Monday, February 26, 2024
- Advertisment -
- Advertisment -

[ክቡር ሚኒስትሩ ሰሞኑን ከአውሮፓ የመጡ የረዥም ጊዜ ወዳጃቸውን እያዘዋወሩ በአዲስ አበባ የተገነቡ ፓርኮችንና በግንባታ ሒደት ላይ የሚገኘውን ሳተላይት ከተማ ካስጎበኙ በኋላ በአንድ ሬስቶራንት ውስጥ አረፍ ብለው እየተጨዋወቱ ነው]

  • እሺ እንዴት አገኘኸው?
  • ጥሩ ነው።
  • ጥሩ ነው ብቻ? እስኪ ደግሞ እነዚህን ፎቶዎች ተመልከት።
  • እነዚህ ደግሞ ምንድናቸው?
  • በተለያዩ አካባቢዎች የገነባናቸው የቱሪስት መዳረሻ ሪዞርቶች ናቸው።
  • ኦ… በጣም ድንቅ ናቸው።
  • በተቻለን አቅም አገር ለመለወጥ እየሞከርን ነው።
  • ጥሩ ጅማሮ ነው።
  • ወደድከው አይደል።
  • እኔማ ወድጄዋለሁ፣ ግን…
  • ግን ምን?
  • ከመጣሁ ጀምሮ ያገኘዋቸው ወዳጆቼ እንዲሁም ስዘዋወር የምሰማው ግን ምሬት ነው።
  • የምን ምሬት?
  • ብዙዎቹ ከአዲስ አበባ ወጣ ብሎ በሰላም መመለስ አስቸገሪ እንደሆነና በኑሮ ውድነት መቸገራቸውን ነው የሚያወሩት።
  • ሲያጋንኑ ነው፡፡
  • ብቻ በምሬት ነው የሚያወሩት።
  • ሲያጋንኑ ነው እያልኩህ?
  • ከመጣሁ ጀምሮ የምሰማው መንግሥት የማኅበረሰቡን አንገብጋቢ ችግሮች ቅድሚያ ሰጥቶ ከመፍታት ይልቅ የፓርኮች ግንባታን መርጧል የሚሉ በምሬት የተሞሉ ትችቶችን ነው።
  • አሱን እኛም እንሰማለን፡፡ አዲስ ቤተ መንግሥትና ፓርኮችን መገንባት ምን ትርጉም አለው የሚሉ ድምጾች መኖራቸውን እናውቃለን። ነገር ግን ግን…
  • እ…?
  • ያው ማኅበረሰባችንን ታውቀዋለህ አይደል?
  • ማለት?
  • ነገሮችን በቶሎ አይረዳም ማለቴ ነው።
  • አለመረዳት ነው ብለህ ነው?
  • ሌላ ምን ሊሆን ይችላል?
  • የማኅበረሰቡ ቅሬታ መንግሥት ፍላጎቴን አልተረደም። ቅደሚያ የሚሰጣቸው ነገሮች በሙሉ የማኅበረሰብን ችግር የሚፈቱ አይደሉም የሚል ነው። ይህ ደግሞ ተገቢ ቅሬታ እንጂ ተቃውሞ ወይም አለመረዳት አልመሰለኝም።
  • አይ… አለመረዳት ነው። ምን አለ በለኝ ትንሽ ቆይቶ ሲያመሠግን ትሰማለህ።
  • አንድ ነገር አስታወስከኝ።
  • ምን?
  • The Mouse Land የሚባለውን ተረት።
  • ሰምቼ አላውቅም። የምን ተረት ነው?
  • ፍልስፍና አዘል ተረት ነው። የአማርኛ ፍቺው ‹‹የአይጦች አገር›› ይመስለኛል።
  • እሺ…?
  • አይጦች ናቸው አሉ… የጋራ ችግራቸውን የሚፈታላቸውና የሚያስተዳድራቸው መንግሥት መመሥረት አለብን ብለው ምርጫ ያካሂዳሉ።
  • እሺ…
  • ድምፅ ሲቆጠር ያሸነፈው ግን ድመት ሆኖ ተገኘ።
  • እሺ…
  • ሥልጣን ላይ የወጣው ድመት በራሱ ዕይታ ጥሩ ናቸው የሚላቸውን ሕጎችና ፖሊሲዎችን ማውጣት ጀመረ።
  • እሺ፡፡
  • አይጦች ግን አልወደዱትም።
  • ለምን?
  • ምክንያቱም የሚያወጣቸው ሕጎችና ፖሊሲዎች ለአይጦች የሚመቹ አልነበሩም።
  • ባይመቻቸውም መቀበል አለባቸው!
  • ለምን?
  • በምርጫ የመጣ መንግሥት ነዋ!
  • ቢሆንም የሚያወጣቸው ፖሊሲዎችና ሕጎች የአይጦችን ሁኔታ ያገናዘበ አይደለማ።
  • እንዴት?
  • ለምሳሌ መጀመሪያው ያወጣው ሕግ በአይጥ አገር መራመድ እንጂ መሮጥ አይቻልም የሚል ነበር።
  • የትራፊክ አደጋን ለመቀነስ የሚጠቅም ጥሩ ሕግ ይመስለኛል።
  • ነገር ግን ለአይጦች የሚስማማ አይደለም፣ ያጠፋቸዋል።
  • ለምን ያጠፋቸዋል?
  • አይጦች ካልሮጡ ድመትን ማምለጥ አይችሉማ።
  • እህ… እሺ…
  • በዚህም ምክንያት አይጦች በመንግሥት ላይ አመፁ።
  • ማመፅን ምን አመጣው።
  • ታዲያ ምን ማድረግ ይችሉ ነበር?
  • በሰላማዊና ሕጋዊ መንገድ አይፈቱትም?
  • በሰላማዊ መንገድ ነው የፈቱት።
  • እንዴት ፈቱት?
  • አመጽ አካሂደው የነበረውን መንግሥት አወረዱ፣ ከዚያም አዲስ መንግሥት ለመምረጥ ምርጫ አዘጋጁ።
  • ምርጫ ማካሄዳቸው ጥሩ ነው።
  • ምን ዋጋ አለው?!
  • እንዴት?
  • አዲስ ምርጫ አካሂደው ድምፅ ሲቆጠር አሁንም ያሸነፈው ሌላ ድመት ሆኖ ተገኘ።
  • እንከን የለሽ ምርጫ ከነበረ ውጤቱን በፀጋ መቀበል አለባቸው።
  • ምርጫው ዴሞክራሲያዊ ቢሆን ምን ዋጋ አለው።
  • እንዴት?
  • በሁለተኛው ምርጫ ሥልጣን ላይ የወጣው ድመትም ወዲያውኑ ተመሳሳይ ስህተት መሥራት ጀመረ።
  • የምን ስህተት?
  • በድመት ዕይታ ጥሩ የሚባሉ ነገር ግን ለአይጦች የማይመቹ ሕጎችን ማውጣት ጀመረ።
  • ችግሩ ከሕጉ ሳይሆን ከአይጦች ነው የሚመስለው።
  • ለምን እንደዚያ አልክ?
  • በምርጫ የመጣ መንግሥት ነዋ።
  • አይ አንተ…
  • እንዴት?
  • በምርጫ የመጣ መንግሥትም ቢሆን የሕዝብን የቅድሚያ ፍላጎትና መሠረታዊ ችግር ያላጤነ ከሆነ ትርጉም የለውማ?
  • ቆይ፣ ሥልጣን ላይ የወጣው ድመት ያወጣው ሕግ ምንድነው?
  • በመጀመሪያ ያወጣው ሕግ ምን መሰለህ?
  • እ…?
  • የአይጥ ቤት አይጥን ብቻ ሳይሆን ድመትንም የሚያስገባ መሆን አለበት የሚል ነበር።
  • አካታች የሆነ ሕግ ነው።
  • በድመት አይን ካየኸው ነዋ።
  • ለአይጦችስ ቢሆን?
  • አደጋ ነው።
  • ለምን?
  • ድመት የሚያስገባ ቤት ውስጥ መኖር ለአይጥ የህልውና አደጋ ነዋ።
  • እህ… በዚያ መልኩ አላየሁትም ነበር።
  • ገብቶኛል።
  • እንዴት ሊገባክ ቻለ?
  • ከመጣሁ ጀምሮ በአገሪቱ ያስተዋልኩት ይህንኑ ነው።
  • ምንድነው እሱ?
  • ነገሮችን ከአንድ አቅጣጫ፣ ከራስ በኩል ብቻ ማየት!

በብዛት የተነበቡ ፅሁፎች

- Advertisment -

ትኩስ ፅሁፎች

የመጣንበትና አብረን የምንዘልቅበት የጋራ እሴታችን ለመሆኑ ነጋሪ ያስፈልጋል ወይ?

በኑረዲን አብራር በአገራችን ለለውጥ የተደረጉ ትግሎች ከመብዛታቸው የተነሳ ሰላም የነበረበት...

አልባሌ ልሂቃንና ፖለቲከኞች

በበቀለ ሹሜ በ2016 ዓ.ም. ኅዳር ማክተሚያ ላይ ፊልድ ማርሻል ብርሃኑ...

አሜሪካ የኢትዮጵያ የባህር በር ጥያቄ ተገቢነት ቢኖረውም ከጎረቤት አገሮች ጋር በሚደረግ ንግግር መሆን አለበት አለች

መንግሥትን ከፋኖና ከኦነግ ሸኔ ጋር ለማነጋገር ፍላጎቷን ገልጻለች የኢትዮጵያ የባህር...

ሕወሓት በትግራይ ጦርነት ወቅት በፌዴራል መንግሥት ተይዘው ከነበሩት አባላቱ መካከል ሁለቱን አሰናበተ

በሕወሓት አባላት ላይ የዓቃቤ ሕግ ምስክር የነበሩት ወ/ሮ ኬሪያ...

የኤሌክትሪክ ኃይል ለታንዛኒያ ለመሸጥ የሚያስችል ስምምነት ለመፈጸም የመንግሥት ውሳኔ እየተጠበቀ ነው

የኢትዮጵያ ኤሌክትሪክ ኃይል ለታንዛኒያ የኤሌክትሪክ ኃይል ሽያጭ ለማከናወን የሚያስችለውን...
spot_img

ተዛማጅ ፅሁፎች

[ክቡር ሚኒስትሩ የካቤኔ አባል የሆኑት አንድ ከፍተኛ ባለሥልጣን የሚያቀርቡትን ቅሬታ እያዳመጡ ነው] 

ክቡር ሚኒስትር እየሆነ ያለው ነገር በእጅጉ ስላሳሰበኝ ነው በአካል አግኝቼ ላነጋግርዎት የፈለግኩት። ጥሩ አደረክ። ምን አሳሳቢ ነገር ገጥሞህ ነው? ክቡር ሚኒስትር ተወያይተንና ተግባብተን ያስቀመጥናቸው አቅጣጫዎች፣ በተለይም...

[የክቡር ሚኒስትሩ ባለቤት ሞባይል ስልካቸው ላይ አተኩረው ሲመለከቱ ቆይተው፣ በድንገት ካቀረቀሩበት ቀና ብለው ባቤታቸውን ጠየቁ]

ምን ጉድ ነው የማየው? ምን ገጠመሽ? የመንግሥት ሚዲያዎች የሚያሠራጩት ምንድነው? ምን አሠራጩ? አልሰማህም? አልሰማሁም፣ ምንድነው? ዳግማዊ አፄ ምኒልክ መልዕከት አስተላለፉ እያሉ ነው እኮ። እ... እሱን ነው እንዴ? አዎ። የምታውቀው ነገር አለ? አዎ። የዓድዋ...

[ክቡር ሚኒስትሩ  የኢትዮጵያ ዲያስፖራ አባላትን በአዲስ አበባ የተለያዩ አካባቢዎች እያዞሩ እያስጎበኙ ከአንድ ዲያስፖራ ጋር እየተወያዩ ነው]

ክቡር ሚኒስትር የዛሬ ሁለት ዓመታት ገደማ ወደ አዲስ አበባ መጥቼ ከተማዋን ጎብኝቼ ነበር። እውነት? አዎ። ታዲያ ልዩነቱን እንዴት አዩት? በጣም ይደንቃል። ሌላ ከተማ እኮ ነው የመሰለችው። አይደል? አዎ። እንዴት ነው...