Saturday, April 20, 2024
- Advertisement -
- Advertisement -
ዜና‹‹ችግር ካለባቸው አካባቢዎች በስተቀር የተሳታፊዎች ልየታና አጀንዳ መቀበል ሥራዎች እየተሠሩ ነው›› የኢትዮጵያ...

‹‹ችግር ካለባቸው አካባቢዎች በስተቀር የተሳታፊዎች ልየታና አጀንዳ መቀበል ሥራዎች እየተሠሩ ነው›› የኢትዮጵያ አገራዊ ምክክር ኮሚሽን

ቀን:

የኢትዮጵያ አገራዊ ምክክር ኮሚሽን የፀጥታ ችግር ካለባቸው አንዳንድ አካባቢዎች በስተቀር፣ በሁሉም የአገሪቱ አካባቢዎች የተሳታፊዎች ልየታና አጀንዳ መቀበል ሥራዎች እየተሠሩ መሆናቸውን አስታወቀ፡፡

 ኮሚሽኑ ከተለያዩ የኅብረተሰብ ክፍሎች ጋር የሚደረገውን ውይይት ጨምሮ ከታች ያለው ዜጋ ሐሳቡን በነፃነት የሚገልጽበትን መድረኮችም ለብዙኃን ተደራሽ ለማደረግ የመገናኛ ብዙኃን ባለሙያዎች ሚና ክፍተኛ መሆኑንና ተቀራርቦ በጋራ መሥራት እንደሚያስፈልግ ገልጿል፡፡

ኮሚሽኑ ከኢትዮጵያ መገናኛ ብዙኃን ምክር ቤት ሥራ አስፈጻሚ ኮሚቴ አባላት ጋር የካቲት 7 ቀን 2016 ዓ.ም. ባደረገው አገራዊ ውይይት ላይ፣ የኢትዮጵያ አገራዊ ምክክር ኮሚሽን ዋና ኮሚሽነር ፕሮፌሰር መስፍን አርዓያ ባደረጉት ገለጻ፣ ኮሚሽኑ በኢትዮጵያ በሚገኙ የተለያዩ የፖለቲካና የሐሳብ መመርያዎች፣ እንዲሁም የኅብረተሰብ ክፍሎች መካከል መሠረታዊ በሆኑ አገራዊ ጉዳዮች ላይ የሐሳብ አለመግባባት ይታያል፡፡ ይህንንም መነሻ በማድረግ፣ አገራዊ ምክክር ኮሚሽኑ በሕዝብ ተወካዮች ምክር ቤት በአዋጅ ቁጥር 1265/14 ተመሥርቶ የተለያዩ ሥራዎችን እየሠራ ነው፡፡ በአፈጻጸሙም  የፀጥታ ችግር ካለባቸው አንዳንድ አካባቢዎች በስተቀር በሁሉም የአገሪቱ አካባቢዎች የተሳታፊዎች ልየታና የአጀንዳ መቀበል ሥራዎች እየተሠሩ መሆኑንም ተናግረዋል፡፡

- Advertisement -

Video from Enat Bank Youtube Channel.

የኢትዮጵያ መገናኛ ብዙኃን ምክር ቤት የሥራ አስፈጻሚ ሰብሳቢ አቶ አማረ አረጋዊ በበኩላቸው፣ ምክር ቤቱ ከ80 በላይ የሚዲያ ተቋማትን በማቀፍ የእርስ በርስ ቁጥጥር ሥርዓትን ተግባራዊ እያደረገ መሆኑንና የፕሬስ ነጻነትን ለድርድር ሳያቀርብ በሥነ ምግባር የታነፀ ሚዲያ እንዲገነባ የሚታገል መሆኑን ተናግረዋል፡፡

የኢትዮጵያ አገራዊ ምክክር ኮሚሽን በአዋጁ የተሰጡት ሥልጣንና ኃላፊነቶች በአገሪቱ ውስጥ ለዘመናት የተከማቹ ችግሮችን በውይይት ከሥረ መሠረቱ ለመፍታት ዕድል የሚሰጡት እንደሆነ የጠቀሱት አቶ አማረ፣ ኮሚሽኑ ምን እንደሚሠራ ወይም ምን እንደማይሠራ ግልጽ በማድረግ፣ ከመገናኛ ብዙኃን ጋር ተቀራርቦ መሥራት ለነገ የማይባል ተግባር ነው ብለዋል፡፡

 ኮሚሽኑና ምክር ቤቱ ስለ አገራዊ ምክክሩ በጥልቀት ከተወያዩ በኋላ፣ ከአጀንዳ ቀረጻና ከተሳታፊዎች ልየታ በኋላ ሕዝባዊ ውይይቶችና ምክክሮች ሲካሄዱ፣ መገናኛ ብዙኃን በምን መልኩ ውይይቶቹን ለሕዝብ ተደራሽ እንደሚያደርጉ፣ በኮሚሽኑ የተዘጋጁ ስትራቴጂክ ዕቅዶች ላይ በቀጣይነት ለመወያየትና ምክር ቤቱ የራሱን ግብዓት በማከል የጋዜጠኞችን አቅም በሥልጠና በማሳደግ በኩል በጋራ ለመሥራት መግባባት ላይ ደርሰዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰላማዊ የፖለቲካ ትግልና ፈተናው

የኦሮሞ ነፃነት ግንባር (ኦነግ) የፖለቲካ ኦፊሰር የአቶ በቴ ኡርጌሳን...

አበጀህ ማንዴላ! አበጀሽ ደቡብ አፍሪካ!

በአየለ ት. የፍልስጤም ጉዳይ የዓለም አቀፍ ፖለቲካንም ሆነ የተባበሩት መንግሥታትን...

የውጭ ባለሀብቶች ለኢትዮጵያውያን ብቻ በተፈቀዱ የንግድ ዘርፎች እንዲገቡ የመወሰኑ ፋይዳና ሥጋቶች

ጠቅላይ ሚኒስትር ዓብይ አዓመድ (ዶ/ር) የውጭ ኩባንያዎች በጅምላና ችርቻሮ...