Saturday, May 18, 2024
- Advertisement -
- Advertisement -

ዜና‹‹ወጣት ኢትዮጵያውያን ለሰላም ግንባታ እንጂ ለጦርነት እንዲመለመሉ አንፈልግም›› ናታሊያ ካኔም፣ የተመድ የሥነ...

‹‹ወጣት ኢትዮጵያውያን ለሰላም ግንባታ እንጂ ለጦርነት እንዲመለመሉ አንፈልግም›› ናታሊያ ካኔም፣ የተመድ የሥነ ሕዝብ ፈንድ ዋና ዳይሬክተር

ቀን:

‹‹ወጣት ኢትዮጵያውያን ሰላምን ለማረጋገጥ ቁልፍ ሚና እንዲጫወቱ እንጂ ለግጭት እንዲመለመሉ አንፈልግም፤›› ሲሉ የተባበሩት መንግሥታት ድርጅት (ተመድ) የሥነ ሕዝብ ፈንድ ዋና ዳይሬክተር ናታሊያ ካኔም (ዶ/ር) ገለጹ፡፡

ሰሞኑን በአዲስ አበባ የተካሄደውን የአፍሪካ ኅብረት የመሪዎች ጉባዔ ለመሳተፍ ወደ ኢትዮጵያ የመጡት ዋና ዳይሬክተሯ፣ የነበራቸውን ጉብኝትና ስብሰባ ሲያጠናቅቁ ድርጅቱ በኢትዮጵያ እያደረገ ያለውን ድጋፍ በተመለከተ ጋዜጣዊ መግለጫ ሰጥተዋል፡፡

በመግለጫቸው ድርጅታቸው የሚያምነው የኢትዮጵያ ወጣቶች ሚና ሰላምን ማምጣት፣ በማኅበረሰቡ ውስጥ በሚሰጡት አመራርና ለሰላም ባላቸው ተስፋ ብቻ መታየት እንዳለበት ነው ብለዋል፡፡ ‹‹አፍሪካ የወጣቶች አኅጉር ናት፣ በአኅጉራቸው የወደፊት ተስፋቸውን ሊያልሙ እንጂ ሕልማቸው ወዲያ ማዶ መሆን የለበትም፤›› ብለዋል፡፡

- Advertisement -

‹‹በኢትዮጵያ ያለውን አጠቃላይ ወቅታዊ ሁኔታ በቅርበትና በትኩረት የምንከተለው ጉዳይ ነው፤›› ያሉት ዋና ዳይሬክተሯ፣ ‹‹የትኛውንም ዓይነት የሴቶች ጥቃት እየተከታተልን ሪፖርት እናደርጋለን፤›› ለአንድ አገር ወደ ዕድገት እንዲራመድ የሚያስችሉ አገልግሎቶችን ለማቅረብ ሰላም ወሳኝና ቁልፍ የሆነ የመጀመሪያው ቅድመ ሁኔታ መሆን አለበት፤›› ብለዋል፡፡

በኢትዮጵያ በሚስተዋሉ የጦርነት ክስተቶች ሕገወጥ የሕፃናት ዝውውር፣ የአስገድዶ መድፈር ጥቃቶችና ወንጀሎች ለድርጅታቸው እንቅስቃሴ ፈተና እንደሆነበት ተናግረዋል፡፡ ‹‹በመሠረታዊነት በጦርነት ውስጥ የሚደረግ የአስገድዶ መድፈር ወንጀል ሊኖር የማይገባው ክፉ ተግባርና ዕሳቤ ነው፤›› ብለዋል፡፡

በኢትዮጵያ ከተካሄደ 20 ዓመታት ሊሞሉት የተቃረበው የሕዝብና የቤት ቆጠራ በአጭር ጊዜ እንዲከናወን ድርጅታቸው ዕገዛ በማድረግ በትኩረት እየተከታተለው ነው ያሉት ዳይሬክተሯ፣ ባለፉት አራት ዓመታት በሚሊዮን ዶላሮች የሚቆጠር ገንዘብ በመመደብ የኮምፒዩተር ታብሌቶችን በመግዛት፣ የዲጂታል ቴክኖሎጂዎችን በማሠልጠንና ከኢትዮጵያ ስታትስቲክስ አገልገሎት ባለሙያዎችን ወደ ሱዳን በመላክ ሥልጠና እንዲያገኙ ዕገዛ መደረጉን ተናግረዋል፡፡

የተመድ የሥነ ሕዝብ ፈንድ የቆጠራ ሒደቱን ለማገዝ ከኢትዮጵያ መንግሥት ጋር በየጊዜው በመነጋገር ክትትል እያደረገ ነው ብለዋል፡፡

ዋና ዳይሬክተሯ አክለውም የሕዝብና የቤት ቆጠራ ጊዜውን ጠብቆ መካሄድ ያለበት ለዕቅድ ቁልፍ የሆነ መሣሪያ ቢሆንም፣ በኢትዮጵያ ቆጠራው ከተካሄደ ሁለት አሠርት ዓመታት ሊሞሉ ተቃርበዋል፡፡

መንግሥት የኮሮና ቫይረስ ወረርሽኝና በሰሜን ኢትዮጵያ የተካሄደው ጦርነት ለሕዝብና ቤት ቆጠራው መዘግየት ምክንያት መሆናቸውን ከዚህ ቀደም ማስታወቁ ይታወሳል፡፡ የሕዝብና የቤት ቆጠራ፣ እንዲሁም የግብርና መረጃ ቆጠራ በመጪዎቹ ሦስት ዓመታት ውስጥ እንደሚካሄድ ዕቅድ መያዙን የፕላንና ልማት ሚኒስትሯ ፍፁም አሰፋ (ዶ/ር) ከዚህ በፊት መግለጻቸው አይዘነጋም፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ