Friday, March 1, 2024
- ማስታወቂያ -
- ማስታወቂያ -

ሞሐን ኪሣራ ውስጥ ከተዋል የተባሉ አመራሮች ተቀየሩ

ተዛማጅ ፅሁፎች

  • በክልል የሚገኙ ፋብሪካዎች በፀጥታ ችግር ማምረት ማቆማቸው ተገልጿል

የሜድሮክ ኢንቨስትመንት ግሩፕ በሞሐ የለስላሳ መጠጦች ኢንዱስትሪ ድርጅት ላይ እየተደረገ በሚገኘው ሪፎርም መሠረት፣ ኪሣራ ውስጥ የከተቱ አመራሮችን መቀየሩን አስታወቀ፡፡

ሚድሮክ ኢንቨስትመንት ግሩፕ ጥር 22 ቀን 2016 ዓ.ም. ሞሐ የለስላሳ መጠጦች ኢንዱስትሪና ፔፕሲኮ ያላቸውን አጋርነት በማስመልከት በሰጠው መግለጫ በሞሐ እየተደረገ በሚገኘው ሪፎርም የገጠሙ ችግሮችን በመፍታት ድርጅቱን ከፍተኛ ደረጃ ላይ ለማድረስ እንደሚሠራ ተገልጿል፡፡

የሞሐ ድርጅት በምርታማነት ችግር ኪሣራ እንዲገጥመው ያደረገውን አመራር በመቀየር፣ አዲስ የማኔጅመንት አወቃቀር መደረጉን የግሩፑ የማኑፋክቸሪንግ ዘርፍ ምክትል ሥራ አስፈጻሚ አቶ አካለወልድ አድማሱ ተናግረዋል፡፡

ሞሐ ራሱን ችሎ የተቋቋመና ለባለቤቱ ሼክ ሁሴን አል-አሙዲ የድርጅቱን ሪፖርት ሲያደርግ የነበረ ሲሆን፣ በባለቤቱ ውሳኔ መሠረት መዋቅራዊ ለውጦችን በማድረግ 45ኛ ድርጅት በመሆን የሚድሮክ ኢንቨስትመንት ግሩፕ ማኑፋክቸሪንግ ዘርፍን እንዲቀላቀል መደረጉን፣ የሚድሮክ ኢንቨስትመንት ግሩፕ የኮርፖሬት ኮሙዩኒኬሽን ኃለፊ አቶ ሰዒድ መሐመድ ገልጸዋል፡፡

በሚድሮክ ዋና ሥራ አስፈጻሚ አቶ ጀማል አህመድ የሚመራው አዲሱ የሞሐ አስተዳደር፣ ሥራውን ለማስጀመርና ምርቱን በገበያ ላይ በተሻለ ሁኔታ ለማቅረብ ለፔፕሲኮ ፕሮፖዛል ማቅረቡን አቶ ሰዒድ ተናግረዋል፡፡

በተጨማሪም የሰው ኃይሉን በተገቢ ሁኔታ አደራጅቶ ለመምራትና አስፈላጊ ማሻሻያዎችን በማድረግ ታዋቂ የሞሐ ምርቶችን ወደ ገበያ በመመለስ  ለአገር ያለውን ኢኮኖሚያዊ አስተዋፅኦ እንደሚያበረክት ተገልጿል።

ሞሐ የለስላሳ መጠጦች ኢንዱስትሪ ስምንት ፋብሪካዎች ያሉት ሲሆን፣ ምርቶቹም ፔፕሲ፣ ሚሪንዳ አፕል፣ ሚሪንዳ ኦሬንጅ፣ ሚሪንዳ ቶኒክ እና 7 አፕ ሲሆኑ በቅርቡ በተሟላ ሁኔታ ምርት እንደሚጀምር ተገልጿል።

ለአራት ወራት ያህል ሙሉ በሙሉ ምርት አቁሞ የነበረበት ዋነኛ ችግር ግብዓት የነበረ በመሆኑ በተገኘው የተወሰነ ግብዓት ለጊዜው ሥራ እንዲጀምር መደረጉን አቶ ሰዒድ ተናግረዋል፡፡

ያሉት ስምንት ፋብሪካዎች በደሴ፣ ቡሬ፣ መቀሌ፣ ሀዋሳና አዲስ አበባ የሚገኙ ቢሆንም አሁን ባለው የፀጥታ ሁኔታ ክልል ላይ ያሉትን ለማስጀመር የግብዓት ማጓጓዝ ሒደት ስለሚያስተጓጉል አለመጀመሩን አቶ አካለወልድ አድማሱ ተናግረዋል፡፡

ሞሐ የለስላሳ መጠጥ በዓመት 55 ሚሊዮን ምርት ያመርት የነበረ ሲሆን፣ በቅርቡ የሚጀምራቸው አዳዲስ ምርቶች በመጨመር ለማምረት ማቀዱን አቶ አካለወልድ ተናግረዋል፡፡

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች