Sunday, March 3, 2024
- Advertisement -
- Advertisement -
ዝንቅድንጋጌ አለመከተል ዋጋ ያስከፍላል

ድንጋጌ አለመከተል ዋጋ ያስከፍላል

ቀን:

የእንስሳት ፓርከ ውስጥ ስንገባ እንደ እንስሳቱ እንጂ እንደ ሰው ማሰብ ዋጋ ያስከፍላል። አለዚያ በአንደኛው አውሬ የመበላት እድል ሰፊ ነው። በእጓለ እመሕያው ጭንቅላት ብናስብም የአስተሳሰብ ሕጉ የሚቀነበበው በእንስሳቱ መንገድ ነው። ወደ እነርሱ ሄደናልና በእነርሱ መንገድ ማሰባችን ግድ ይላል። ወደ ሰው ልጅ የኑሮ ዑደት ውስጥም ገብተናልና ሕልውናችንን ለማስቀጠል መከተል ያለብንን ድንጋጌ አለመከተል ዋጋ ያስከፍላል። 

ኒቼ ‹‹መኖር ማለት መሰቃየት ነው። ስቃዩን ለመቋቋም መፍጨርጨር ደሞ በስቃዩ ውስጥ ያለውን ትርጉም ማወቅ ነው!›› ይላል። የቴዲ ገጸሰብ ስቃዩን ለመቋቋም የምንጥረው በፍቅር በኩል ነው ከሚሉት ወገን ይመስላል። በስቃዩ ውስጥ እሚገለጠው የመኖር ትርጉም ደግሞ ፀሐይ መሆናችንን ማወቁ ላይ ነው። ይህ ከሆነ ዘንዳ ስቃዩ ቀሊል ነው። የቀኑ መምሸት ሥጋት ውስጥ አይከትም። የፋኖሱ አለመኖር ከቁብም አይቆጠርም። ዛሬ በተስፋ የተለኮሰው የፀሐይ ድምቀት ነገን እንዳይጠፋ ያስችለዋል። 

  በሕይወት መፍጨርጨር ውስጥ ያለች ፀለምተኛ ግለሰብ የማሸነፈያውን ቁጥር ቢነግሯት በጀ አትልም። በፍቅር ብትፍጨረጨሪ ፀሐይነትሽ ይታወቅሻል ብትባል፥ ‘ጎሽ’ እሚል ቃል አይወጣትም። በማህደሯ ከሰደረችው መዝገበ ቃላት ውስጥም አልሰፈረም። ወትሮም ‹‹አስተዋይ ያልሆነን ሰው ወደ ገነት መላክ አይቻልም። ምከንያቱም በሄደበት ሁሉ የሚያገኘው የራሱን ሲዖል ነው›› ተብሎም የለ? ዛሬን በተስፋ ለኩሰሽ ነገን ብሩህ ማድረግ የሚባል ብሂል ላለማወቅ ትጉህ ናት። 

- Advertisement -

Video from Enat Bank Youtube Channel.

የቴዲ ገጸሰብ፣ ምክር የተጫነው ስንኞችን ያዥጎደጉድላታል። ‹‹እጅሸን እውኃው ውስጥ ክተቺ፤ ከቀናሽ ዓሣ ታገኚያለሽ፤ ካጣሽም እጅሽን ታጥበሽ ትወጫለሽ። የእናት ቀለምነትሽን ተጠቅመሽ በዓለም ሸራ ፍቅርን ሳዪበት። ወዴትም አታንጋጥጪ! አለማንጋጠጥ ነው፤ ካንጋጠጥሽ ሰማይ ነኝ እማይልሽ የለም!… ካንጋጠጥሽ የቀኑ መምሸት መፍጨርጨሪያ ይቀማሻል። ፋኖስ እንኳ ባቅሙ ይዘባነንብሻል። ይልቁንም አሁኑኑ ተስፋ ለኩሺና ለምድሪቷ ፀሐይ መሆንሽን አብስሪ፤ ነገም ይደነግጣል። የዛሬው አቋምሽ የነገ ጉልበት ላይ ብርክ ያዘምታል። የዛኔ አቶ ነገ ‹በአህያ ቆዳ የሠራውን ቤት፣ ብትንትን ታደርጊዋለሽ› ልክ ጅብ እንደጮኸ’ለት ። 

‹‹ልብሽ ከቶም እንዳይከፋው። የዓለም ኑሮ ምን ባይቃና ከአንደበትሽ የምሬት ቃል እንዳይወጣ። ችግሩን ያባብሰዋል። ‹ተመስገን ይለዋል ሰው ባያሌው ታሞ – ያመረሩት እንደሆን ይጨምራል ደሞ› እሚባለውም ለዚህ አይደል? 

  • ቢኒያም አበራ ‹‹ወደፍቅር ጉዞ››
spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የአዲስ አበባ ነዋሪዎች ቁጥር ሲጨምር የሚኒባስ ታክሲዎች ቁጥር እየቀነሰ መምጣቱ ሊታሰብበት ይገባል

በአዲስ አበባ ከተማ የትራንስፖርት አገልግሎት በመስጠት ከፍተኛ የሚባለውን ድርሻ...

ሃምሳ ዓመታት ያስቆጠረው አብዮትና የኢትዮጵያ ፖለቲካ ውጣ ውረድ

የኢትዮጵያ ሕዝቦች የዴሞክራሲ ለውጥ ጥያቄ የሚነሳው ከፋሺስት ኢጣሊያ ወረራ...

በአዲስ አበባ ንግድና ዘርፍ ማኅበራት ምክር ቤት የተፈጸመው ሕገወጥ ተግባር ምንድነው?

የአዲስ አበባ ንግድና ዘርፍ ማኅበራት ምክር ቤት የዳይሬክተሮች ቦርድ፣...

በአዲስ አበባ ንግድና ዘርፍ ማኅበራት ምክር ቤት ላይ ምርመራ እንዲደረግ ውሳኔ ተላለፈ

ፕሬዚዳንቷና ዋና ጸሐፊው ተጠያቂ ሊሆኑ ይችላሉ ተብሏል ከአዲስ አበባ ንግድና...