Monday, May 27, 2024
- Advertisement -
- Advertisement -

ስፖርትየምሥራቅ አፍሪካ አገሮች ለሚካፈሉበት የከንቲባ ዋንጫ ለዋሊያዎቹ ጥሪ ተደረገ

የምሥራቅ አፍሪካ አገሮች ለሚካፈሉበት የከንቲባ ዋንጫ ለዋሊያዎቹ ጥሪ ተደረገ

ቀን:

ሰው ሠራሽ ሳር በቅርቡ በተነጠፈለት የድሬዳዋ ስታዲየም በሚከናወነው ‹‹የከንቲባ ዋንጫ›› ለሚካፈለው የኢትዮጵያ ብሔራዊ ቡድን (ዋሊያዎቹ) ተጫዋቾች ጥሪ ቀረበ። አሠልጣኝ ገብረ መድኅን ኃይሌ ለ30 ተጫዋቾች ጥሪ አቅርበዋል።

ከአይቮሪኮስቱ አፍሪካ ዋንጫ የምድብ ጨዋታ በኋላ ወደ ኢትዮጵያ ፕሪምየር ሊግ የተመለሰው የዋሊያዎቹ ስብስብ፣ በድሬ ዋንጫ ለመሳተፍ ዝግጅት ያደርጋል። በዚህም መሠረት ተጫዋቾቹ ከየካቲት 13 ቀን ጀምሮ ወደ ተዘጋጀላቸው ሆቴል ገብተው ሪፖርት እንዲያደርጉ የኢትዮጵያ እግር ኳስ ፌዴሬሽኑ ጠርቷል።

ብሔራዊ ፌዴሬሽኑ በውድድሩ የሚሳተፉ ተጫዋቾች በአመዛኙ  በአዳዲስ ተጫዋቾች የሚካተቱበት መሆኑን ገልጿል።

- Advertisement -

የድሬዳዋ ስታዲየም ዕድሳት መጠናቀቁን ተከትሎ በሚኖረው የምረቃ መርሐ ግብር፣ የምሥራቅ አፍሪካ አገሮች የሚሳተፉበት ‹‹የከንቲባ ዋንጫ›› ኢትዮጵያን ጨምሮ  የኬንያ፣ ጂቡቲና ሩዋንዳ  ብሔራዊ ቡድኖች እንደሚሳተፉ ማረጋገጫ መላካቸውም ተገልጿል፡፡

ጨዋታውም የስታዲየሙን ጥራትና ደረጃ ለመገምገም ከማስቻሉም ባለፈ ብሔራዊ ቡድኖቹ ያሉበትን ደረጃ ለመገምገም ዕድል ይፈጥርላቸዋል ተብሏል። የድሬዳዋ ስታዲየም ሜዳ በዓለም አቀፍ ደረጃ ከሚገኙ ከተወሰኑ የሻምፒዮንስ ሊግ ሜዳዎች ጋር ተመጣጣኝ እንደሆነ፣ ለጨዋታም ምቹ መሆኑንም በፊፋ ዕውቅና ያገኙ  ባለሙያዎች በድሬዳዋ ተገኝተው ማረጋገጣችው ይታወሳል። 

ሆኖም ስታዲየሙ ሙሉ በሙሉ ዕድሳት ተደርጎለት ባለመጠናቀቁ፣ በካፍም ሆነ በፊፋ በዝርዝር የተቀመጡ መሥፈርቶች ማሟላት ሲችል ዕውቅና የሚያገኝ ይሆናል፡፡

ከስታዲየም ሳር ተከላው ባሻገር የመልበሻ ክፍል፣ ቪአይፒ፣ የሚዲያ ክፍል፣ መፀዳጃ ክፍሎች ሲጠናቀቁ፣ ለ20,000 ተመልካች የሚሆኑ ወንበሮችም ተተክለዋል፡፡ ስታዲየሙ ሁለት አሳንሰሮች የተገጠሙለት ሲሆን፣ የተቀያሪ ተጫዋቾች የሚቀመጡበት ወንበር ከውጭ እየገባ እንደሆነ ተጠቅሷል፡፡

በሌላ በኩል በአዳማ ሲከናወን የሰነበተው የኢትዮጵያ ፕሪሚየር ሊግ ውድድር ቀጣይ ማረፊያውን ድሬዳዋ ማድረጉ ታውቋል።

በሌላ ዜና በ2025 በሞሮኮ አስተናጋጅነት በሚከናወነው የአፍሪካ ዋንጫ (ይሄ ዘገባ እስከተጠናከረበት ጊዜ) የቋት ድልድል ታውቋል። በዚህም መሠረት በቋት ስምንት ኢትዮጵያ ከናይጄሪያ፣ ጋቦን፣ ሊቢያና ላይቤሪያ ብሔራዊ ቡድኖች ጋር ተደልድላለች።

በዚህም መሠረት የአፍሪካ እግር ኳስ ኮንፌዴሬሽን (ካፍ) ይፋ የሚያደርገው የምድብ ድልድል ተከትሎ፣ የመጀመሪያ የማጣሪያ ጨዋታ ከመጋቢት 9 እስከ 17 ቀን 2016  ዓ.ም እንደሚደረግ ይፋ ሆኗል።  

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የፋይናንስ ኢንዱስትሪው ለውጭ ባንኮች መከፈት አገር በቀል ባንኮችን ለምን አስፈራቸው?

የማይረጥቡ ዓሳዎች የፋይናንስ ተቋማት መሪዎች ሙግት ሲሞገት! - በአመሐ...

የምርጫ 97 ትውስታ!

በበቀለ ሹሜ      መሰናዶ ኢሕአዴግ ተሰነጣጥቆ ከመወገድ ከተረፈ በኋላ፣ አገዛዙን ከማሻሻልና...

ሸማቾች የሚሰቃዩት በዋጋ ንረት ብቻ አይደለም!

የሸማች ችግር ብዙ ነው፡፡ ሸማቾች የሚፈተኑት ባልተገባ የዋጋ ጭማሪ...

መንግሥት ከለጋሽ አካላት ሀብት ለማግኘት የጀመረውን ድርድር አጠናክሮ እንዲቀጥል ፓርላማው አሳሰበ

የሦስት ዩኒቨርሲቲዎች ፕሬዚዳንቶች በኦዲት ግኝት ከኃላፊነታቸው መነሳታቸው ተገልጿል አዲስ አበባ...