Wednesday, April 17, 2024
- Advertisement -
- Advertisement -
ዜናከ110 ሺሕ በላይ የነበሩትን የኅብረት ሥራ ማኅበራት ቁጥር ወደ 10 ሺሕ ለማውረድ...

ከ110 ሺሕ በላይ የነበሩትን የኅብረት ሥራ ማኅበራት ቁጥር ወደ 10 ሺሕ ለማውረድ ዕቅድ ተያዘ

ቀን:

በአገር አቀፍ ደረጃ ከ110 ሺሕ በላይ የኅብረት ሥራ ማኅበራትን ቁጥር በመቀነስ ወይም በመልሶ በማደራጀት፣ ወደ አሥር ሺሕ ጠንካራ ማኅበራት ለማውረድ ዕቅድ መያዙ ተገለጸ፡፡

 እ.ኤ.አ በ2009 ዓ.ም. በወጣው  የኅብረት ሥራ ማኅበራት አዋጅ በአንድ የሥራ ክልል ተመሳሳይ ሥራን የሚያከናውኑ ማኅበራት እንዲደራጁ የማይፈቅድ በመሆኑ፣ የማኅበራቱን ቁጥር መቀነስ የግድ መሆኑን የኅብረት ሥራ ኮሚሽነር ጌታቸው መለሰ (ዶ/ር) ተናግረዋል፡፡

ኮሚሽነሩ ይህን የገለጹት የሕዝብ ተወካዮች ምክር ቤት የግብርና ጉዳዮች ቋሚ ኮሚቴ፣ የግብርና ማኒስቴርና ተጠሪ ተቋማትን የ2016 በጀት ዓመት የስድስት ወራት ዕቅድ አፈጻጸም ሰኞ የካቲት 4 ቀን 2016 ዓ.ም. በገመገመበት ወቅት ነበር፡፡

- Advertisement -

Video from Enat Bank Youtube Channel.

በኅብረት ሥራ ማኅበራት ላይ እየተካሄደ ባለው ሪፎርም ኮሚሽነሩ ባስቀመጠው ዕቅድ መሠረት፣ 50,000 የሚሆኑትን በማፍረስ፣ 40,000 የሚሆኑትን በማዋሀድ ቁጥራቸውን ለማውረድ ታቅዶ እንደነበር፣ ነገር ግን በተጠበቀው ልክ አለመሠራቱን የቋሚ ኮሚቴው አባላት ጥያቄ ሲያቀርቡ አስታውቀዋል፡፡

በተጀመረው ሪፎርም ካሉት ከ110 ሺሕ በላይ ማኅበራት 10 ሺሕ ጠንካራ ማኅበራትን የመፍጠር ዕቅድ ምን ላይ ደረሰ ሲሉ የቋሚ ኮሚቴው አባላት ጥያቄ አቅርበዋል፡፡

ኮሚሽነሩ በሰጡት መልስ በአዋጁ መሠረት ኢትዮጵያ ውስጥ ባሉ 17 ሺሕ ቀበሌዎች ቢያንስ በአንድ ቀበሌ አንድ ማኅበር መኖር አለበት ቢባል፣ አሁን በሥራ ላይ መገኘት የነበረባቸው 17 ሺሕ ማኅበራት ነበሩ ብለዋል፡፡ ይሁን እንጂ አሁን በሥራ ላይ ያሉት ማኅበራት ከ110 ሺሕ በላይ ደርሰዋል ሲሉ አስረድተዋል፡፡

በመሆኑም የበዛውን የማኅበራት ቁጥር ለመቀነስ በማፍረስና በማዋሀድ አዋጁን መሠረት በማድረግ በጥንቃቄ እንዲደራጁ ይሠራል ተብሏል፡፡ በዚህ ሥሌት መሠረት በአንድ የሥራ አካባቢ አንድ የኅብረት ሥራ ማኅበር ብቻ እንዲኖር ይደረጋል ማለት ነው፡፡

ወደፊት ሕዝቡን በማወያየትና በፈቃደኝነት ይተገበራል የተባለው ይህ የማፍረስ ወይም የማዋሀድ ሥራ፣ አሁን በተጨባጭ በኦሮሚያ ክልልና በድሬዳዋ ከተማ በተሻለ መከናወኑ ተገልጿል፡፡ በሒደቱ መሥፈርቱን ጠብቀው ያልተመሠረቱ ካሉ ይፈርሳሉ ያሉት ኮሚሽነሩ፣ ሒደቱ በውይይት በመተማመን ይፈጸማል ብለዋል፡፡

የሚከናወነው የማፍረስና የማዋሀድ ሥራ ሕጋዊ መሥፈርት የማያሟሉና ምንም ፋይዳ የሌላቸውን ማኅበራትን በመለየት፣ ጠንካራና ተፅዕኖ ፈጣሪ የሆኑ ማኅበራትን ለመፍጠር ታስቦ እየተሠራ መሆኑን አስታውቀዋል፡፡

ከዚህ ቀደም ማኅበራቱ ቁጥር ብቻ እንጂ የተፅዕኖ ደረጃቸውና ገበያን በማረጋጋት ረገድ የነበራቸው አስተዋጽኦ ዝቅተኛ ነው ተብሎ ወቀሳ ይቀርብባቸው እንደነበር አይዘነጋም፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰላማዊ የፖለቲካ ትግልና ፈተናው

የኦሮሞ ነፃነት ግንባር (ኦነግ) የፖለቲካ ኦፊሰር የአቶ በቴ ኡርጌሳን...

አበጀህ ማንዴላ! አበጀሽ ደቡብ አፍሪካ!

በአየለ ት. የፍልስጤም ጉዳይ የዓለም አቀፍ ፖለቲካንም ሆነ የተባበሩት መንግሥታትን...

የውጭ ባለሀብቶች ለኢትዮጵያውያን ብቻ በተፈቀዱ የንግድ ዘርፎች እንዲገቡ የመወሰኑ ፋይዳና ሥጋቶች

ጠቅላይ ሚኒስትር ዓብይ አዓመድ (ዶ/ር) የውጭ ኩባንያዎች በጅምላና ችርቻሮ...