Friday, March 1, 2024
- Advertisement -
- Advertisement -
ስፖርትየቅዱስ ጊዮርጊስ አጥቂ የግብፅን ክለብ ተቀላቀለ

የቅዱስ ጊዮርጊስ አጥቂ የግብፅን ክለብ ተቀላቀለ

ቀን:

የቅዱስ ጊዮርጊስ እግር ኳስ ክለብ አጥቂ የሆነው አቤል ያለው የግብፅን ክለብ ‹‹ዜድ›› ተቀላቀለ፡፡

የግብፅ ፕሪሚየር ሊግ በ19 ነጥቦች እየመራ የሚገኘው ዜድ እግር ኳስ ክለብ፣ የፈረሰኞችን አጥቂ ለሁለት ዓመት ከስድስት ወራት ማስፈረሙ ተገልጿል፡፡

የቅዱስ ጊዮርጊስ አጥቂ የግብፅን ክለብ ተቀላቀለ | Ethiopian Reporter | ሪፖርተር
ለግብፁ ዜድ እግር ኳስ ክለብ የፈረመው
አቤል ያለ

ከ2011 ዓ.ም. ጀምሮ በፈረሰኞቹ ቤት ከአምስት ዓመት በላይ የቆየው አቤል፣ ከክለቡ ጋር የ2014 እና የ2015 ዓ.ም. የኢትዮጵያ ፕሪሚየር ሊግ ዋንጫ ማሳካት ችሏል፡፡

- Advertisement -

Video from Enat Bank Youtube Channel.

በዘንድሮ ፕሪሚየር ሊግ ለቅዱስ ጊዮርጊስ ስምንት ግቦች ማስቆጠር የቻለው አቤል፣ ከቅርብ ጊዜ ወዲህ በግብፅ ክለቦች ዓይን ውስጥ መግባቱ ሲጠቀስ ከርሟል፡፡ 

በዚህም መሠረት ከሐሙስ ጥር 23 ቀን 2016 ዓ.ም. ጀምሮ በይፋ የግብፁን ክለብ መቀላቀሉን ሶከር ኢትዮጵያ አስነብቧል፡፡

በአቃቂ እግር ኳስ መጫወት የጀመረው አቤል በአገር ውስጥ ባሉ የተለያዩ ክለቦች መጫወት የቻለ ሲሆን፣ ለኢትዮጵያ ብሔራዊ ቡድንም መሠለፍ ችሏል፡፡

አቤል በአንደኛ ሊግ ለሐረር ሲቲ የሁለት ዓመት ቆይታ አድርጎ፣ ሁለት ዓመት በደደቢት አሳልፎ በውሰት ወደ ፋሲል በማቅናት የአንድ ዓመት ቆይታ አድርጓል፡፡

አቤል ከግብፅ ክለቡ ጋር ውል ማሠሩን ተከትሎ ደስታ እንደተሰማው ገልጿል፡፡

በግብፅ ክለቦች ዕይታ ውስጥ የሚወድቁት ኢትዮጵያውያን ተጫዋቾች ስኬታማ ጊዜ ሲያሳልፉ ይስተዋላል፡፡ ከዚህ ቀደም ዑመድ ኡኩሪና ሽመልስ በቀለ በተለያዩ ክለቦች መጫወት ችለዋል፡፡

በቅርቡ ከኢትዮጵያ ብሔራዊ ቡድን ራሱን ያገለለው ሽመልስ በቀለ በግብፅ ለረዥም ዓመታት ቆይታ አድርጎ ወደ አገር ቤት መመለሱ ይታወሳል፡፡  

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ወደ መኖሪያ ቤታቸው ሲገቡ ባለቤታቸው በቴሌቪዥን የሚተላለፈውን ዜና በመደነቅ እየተመለከቱ አገኟቸው]

እንዲያው የሚደንቅ ነው እኮ። ምኑ? ዜና ተብሎ በቴሌቪዥን የሚተላለፈው ነገር ነዋ፡፡ ምኑ...

በኦሮሚያ የሚፈጸሙ ግድያዎችና የተጠያቂነት መጥፋት

የካቲት 11 ቀን 2016 ዓ.ም. ቢሾፍቱ አቅራቢያ በሚገኘው የዝቋላ...

የኢትዮጵያ መዋዕለ ንዋይ ገበያ ከሚያስፈልገው ካፒታል ውስጥ 90 በመቶውን ሰበሰበ

እስካሁን 15 ባንኮች የመዋዕለ ንዋይ ገበያው ባለድርሻ ሆነዋል የኢትዮጵያ መዋዕለ...

አዲሱ የንብ ባንክ ቦርድ የባንኩን ካፒታል በአሥር ቢሊዮን ብር ለማሳደግ ማቀዱ ተሰማ

አዲሱ የንብ ኢንተርናሽናል ባንክ የዳይሬክተሮች ቦርድ የባንኩን ካፒታል በአሥር...