Friday, March 1, 2024
- Advertisement -
- Advertisement -
ማኅበራዊደኅንነታቸው ያልተረጋገጡ የዘይትና የጨው ምርቶች ገበያ ላይ መሠራጨታቸው  ተገለጸ

ደኅንነታቸው ያልተረጋገጡ የዘይትና የጨው ምርቶች ገበያ ላይ መሠራጨታቸው  ተገለጸ

ቀን:

  • ኅብረተሰቡ ጥንቃቄ እንዲያደርግ ማሳሰቢያ ተሰጥቷል

ጥራታቸውና ደኅንነታቸው ሳይረጋገጥ ገበያ ላይ የዋሉ 83 ዓይነት የዘይትና የጨው ምርቶች መሠራጨታቸውን የኢትዮጵያ ምግብና መድኃኒት ባለሥልጣን  አስታውቋል።

ኅብረተሰቡ በባለሥልጣኑ ማኅበራዊ ትስስር ገጽ የተዘረዘሩትን ምግቦች እንዳይጠቀምም ጥር 14 ቀን 2016 ዓ.ም.  ባሠራጨው መረጃ  አሳስቧል፡፡

ደኅንነታቸው ያልተረጋገጡ የዘይትና የጨው ምርቶች ገበያ ላይ መሠራጨታቸው  ተገለጸ | Ethiopian Reporter | ሪፖርተር

- Advertisement -

Video from Enat Bank Youtube Channel.

ተቋሙ ባደረገው የገበያ  ቅኝት  አረጋገጥኩት ባለው  መሠረት፣  44 ዓይነት የምግብ ዘይትና 39  በአዮዲን የበለፀገ የምግብ ጨው ምርቶች ደኅንነታቸውና ጥራታቸው ያልተረጋገጡ ከመሆናቸው በተጨማሪ፣ የአገሪቱን አስገዳጅ ደረጃና የገላጭ ጽሑፍ ደረጃ ሳያሟሉና ሳይለጥፉ መገኘታቸውን ገልጿል፡፡

የታገዱት ምርቶች፣ የአምራች ድርጅት ስምና አድራሻ ያልተገለጸ፣ የኢትዮጵያ አስገዳጅ የደረጃ ምልክትና የምርት መለያ ቁጥር የሌላቸው፣ የምርቱ ጥሬ ግብዓት ዝርዝር ያልተገለጸ፣ የመጠቀሚያና የማብቂያ ጊዜ የሌላቸው ምርቶች ናቸው፡፡

የምርት ገላጭ ጽሑፍ ማሟላት ለተጠቃሚው የመብት ጉዳይ በመሆኑ የምግብ ዘይትና በአዮዲን የበለፀገ የምግብ ጨው የኢትዮጵያ አስገዳጅ ደረጃ እንዲያሟሉ ደረጃ ወጥቶላቸዋል፡፡

ደኅንነታቸው ያልተረጋገጡ የዘይትና የጨው ምርቶች ገበያ ላይ መሠራጨታቸው  ተገለጸ | Ethiopian Reporter | ሪፖርተር

ምርቱን ለምግብነት የሚጠቀም ሰው ምርቱ ከምን እንደተመረተ የሚያውቅበት፣ የመጠቀሚያ ጊዜ የሚያበቃበትን የሚለይበት፣ በምርቱ ላይ የጥራት ችግር ቢከሰት በአምራች ወይም በተቆጣጣሪው ተጠቃሚው ምርቱን እንዳይጠቀም ከገበያ እንዲሰበሰብ ለማድረግ የሚጠቅም ምርት የሚለይበት መለያ ቁጥር፣ የአምራች ስምና አድራሻ አለመጠቀሱና  በኢትዮጵያ የሚወጡ አስገዳጅ ደረጃ የወጣላቸውን ምርቶች ላይ የደረጃ ምልክት አለመለጠፍ ከፍተኛ የሕግ ጥሰት መሆኑም ተመልክቷል፡፡

እንደ ባለሥልጣኑ፣ አምራች ድርጅቶች ከምርት ጥራት ችግር ጋር ተያይዞ የሚነሱ ችግሮችን ኃላፊነት ላለመውሰድ የሚያደርጉት ጥረት በመሆኑ፣ ኅብረተሰቡ ይህን ተገንዝቦ በገበያ ላይ የዋሉትን የምግብ ዘይትና በአዮዲን የበለፀገ የምግብ ጨው ምርቶች ከመግዛቱ በፊት የኢትዮጵያ አስገዳጅ ደረጃ ምልክት የለጠፉ ስለመሆኑና የምርት ገላጭ ጽሑፍ በአግባቡ ስለመጠቀሱ ሳይመለከት ምርቶቹን መጠቀም የለበትም፡፡

በተሠራው የገበያ ቅኝት በምሥልና በስም የተጠቀሱት ምርቶች ደኅንነታቸውና ጥራታቸው ያልተረጋገጡና የአገሪቱን አስገዳጅ ደረጃ የማያሟሉ በመሆናቸው ኅብረተሰቡ እንዳይጠቀማቸው ባለሥልጣኑ አሳስቧል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

[ክቡር ሚኒስትሩ ወደ መኖሪያ ቤታቸው ሲገቡ ባለቤታቸው በቴሌቪዥን የሚተላለፈውን ዜና በመደነቅ እየተመለከቱ አገኟቸው]

እንዲያው የሚደንቅ ነው እኮ። ምኑ? ዜና ተብሎ በቴሌቪዥን የሚተላለፈው ነገር ነዋ፡፡ ምኑ...

በኦሮሚያ የሚፈጸሙ ግድያዎችና የተጠያቂነት መጥፋት

የካቲት 11 ቀን 2016 ዓ.ም. ቢሾፍቱ አቅራቢያ በሚገኘው የዝቋላ...

የኢትዮጵያ መዋዕለ ንዋይ ገበያ ከሚያስፈልገው ካፒታል ውስጥ 90 በመቶውን ሰበሰበ

እስካሁን 15 ባንኮች የመዋዕለ ንዋይ ገበያው ባለድርሻ ሆነዋል የኢትዮጵያ መዋዕለ...

አዲሱ የንብ ባንክ ቦርድ የባንኩን ካፒታል በአሥር ቢሊዮን ብር ለማሳደግ ማቀዱ ተሰማ

አዲሱ የንብ ኢንተርናሽናል ባንክ የዳይሬክተሮች ቦርድ የባንኩን ካፒታል በአሥር...