Friday, March 1, 2024
- Advertisement -
- Advertisement -
ዜናአሜሪካ በአማራ ክልል የተፈጸመው ግድያ ተጣርቶ ለሕግ እንዲቀርብ ጠየቀች

አሜሪካ በአማራ ክልል የተፈጸመው ግድያ ተጣርቶ ለሕግ እንዲቀርብ ጠየቀች

ቀን:

አሜሪካ በአማራ ክልል ምዕራብ ጎጃም ዞን መርአዊ ከተማ ጥር 20 ቀን 2016 ዓ.ም. መፈጸሙ የተነገረው የንፁኃን ዜጎች ግድያ በአስቸኳይ ተጣርቶ ለሕግ እንዲቀርብ ጥያቄ አቀረበች፡፡

በመንግሥት ኃይሎችና በፋኖ መካከል የተካሄደውን ጦርነት ተከትሎ፣ በመርአዊ ቁጥራቸው ከ50 በላይ የሆኑ ሰዎች መገደላቸው ሲነገር ሰንብቷል፡፡

አሜሪካ በአማራ ክልል የተፈጸመው ግድያ ተጣርቶ ለሕግ እንዲቀርብ ጠየቀች | Ethiopian Reporter | ሪፖርተር
ኧርቪን ማሲንጋ በኢትዮጵያ የአሜሪካ አምባሳደር

በኢትዮጵያ የአሜሪካ ኤምባሲ አምባሳደር ኧርቪን ማሲንጋ ዓርብ የካቲት 1 ቀን 2016 ዓ.ም. ባወጡት መግለጫ፣ የአሜሪካ መንግሥት በመርአዊ ከተማ ተፈጸመ በተባለው የንፁኃን ግድያ ሥጋት እንደገባው ገልጸዋል፡፡

- Advertisement -

Video from Enat Bank Youtube Channel.

‹‹ገለልተኛና ነፃ አጣሪ ቡድን በአስቸኳይ ወደ ሥፍራው ገብቶ የተፈጸመውን የሰብዓዊ መብት ጥሰት እንዲያጣራ እንጠይቃለን፤›› ሲሉም፣ አምባሳደሩ የአገራቸውን አቋም አስታውቀዋል፡፡

አምባሳደሩ አያይዘውም በአማራ ክልል ብቻ ሳይሆን በኦሮሚያ ክልልና በሌሎች አካባቢዎች የሰብዓዊ መብት ጥሰት መበራከቱን የሚጠቁሙ መረጃዎች መጨመራቸው አሳሳቢ መሆኑንም ገልጸዋል፡፡

በኢትዮጵያ የሚስተዋለውን ቀውስ ለመፍታት ብቸኛው መፍተሔ ውይይት መሆኑን ተናግረዋል፡፡

የአሜሪካ ውጭ ግንኙነት የአፍሪካ ጉዳዮች ቢሮ ከአንድ ሳምንት ቀደም ብሎ ባወጣው መግለጫ፣ በአማራ ክልል አስቸኳይ ጊዜ አዋጁ መራዘሙ አሳሳቢ መሆኑን ገልጾ ነበር፡፡

የመርአዊ ከተማ ግድያን በተመለከተ ከነዋሪዎች ማጣራቱን በመጥቀስ በጉዳዩ ላይ ጥር 28 ቀን 2016 ዓ.ም. መግለጫ ያወጣው የኢትዮጵያ ሰብዓዊ መብቶች ጉባኤ (ኢሰመጉ)፣ ከ80 በላይ ሰዎች መሞታቸውን ገልጿል፡፡

ሟቾቹ በፋኖና በመከላከያ መካከል በተካሄደው ግጭት ተሳትፎ እንዳልነበራቸው የጠቀሰው ኢሰመጉ፣ በአካባቢው በተካሄደው ውጊያ በነበረው ከፍተኛ የተኩስ ልውውጥ የሞቱ መኖራቸውን ጠቁሟል፡፡ በተኩስ ልውውጥ ከሞቱት በተጨማሪም ቤት ለቤት በመዘዋወር ግድያ የተፈጸመባቸው እንዳሉም አመልክቷል፡፡

ስለዚህ ጉዳይ በመገናኛ ብዙኀን የተጠየቀው የኢትዮጵያ ሰብዓዊ መብቶች ኮሚሽን (ኢሰመኮ) በበኩሉ፣ በባህር ዳር ቅርንጫፉ በኩል ማጣራት እያካሄደ መሆኑን ምላሽ ሰጥቷል፡፡

የመርአዊ ከተማ ግድያን በተመለከተ የአማራ ማኅበር በአሜሪካ (Amhara Association of America) መግለጫ ያወጣ ሲሆን፣ ለጥፋቱ መንግሥትን ተጠያቂ አድርጓል፡፡ የአማራ ብሔራዊ ንቅናቄ (አብን)፣ እንዲሁም እናት ፓርቲ በዚሁ ግድያ ላይ መግለጫ ያወጡ ሲሆን፣ በንፁኃን ላይ የተፈጸመው ግድያ ተጣርቶ በአጥፊዎች ላይ ሕጋዊ ዕርምጃ እንዲወሰድ አሳሳበዋል፡፡

አንዳንዶች ለግድያው መንግሥትን ተጠያቂ ያደረጉ ቢሆንም፣ መግለጫ የሰጠው ኢሰመጉ በጉዳዩ ላይ ተጨማሪ ማጣራት እንደሚያስፈልግ ነው የገለጸው፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ወደ መኖሪያ ቤታቸው ሲገቡ ባለቤታቸው በቴሌቪዥን የሚተላለፈውን ዜና በመደነቅ እየተመለከቱ አገኟቸው]

እንዲያው የሚደንቅ ነው እኮ። ምኑ? ዜና ተብሎ በቴሌቪዥን የሚተላለፈው ነገር ነዋ፡፡ ምኑ...

በኦሮሚያ የሚፈጸሙ ግድያዎችና የተጠያቂነት መጥፋት

የካቲት 11 ቀን 2016 ዓ.ም. ቢሾፍቱ አቅራቢያ በሚገኘው የዝቋላ...

የኢትዮጵያ መዋዕለ ንዋይ ገበያ ከሚያስፈልገው ካፒታል ውስጥ 90 በመቶውን ሰበሰበ

እስካሁን 15 ባንኮች የመዋዕለ ንዋይ ገበያው ባለድርሻ ሆነዋል የኢትዮጵያ መዋዕለ...

አዲሱ የንብ ባንክ ቦርድ የባንኩን ካፒታል በአሥር ቢሊዮን ብር ለማሳደግ ማቀዱ ተሰማ

አዲሱ የንብ ኢንተርናሽናል ባንክ የዳይሬክተሮች ቦርድ የባንኩን ካፒታል በአሥር...