Saturday, April 20, 2024
- Advertisement -
- Advertisement -
ስፖርትከካንሰር አገግሞ አይቮሪኮስትን ለአፍሪካ ዋንጫ አሸናፊነት ያበቃው ሴባስቲያን ሃለር

ከካንሰር አገግሞ አይቮሪኮስትን ለአፍሪካ ዋንጫ አሸናፊነት ያበቃው ሴባስቲያን ሃለር

ቀን:

የ34ኛው ምዕራፍ የአፍሪካ ዋንጫን አዘጋጇ አይቮሪኮስት አስቀርታዋለች፡፡ በምድብ ጨዋታ 4ለ0 መረታቷን ተከትሎ ከውድድሩ ልትሰናበት እንደምትችል ግምት ሲሰጣት የከረመችው አይቮሪኮስት እየተንገዳገደች ለፍጻሜ ደርሳ፣ ተጠባቂውን የናይጀሪያ ብሔራዊ ቡድን 2ለ1 በመርታት የአፍሪካ ዋንጫን ማንሳት ችላለች፡፡

አይቮሪኮስት በአቢጃን አላሳኔ ኦወታራ ስታዲየም በተደረገው የፍጻሜ ጨዋታ ለሦስተኛ ጊዜ የአፍሪካ ዋንጫ አንስታለች፡፡

የናይጄሪያ ብሔራዊ ቡድን በ38ኛው ደቂቃ ግብ በማስቆጠር ጨዋታውን መምራት ቢችልም፣ የአይቮሪኮስቱ አማካይ ፍራንክ ኬሲ በ62ኛው ደቂቃ እንዲሁም ሴባስቲያን ሃለር በ81ኛው ደቂቃ ሁለተኛ ግብ በማስቆጠር ቡድኑ ዋንጫውን በምድሩ እንዲያስቀር አስችሏል፡፡

- Advertisement -

Video from Enat Bank Youtube Channel.

በአንፃሩ ብሔራዊ ቡድኑ ዋንጫ ከማንሳቱም በላይ ከካንሰር ሕመም አገግሞ አገሩን ለአፍሪካ ዋንጫ ያበቃው ሴባስቲያን ጉዳይ አነጋጋሪ ሆነዋል፡፡ አይቮሪኮስት ግማሽ ፍጻሜውን ከተቀላቀለች በኋላ ከዴሞክራቲክ ኮንጎ ጋር ባደረገችው ጨዋታ ሴባስቲያን በ65ኛው ደቂቃ ባስቆጠራት ግብ ለፍጻሜ እንድትበቃ አስችሏል፡፡

ለጀርመኑ ክለብ ቡርሲያ ዶርትመንድ የሚጫወተው ሴባስቲያን፣ ለስድስት ወራት ሲሰቃይበት ከነበረው የወንድ የዘር ፍሬ ካንሰር ህመም አገግሞ ወደ እግር ኳስ ከተመለሰ በኋላ ለታላቅ ክብር በቅቷል፡፡

‹‹ይኼን ድል ለመጎናጸፍ የብዙ ጊዜ ህልማችን ነበር፡፡ እዚህ ደረጃ ለመድረስ ቀላል አልነበረም፡፡ ደስታው የሁሉም ነው፡፡ ሁሉም  ደስታው ይገባዋል፤›› በማለት ሴባስቲያን ተናግሯል፡፡

በሕመሙ ምክንያት አስቸጋሪ ጊዜ ያሳለፈው ተጫዋቹ፣ ለብሔራዊ ቡድኑ የማይታመን አስተዋጽኦ ማበርከት ችሏል፡፡

‹‹ትሁት ሰው ነው፣ ለቡድኑ ጠንክሮ ይሠራል፡፡ የቡድን አጋሮቹን ለመርዳት የሚቻለውን ሁሉ ያደርጋል፤›› በማለት የቀድሞ የአርሰናልና የማንችስተር ሲቲ ተጫዋች ብሎኮሎ ቱሬ አስተያየቱን ሰጥቷል፡፡

ላለፉት 18 ወራት ለእሱና ለቤተሰቡ አስቸጋሪ ጊዜ እንደነበር የሚያስረዳው ሴባስቲያን፣ ዛሬ የደረሰበት ቀን የሚደንቅ ነው ይላል፡፡ 

ሁለት ቀዶ ሕክምናዎችን ያደረገው ተጫዋቹ ዓምና በጥር ወር ወደ ክለቡ ለመደበኛ ልምምድ መመለስ ቻለ፡፡ ከሕመሙ ከተመለሰ በኋላ ክለቡ ቡርስያ ዶርትመንድ ከፍሪበርግ ባደረገው ጨዋታ ግብ ማስቆጠር የቻለ ሲሆን ቀኑም የካንሰር ቀን የሚከበርበት መሆኑ አግራሞትን ፈጥሮ ነበር፡፡

በቁርጭምጭሚቱ ላይ ባጋጠመው ጉዳት ምክንያት የብሔራዊ ቡድኑ ሦስት ጨዋታ ላይ መሰለፍ አልቻለም ነበር፡፡ ቡድኑም በኢኳቶሪያል ጊኒ 4ለ0 ሽንፈትን ጨምሮ ሁለት ጊዜ ቢረቱም ሴባስቲያን በሁለት ወሳኝ ጨዋታዎች ግብ በማስቆጠር ሊታደጋቸው ችሏል፡፡

በዚህም ተጫዋቹ በአፍሪካ ዋንጫ እንዲሁም በእግር ኳስ ሁሌም የማይረሳ ታሪክ መጻፍ ችሏል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰላማዊ የፖለቲካ ትግልና ፈተናው

የኦሮሞ ነፃነት ግንባር (ኦነግ) የፖለቲካ ኦፊሰር የአቶ በቴ ኡርጌሳን...

አበጀህ ማንዴላ! አበጀሽ ደቡብ አፍሪካ!

በአየለ ት. የፍልስጤም ጉዳይ የዓለም አቀፍ ፖለቲካንም ሆነ የተባበሩት መንግሥታትን...

የውጭ ባለሀብቶች ለኢትዮጵያውያን ብቻ በተፈቀዱ የንግድ ዘርፎች እንዲገቡ የመወሰኑ ፋይዳና ሥጋቶች

ጠቅላይ ሚኒስትር ዓብይ አዓመድ (ዶ/ር) የውጭ ኩባንያዎች በጅምላና ችርቻሮ...