አላግባብ እየተጨመረ ያለውን ዋጋ መንግሥት ሊቆጣጠረው ይገባል

በአገራችን የግብይት ሥርዓት ውስጥ ኢኮኖሚያዊ ያልሆኑ ወይም ያልተገቡ የዋጋ...

ኢትዮጵያን የተባበረ ክንድ እንጂ የተናጠል ጥረት አይታደጋትም!

ኢትዮጵያ በአሁኑ ጊዜ ከምትገኝበት ውጥንቅጥ ውስጥ የምትወጣበት ዕድል ማግኘት...

የፖለቲካ ቅኝቱ የሕዝባችንን ታሪካዊ ትስስር ለምን አያከብርም?

በንጉሥ ወዳጅነው የዓብይ አህመድ (ዶ/ር) መራሹ የ2010 ዓ.ም. የለውጥ መንግሥት...

ዛሬም ኧረ በሕግ!

በገነት ዓለሙ በዚህ በያዝነው ሚያዝያ/ግንቦት ወይም ሜይ ወር ውስጥ የተከበረው፣...